Yahuudaabwa Taamaarwa
38
01 Been oodoor,
Yahuuda isanaayeeh irbaayi haashiib y'ish giigiya.
Adullaam tittiyuud tumadinaatiib,
w'araawooh Hiiraayi geeb ikwiiree dehaay giigiya.
02 Baruuh beentooy takat Kan'aaniit,
Shoow'aab iidni takiit oot imookaaniit id'ir.
03 Batuuh tinkwiit oor tifri,
w'oor Eer itoosaam.
04 Malya masi batuuh tinkwiit oor weer tifri,
w'oor Oonaan tiisim.
05 Masi oor mhayaab tifri,
w'oor aree Shaalaab tiisim.
Barooh Kaasiib iidni haashiib tifri.
06 Yahuuda w'oorooh oowinkaab Eer,
Taamaar iidneet oot isid'ir.
07 Laakiin Eer W'ankwanaay suurii amaag tak iifi akay W'ankwana barooh idir.
08 Malya Yahuuda Oonaan w'ooriyooh dehaay,
<<Baruuk ibakii Taamaar tind'iira,
usaniyook dehaay aree ar hooy firiya.>>
idi.
09 Laakiin Oonaan y'ar bariiyeeh bii'akayneet toona iktiin akay,
usaniit tutakati geeb diwiyanihoob batuuh firaay bityaksayi jillaay t'ishaateeh tubuutiib iifiif.
10 Laakiin tuun tuuna W'ankwanaay suurii shingiraanaati akay oon han W'ankwana idir.
11 Yahuuda w'ooriitooh takat Taamaarii dehaay,
<<Baabiyook oogaw bayii,
w'ooru Shaala inwiineeb ookiik beentooy hagitii!>>
idi.
Baruuh <<Sheela han isanaayeet atoodrat y'iini.>>
idiit ikwin.
Aflaay Taamaar han ubaabaay ugawiib tikwiiri jillaay giigta.
Yahuuda Taamaareeb
12 Malya shalikt masseeti har'ii,
Yahuudaab tutakatuuh Shuu'aayt oot tiya.
Batooh waawisiya.
Malya w'araawooh Hiira W'adullaamaayi geeb tumadiina Timnaab ibi.
Beentooy ureewuuh itoomaan.
13 Taamaar whamuuh Yahuuda t'anooteeh isoomiinee dehaay ibayeet toona tikan.
14 Sheela iwinaayt tak akaab iiktiyeet toona batuuh tikan.
Laakiin barooh batiiyeeh eed'ar dehaay niyaamaab kiikeen.
Oon usabbii batuuh utakooh w'aya sitookwaab iiktiyeeb yhalaaka hoosooh tifir'a aree wari halaaka tikwi.
Malya batuuh Timnaab iibiib usalaliib tiifiit tumadiina Eenaayimi dheefaay tis'a.
15 Yahuuda eeyanihoob,
batuuh halaakii kwabaasti akay kanaab kiiki.
Malya batooh jakiint hiisiya.
16 Batooh takat ikwisiyeet toona hooy yhariw,
<<M'ii hook,
geebook diwi andi.>>
idi.
Batuuh aree <<Geebook diwaniyeek naan iyaawheeb tindiya?>>
tidi.
17 Baruuh <<Ureewiisu ab tari abat dehook diigwati andi.>>
idi.
Batuuh han <<Baruuk ab tari abat haay diigwatiniyeeb ookiik naan arbuuniheeb tindiya?>>
tidi.
18 Baruuh <<Batuuk naa arbuun harriiwii?>>
idi.
Batuuh <<T'alaatiyook eefeeb umhakwarwa,
toofiswa,
tukwoolaytookwa aharriiw.>>
tidi.
Malya een bareeh batooh yhii malya geeb diwiya.
Shaawti batuuh tinkwi.
19 Malya batuuh ugawooh tibi.
Shaawti Taamaar yhalaaka hoosooh tifir'a,
been utakuuh w'aya sitookwaab iiktiyeeb yhalaaka tikwi.
20 Yahuuda w'araawooh Hiiraay geeb tutakatii dehaay n'aayt isoodif.
Tukwoolaywa umhakwaroohwa hooy yhariw.
Laakiin batuuh hagtaat kitti.
21 Hiira oodehay raatiya,
<<Tujakiin tumadiina Eenaayimi dheefaay usalaliib tiifiit naad teefi?>>
idi.
Uudehay <<Tooy jakiint masi han karhina.>>
idiin.
22 Hiira y'agaraayt Yahuudaab sooya,
<<Ani tutakat miraab kaaki,
tumadiinaati dehay han <Tooy masi jakiint han karhina> idiin.>>
idi.
23 Yahuuda <<Aflaay batooh miraab bitkaayeek,
teena batiyaay.
Uudehay hoon biifaayiidna,
toon'aay shaawti ishti nid'a.>>
idi.
24 Mhay tirgaayi har'ii,
gaal Yahuudaay dehaay,
<<W'ooriituuk takat Taamaar tujakiintiit saktini,
oont'a aree nakwalaaytu.>>
idi.
Yahuuda <<Batooh tumadiinaatii fir'ana,
malya dirnaat liwna!>>
idi.
25 Taamaar iifir'anihoob,
Yahuudaay dehaay diigwat tiifdig,
<<Uutak toon toofiswa,
oon umhakwarwa,
toon tukwoolaywa yhiiyu uutak w'ooriyu ubaaba ikati.
Een bareeh tikteena shibiba>> tidi.
26 Yahuuda <<Taan bataah aniita.
Batuuh aniika hayiskaatu,
w'ooru Sheelaab asid'iir hooki iideeb uwaadiya ani akit'a.>>
idi.
Beenaay har'ii,
Yahuuda batiiyooh geeb shaawti diwaab kiiki.
27 Malya Taamaariib uufiraay idwilhoob,
tiitaab tifri.
28 Batuuh firiyee akay,
gaal y'aree w'ayooh ifr'a,
tusfaarana aree w'ayiib adaru luul tehakwir,
<<Uun awwal y'aabu.>>
tidi.
29 Malya laakiin been w'ayooh fir'aa iifiib,
w'ayooh y'agir.
Uusan uuraaw ifr'a eeya.
Tusfaarana aree <<Baruuk kak fartaay eeta?>>
tidi.
Oon usabbii w'oor Faaras iisimna aree <<Fariyaay eeya>> miyaadi.
30 Malya w'oor ooluul w'adaru hooy hakwaar ifrayihoob,
Saarahaab iisimna aree <<Adaroob>> miyaadi.