Saaraayt tooyat
23
01 Saara sheebwa tagwgwu asarama hawlaawwa tid'iit tiya.
02 Batuuh Kan'aani haashiib Garyaat Arb'aab (Habaruun) iidni mhiin tiya.
Ibraahiim firaash iid'ee dehaaywa waawsiyee dehaaywa beentooy ibi.
03 Malyaab Ibraahiim tukinaaja y'ish id'iit giigiya,
Yhiiti infaraad,
04 <<Tooy ibitkeeyookna ani girba taku,
tutakatu hooy anbiisi mhiin naat han kaabari.
Baraak naat shalik mhiin sidalibnaheeb.>>
idi.
05 Yhiiti Ibraahiimii dehaay:
06 <<Duuruun,
sinaakira hoon.
Baruuk ibtikeen tageega fagiiriiwwa.
Tukinaajaatook hanyiis tindiyeeb oomhiin bisaa.
Hinin bariitook tukinaajaati baas gaal han hoon kiirib.>>
idiin.
07 Malya Ibraahiim ingadaayt whaashiib oodehayi suurii kuuramiya.
08 Gay baruuh bareeyooh dehaay,
<<Baraak tukinaajaati hooy anbiisi mhiin deha areeyaab tikatiineek,
aflaay sinaakirnaheeb,
Eefroon Suuhariib w'oor anii jillaay bhaliisamaana.
09 Baruuh w'amar Maakfeelaab tudayaaytiyooh agiyaay eefeeb barooh deha ba'iidlib.
Ani imhallaga ikwaas andi,
baraak han baadehiib tikatiina.>>
idi.
10 Ibraahiim whaash hooy yhiriweeb oodoor,
Eefroon tumadiinaati dheefaay dar iist'a.
11 Baruuh han <<Duuruun,
w'amarwa kassooh whaash ani barook hiyaabu.
Aniib uudehay aakna baadehiiba.
Ani oon whaash jab'aayooku,
tukinaajaatook hooy bisaa.>>
idi.
12 Ibraahiim malya oodehayi suurii kuuramiya.
13 Uudehay haayee baruuh Eefroonii dehaay,
<<Sinaakiraheeb!
Harriiweek,
tudayaaytook itamanooh dehaay iyaaw hook andi.
Tukinaajaati beentooy iibis andi akay,
imhallaga hoosu gabbalama.>>
idi.
14 Eefroon Ibraahiimii dehaay idgi,
15 <<Duuruun sinaakiraheeb,
whaash fadhig shi ashteeti mhallaga ikati.
Laakiin hinin shaliknaatiib kahadiidna,
whaash ahaa!
Tukinaajaatook bissaa.>>
idi.
16 Ibraahiim Eefroon ismeeb imhallaga ifir'at uudehay kassuuh haayee barooh yhii.
Ibraahiim bariiyooh oomyaaw gabbalamiya.
Laakiin fadhig shi ashteeti mhallaga yhii,
oon itaman aajjar haay imdillibna.
17 Shaawti Eefrooniit tudir'a Maakfeelaab Maamar dawil mhiin tiifi.
Tudir'aawwa w'amar tehooyteeb iifiibwa,
kassaah yhindi tudir'a kwalalwa Ibraahiimiib ikeen.
18 Been oodoor Yhiiti kassaah tumadiinaati dheefaay y'aa een ibhali iimsawna.
19 Malya Ibraahiim Kan'aani haashiib,
Habaruuneeb teefeet Maamar dawil mhiin,
Maakfeelaay w'amariib tutakatooh Saaraab ibis.
20 Aflaay tudir'aawwa w'amarwa Yhiiti Ibraahiimii dehaay idlibna,
uumhiin baasi mhiin tari miimashi mhiin iki.