Yaaguub Beet Eel y'agar
35
01 Ukwaasana Yaaguubii dehaay,
<<Oont'a baruuk Beet Eel hadiit agara.
Baruuk usanook Iisaawii dhaabtaayt tibayeeb whaash,
malya na ani beentooy dehook hooy lawaneeb,
Beet Eel bayaa.
Beentooy gawook d'iraa,
anii dehaay aree karaamaati mhiin shagaama.>>
idi.
02 Aflaay Yaaguub een dhiwaayeeh sooya,
kassooh oodehay igeeb giigiin han sooya,
<<Isanama uudehay d'iyaab ikatiyeeb kat'aana,
igarooyookna sinhasna,
yhalaakaayeekna gayyaraana.
03 Malya yakaana,
Beet Eel ookiik niidif.
Beentooy Ukwaasanaay deha karaamaati mhiin shagaamni.
Ukwaasana ani gwirhaayeeb iifiyihoob geebu iifi,
sakiyi mhiiniika aree geebu iifi.>>
idi.
04 Aflaay baraah kassaah isanamaayeehwa itillal y'angwileeb iifiinwa Yaaguub yhiina.
Malya Yaaguub bareeh Shakiimiib bathakwi hindi whii ibis.
05 Baraah iibaabiyaanihoob,
Ukwaasanaay mirkwaay timadiinaati kehii dhibiya.
Shaawti bareeh gaal han kaakibaab kiiki.
06 Malya Yaaguubwa uudehay kassuuh geeb iifiinwa Luus oont'a Beet Eel atoosmaat Kan'aana haashiib teefeet iktimna.
07 Yaaguub beentooy Ukwaasanaay dehaay karaamaati mhiin shagaamiya.
Baruuh oosan Iisaawii ifoorihoob,
Ukwaasana been oomhiin dehaay lawiya akay,
been whaash aree <<Beet Eeli Ukwaasana>> iisim.
08 Baraah beentooy iifiinihoob,
Ribeekaayt tukishiya Daboora tiya.
Batooh whindi whii ibisna.
Been oomhiin <<Milooti hindi>> iisimna.
09 Yaaguub Baddan Araamee y'agari har'ii,
Ukwaasana bariiyooh dehaay lawiyaayt baarakiya.
10 Ukwaasana bariiyooh dehaay,
<<Barook uusmuuk Yaaguubu,
laakiin shaawti Yaaguub ittiyuud kitdiya.
Uusmuuk Israa'iil iikati indi.
Aflaay barooh Israa'iil isim.
11 Ani Ukwaasana W'akraabu,
guudaa,
tawaama!
Gwida dehaywa dhiwaabwa bariisook ifir'a iyadna.
Oong'iisook had'a itfir iyadna.
12 Ani Ibraahiimwa Isehaagwa hiyeeb whaash t'a han bareekna iyaaw andi,
masi oon whaash bareeyookna har'ii han y'areekna iyaaw andi.>>
idi.
13 Malya Ukwaasana been oomhiin barooh hooy bhaliisamiyeeb hooy giigiya.
14 Yaaguub Ukwaasanaay geeb hooy bhaliisamiyaneeb oomhiin aweeb daasiya.
Malya Ukwaasanaay miyaaw akay haab kehii ifif id'i,
saliit han kehii ifif id'i.
15 Yaaguub oon mhiin Beet Eel iisim.
Raaheelwa Isehaagiit tooyat
16 Yaaguubwa indhiwaayaahwa Beet Eelii giigiyaan.
Masi aree Afraatee sagii iifiin.
Raaheel uufraayi dooruuh diwlaa iifi akay winneet lhamtaayt tifri.
17 Raaheel akraat firaayiit lhanay hooy daayaan.
Tusfaarana batiiyooh dehaay,
<<Biirikwii!
Oor tifrii.>>
tidi.
18 Raaheel tooyat tikwit,
aashuuk taabiitee tifri.
W'oorooh <<Bin Oonii>> tiisim.
Laakiin Yaaguub w'oor Binyaamiin iisim.
19 Raaheel tiya,
Afraat iibiib usalaliib ibisna.
Been oomhiin Beetlaham iidna.
20 Yaaguub batiiyooh umiimashi kehii aweeb daasiya.
Been w'awi amsi ookiik beentooy eefi.
21 Israa'iil masi beeriya.
Eedareet Tusiraayaati gidehii tukheemaatooh id'ir.
22 Israa'iil been whaashiib haayee,
Raa'oobiin baabiitooh tootakat Bilhaay geeb diwiya.
Ubaaba han imaasiw.
Yaaguubiib y'ar itamna mali
23 Leeyahaay y'ar:
Raa'oobiin usuurkina.
Shim'oonwa,
Laawiibwa,
Yahuudaabwa,
Yassaakirwa,
Sabaluunwa ittiyoodiin.
24 Raaheeliib y'ar Yuusifwa Binyaamiinwa.
25 Raaheeliit tukishiya Bilhaay y'ar aree,
Daanwa Naftaaliibwa.
26 Leeyahaayt tukishiya Silfaay y'ar aree,
Jaadwa Ashiirwa.
Aan baraah Yaaguubiib y'ar Baddan Araameeb ifriyeeba.
Isehaagiit tooyat