Iisaawiib y'ar
36
01 Aan baraah aree Iisaawiib y'ara.
Iisaaw,
Adoom han ittiyuud gwida ar iibri.
02 Mhayt m'at Kan'aaniit id'ir:
tutakat tusuuriit Adaah Eelooniit oot iidna aree Hiitaayiitu.
Tumalya Oohooliibaama Anaayt ootu,
Siib'oon Whiiwaayi aree whooba ikati.
03 Tumhaya Basamaat Ismaa'iiliit ootu aree Nabaayootiit kwaati.
04 Adaah Aliifaas tifri,
Basamaat Raa'uu'eel tifri.
05 Oohooliibaama aree Ya'uushwa,
Ya'alaamwa,
Goorahaawwa tifri.
Aan baraah Iisaawiib y'ar Kan'aani haashiib ifriyeeba.
06 Iisaaw y'areehwa,
tim'ateehwa,
y'ayaaydeehwa,
kassooh ureewoohwa,
oomraay Kan'aaneeb imriyeebwa iiyhaayt Yaaguubii fidnaab beeriya.
07 Baraah gwida reew iibriin akay hiddaab ikwiirneet toona adgiraab kiikeen.
Whaash bareeyooh ooreew iskwir akaab kiiki.
08 Iisaaw,
Adoom atoosmaab,
irbaayi haash Sa'iireeb kookiya.
09 Iisaaw Sa'iir irbaayi haashiib ikwri.
Baruuh aree Y'adoomaayi hooba ikati.
10 Iisaawiib y'ara sima:
Aliifaas tuundi Adaahti.
Raa'uu'eel aree tuundi Basamaati.
11 Aliifaasiib y'ar aree:
Teemaanwa,
Umarwa,
Safoobwa,
Jaataamwa,
Ganaaswa ittiyuudna.
12 Aliifaas weer oor Amaaliig iidneeb,
tehamadh'aatooh Timnaay firaab iiktiyeeb han iibri.
13 Raa'uu'eeliib y'ar aree:
Nahaatwa,
Saarahaawa,
Shammaahwa,
Missaahwa ittiyuudna.
Aan baraah Basamaatiib w'oori ar ikatiin.
14 Oohooliibaama Anaayt oot Iisaawiit tutakati,
whooba aree Siib'ooni.
Baraah Ya'uushwa,
Ya'alaamwa,
Goorahaawwa ittiyoodiin.
15 Aan baraah Iisaawiib y'ari suurkina:
Aliifaas Iisaawiib w'oor usuurkina,
Teemaanwa,
Umarwa,
Safoobwa,
Ganaaswa ittiyoodiin.
16 Goorahaawwa,
Jaataamwa,
Amaaliikwa een bareeh whooba Iisaaw ikati,
Adahaay itfariina.
Adoomeeb aree Adoomeeb aree ikwiirna.
17 Reeweel,
Iisaawwa Basamaatiibwa w'oori ifir'at tigabiila,
Nahaatwa,
Seeraabwa,
Shammaahwa,
Missaahwa ittiyoodiin.
18 Iisaawwa Oohooliibaamaa Anaayt ootiiwwa itfariint tigabiila:
Ya'uushwa,
Ya'alaamwa,
Goorahaawwa ittiyoodiin.
19 Kastaah taan tigabiila Iisaawii far'ata.
Baruuh Adoom iid simii han ituukkin.
20 Aan baraah Sa'iir Whuuriyaayiib y'ara.
Iisaawi hankaay Adoomeeb ikwiirna.
Sa'iir Whuuriyaayiib itfariin tigabiilaati suurkina:
Luutaanwa,
Shoobaalwa,
Siib'oonwa,
Anaawwa,
21 Diishoonwa,
Eesarwa,
Diishaanwa ittiyoodiin.
22 Luutaaniib y'ar:
Huuriibwa,
tookwa Timnaab tiiktiyeeb Heemaamwa ikatiin.
23 Shoobaaliib y'ar:
Alwaanwa,
Maanaahaatwa,
Eebaalwa,
Shafoobwa,
Oonaamwa ikatiin.
24 Siib'ooniib y'ar:
Aayaabwa,
Anaawwa iidna.
Anaa eeyam inab'a tusabbootiib imriibi.
Baruuh oodoor beeb ubaaba Siib'ooni mak tusabbootiib iishkwi.
25 Anaay y'ar:
Diishoonwa,
Oohooliibaamaabwa ikatiin.
26 Diishooniib y'ar:
Hamdaanwa,
Ashbaanwa,
Yatraanwa,
Karaanwa ittiyoodiin.
27 Eesariib y'ar:
Biilhaanwa,
Saafaanwa,
Akaanwa ikatiin.
28 Diishaaniib y'ar:
Uuswa Araanwa ikatiin.
29 Yhuuriyaayeet tigabiilaati suurkina:
Luutaanwa,
Shoobaalwa,
Siib'oonwa,
Anaawwa,
30 Diishoonwa,
Eesarwa,
Diishaanwa ikatiin.
Aan baraah tigabiilaateesooh Sa'iiri haashiib ikwiirna.
31 Israa'iileeb had'aab biihaayi door,
aan baraah Adoomi had'a akay iifiin:
32 Baal'a Baa'oori Adoomi had'a iki,
tumadiinaatooh Diinhaba iidna.
33 Baal'a iyanihoob,
Yoobaab Saarahaay oor,
bariiyooh oomhiin Boosraay had'aab iki.
34 Yoobaab iyanihoob,
Hushaam bariiyooh oomhiin had'aab iki.
Baruuh Itimaanaayi haashii y'aabi.
35 Hushaam iyanihoob,
Moo'aabi haashiib Imiidiyaan igrib Hadaad Badaadi oor bariiyooh oomhiin had'aab iki.
Tumadiinaatooh Afiit iidna.
36 Hadaad iyanihoob,
Samlaah Imasreegaayi bariiyooh oomhiin had'aab iki.
37 Samlaah iyanihoob,
oobhar Furaati kehii tiifiit tumadiina Rahoobootii iikti Shaa'uul bariiyooh oomhiin had'aab iki.
38 Shaa'uul iyanihoob,
Ba'alhanaan Akboori oor bariiyooh oomhiin had'aab iki.
39 Ba'alhanaan iyanihoob,
Hadaad bariiyooh oomhiin had'aab iki.
Barooh tumadiinaatooh Baaw iidna,
tutakatooh aree Mheetaab'iil Maatreediit oot iidna.
Batiiyooh whooba aree Ma'a Dahab iidna.
40 Taan tigabiila Iisaawii far'at gabiilaata.
Indhiwaayeehwa whaashiisoohwa atoosmaata:
Timnaawwa,
Alfaawwa,
Yateetwa,
41 Oohooliibaamaabwa,
Eelaawwa,
Fiinoonwa,
42 Ganaaswa,
Teemaanwa,
Mibsaarwa,
43 Maajdii'eelwa Iiraamwa ikatiin.
Taan tigabiila kastaah Y'adoomaayi hooba ikati Iisaawiit dirriyaati.
Yhash ibaraah kinaamiyaani ismaayeesooh atoosmaaba.