Yaaguub Afraayimwa Manassaabwa idehar
48
01 Shalikt middaati har'ii,
Yuusif ubaaba Yaaguub lhaab iiktiyeet toona soomamiya.
Yuusif barooh iishbibee dehaay y'areeh imalu Manassaawwa Afraayimwa geebooh haay giigiya.
02 Malya Yuusif beentooy iktimihoob,
gaal Yaaguubii dehaay,
<<W'ooruuk Yuusif bariiyook shibuubiib y'aabi.>>
idi.
Yaaguub n'aali kehii winneet am'akaaree is'a.
03 Yaaguub Yoosif sooya,
<<Ukwaasana W'alya,
Kan'aani haashiib Luuseeb anii deha lawiya,
beentooy aree baarakiyaheeb.
04 Waadiyaab deha y'abik,
<Gwida dehay ikatiin firaay iyaaw hook andi.
Oon whaash aree barookwa tidirriyaaytookwa shaawti diima kinaamsi hookna andi.>
idiheeb>> idi.
05 Yaaguub masi <<Yuusif,
y'araak Manasaawwa Afraayimwa Masreeb ifreena,
laakiin ani bareeh y'ari Raa'oobiinwa Shim'ooniitwa agbilan.
06 Bareeyooh har'ii itfariin y'ar areek ikatiin.
Laakiin baraah tikwasa Afraayimwa Manasaaywa geebii kwasaameen.
07 Ani Baddan Araamee it'igrihoob,
deetuuk Raaheel Kan'aani haashiib Afraataab dawil mhiin usalaliib ani winneet gadabaa tiya.
Been usalal Afraat iibiinaay daraag abis.>>
idi.
(Tumadiina Afraat aree Beetlahamti.)
08 Malya Yaaguub y'ar ishbibaayt har'ii,
<<Aan aayga?>>
idiit raatiya.
09 Yuusif ubaabaay dehaay,
<<Awooh,
aan baraah y'ar Ukwaasana aneeb tooy Masreeb yhiyeeyu y'ara.>>
idi.
Yaaguub <<Iidehar andi akay tooy sidawilheeb.>>
idi.
10 Beenhoob Yaaguub matuunii aagw'ad afreeya iifiin,
daayiib karhiya.
Oont'a Yuusif y'areeh isdawil dehaay haay eeya.
Malya ubaaba bareeh shoobiya aree hooy yhalab.
11 Malya Yaaguub Yoosfii dehaay,
<<Ani shaawti barook masi rhiyeeb kahiisan.
Laakiin Ukwaasana y'areek han rhisiyaheeb.>>
idi.
12 Malya Yuusif y'ar whoobaay y'arooreeh yaksiyaayt,
whaashiib ifiiree n'ati kuramiya.
13 Yoosif w'oorooh Afraayim Yaaguubi tarhagwadii dehaay isingad,
w'oorooh Manassaab aree umaygwadii dehaay isingad.
14 Laakiin Yaaguub w'ayooh umaykwa w'oor oodis Afraayimi girmaay kehii daasiya.
Manassa laakiin suurkinaab iiktiyeek han w'ayooh utalhaab bariiyooh ugirmaay kehii daasiya.
15 Malya baruuh Yoosif idehar:
<<Ukwaasana hoobu Ibraahiimwa baabu Isehaagwa y'ibidneeb kassooh umidhhanu oon amsi ookiik iishkwiheeb indi.
16 Umalak kastooh toomaagtii aneeb ishidhhan,
een y'ar han baarakiiniib ikati.
Aniib uusimwa,
Ibraahiimiib uusimwa,
Isehaagiib uusimwa oon bareesooh iidhhan iyadna.
Ukwaasana een bareeh toobuuti kehii gwidaab ba'iikwsi.>>
idi.
17 Laakiin Yuusif ubaaba w'ayooh umaykwaab w'oor oodis Afraayimi kehii daasaa rhiyanihoob irib.
Aflaay baruuh ubaabaay w'ayi umaykwaab Afraayimi girmaay yakisiyaayt Manassaay kehii daasiya.
18 Yuusif <<Baab,
amaag saktaa,
oon w'oor usuurkina w'ayook umaykwaab kehii daasa!>>
idi.
19 Laakiin ubaaba <<W'ooruun,
naan daayaniyeeb akteen.
Sidiku,
Manassa han door gaal win dehay ikati indi.
Uusan uudis Afraayim laakiin winkaab iikti indi.
Bariiyaah y'ar aree akra dehay iiktiin iyadna.>>
idi.
20 Yaaguub been oomb'i bareeh idehar:
<<Oosmiisookna Y'israa'iili baarakameen,
<Ukwaasana Afraayimwa Manassaawwa t'iiteeb ba'iikwasi hookna.>
imsiyoodiin.>>
idi.
Aflaay baruuh Afraayim Manassaay suurii ikwaas.