Malaghi ku bhasya ^bhamwisighile Jheesu
6
Bhasya bhonse ^bhamwisighile Jheesu bhalikuhenselwa kubhatiikisya bhasiibho bhusya, akulinga bhantu bhasilihambaasi isiina lyeke Kabhumba na malāngululo gheetu. 2 Kubha kuli bhasya bhakukabha bhasiibho bhusya ni bhantu ^bhesighile kobha bheene, jheejhyo jhisibhi nfūno jhya bhasya kubhahambaasya. Bhahenseelwe kubhakolela milīmo fisogha no kusumba, bhukohela bhalobha bhalikubhafūnaanila bhantu ^bhesighile kobha bheene, kabhili ni bhenaabho. Ghaagho ghwaghalāngulula ghwanabhakabha akulinga bhabhe bhalikughalōnda.Paulo alikumukabha kabhili Timoseo nasilōndi malāngululo gha malami
3 Bhaliho bhantu ^bhalikulāngulula malāngululo gha malami. Bhalikulāngulula ghasijhikenyie na malāngululo gha bhwene gheke Sifwe Bhusya Jheesu Kiliisito, kabhili teghajhikenyie na malāngululo gha kubhalānga bhantu kumutiikisya Kabhumba. 4 Bhaabho bhabhumbiike myala, kabhili tebhajhinsi lyolyonse. Bhaabho bhantu bhalikubhāngilila maghāmbo gha kutambaana gha bhusila iijhobho ku maghāmbo matooli matooli. Maghāmbo ghaagho gho ghalikulenta ibhengwe, masōola, matusi, no kubhalanganyia bhandi fibhi. 5 Kabhili ghalikwīla bhantu kubhula kwihulika nfuku syonse. Bhaabho bhantu bhabhiiha masāla, bhaalēka kubhumānya bhwene. Bhalikulanganyia kubha ti kumutiikisya Kabhumba gho nsīla jhya kupata bhutunsi.
6 Bhwene, kumutiikisya Kabhumba kulikumusūla muntu abhe mutunsi nkana, kubha nalolingaanilwa ne fintu fyali nafyo. 7 Bhukohela hanu ha bhweleelo, tetwakesanga na sintu syosyonse, kabhili tetulokabhuuka na sintu syosyonse. 8 Kundi, kubha twabha ne fyakulya ne myenda jhya kufwala, tulingaanilwe na feefyo. 9 Tukubha bhantu ^bhali ne iitama lya bhutunsi, bhalikughwila mu kughēmwa, no kunīghwa mu mitegho, no mwi iitama lya singalangala. Leelyo iitama lilikubhahughya lyabhabhiihya bhuliko. 10 Kutēha mpijha gho bhusumbulilo bhwa bhubhi bhonse. Bhandi bhaatēha bhutunsi naagho bhwabhasūla kulembwa, bhaalēka kwisigha. Nonwe bhaabho bhantu bhali na bhusungu bhwingi kobhe muntu ^alikwisoma na kambi.
Kukabhwa kweke Timoseo
11 Tukubha ughwe Timoseo, muntu ghweke Kabhumba, ghwaghakilima ghaagho maghāmbo. Ulōnde bhwene, umutiikisye Kabhumba, ubhe na kwisigha, kutēha, kutuusya mwēgho no bhutendeke. 12 Ghwalifinda kusoola isumo isogha lya kwisigha kwetu, ukanīghilile bhupanga bhwa nfuku syonse. Bhoobho bhupanga bhoghwaketilwanga. Ughwe ghwenyene ghwakatembekesyanga bhwene bhwa bhoobho bhupanga ha mbele jhya bhakalōla bhengi. 13 Ndikukulaghiila ha mbele jhyeke Kabhumba ^afiheele bhupanga fintu fyonse na ha mbele jhyeke Jheesu Kiliisito, ^ghakatembekesyanga bhwene ha mbele jhyeke Pontio Pilaato,a 14 ghwanīghilila ghaagho malaghi ku kughalōnda bhusila kughabhiihya mpaka hwalokesila Sifwe Bhusya Jheesu Kiliisito. 15 Kwisa kwajhe kulokabha liima lyahensile Kabhumba ^ali ne mpambulilo syonse. Unyene ghongwa ghwali ne mpasi jhya kujhima, gho Mwami ghwa bhaami bhonse, no Sifwe Bhusya ghwa bhasifwe bhusya bhonse. 16 Kabhumba ghongwae gho asinafwa, ajhīkeele ha ilangaasi lyasinakoleelela muntu. Kabhili ni hatuhu muntu ^ghalimulōla, ajhe ^akobhwele kumulōla. Kujhimbikwa na managha fibhe kumwajhe Kabhumba nfuku syonse bhusila ha bhuhela. Na fibhe bhoobho.
17 Ghwabhalomba bhatunsi bhasibhi na myala no kwisighila bhutunsi bhwabho bhwa hanu ha bhweleelo. Bhoobho bhutunsi ni bhwa ikunka itofu tue. Tukubha bhamwisighe Kabhumba ^alikutuha fintu fyonse ku bhwingi, aleke tufisangabhalile. 18 Kabhili ghwabhalomba bhakole masogha, aleke bhabhe bhatunsi mu masogha ghobhalikukola. Bhabhe bhalikufumya no kuliila kumwi na bhandi nsābho jhyabho. 19 Ku kwīla teetyo, bhalolibhiikila mbiika kobhe musingi musīipe ku nfuku ^siisile. Kundi haaho hobhalopokeela bhupanga bhwa bhwene.
20 Timoseo, nīghilila fisogha sikūla sya bhwene syoghwaheebhwa. Nosijhi mu maghāmbo gha singalangala ghasila bhusabhaghala bhobhonse, na maghāmbo gha kutambaana ghobhalikutenda ti gho kutalamika. 21 Bhandi bhantu bhakalēka kwisigha kwabho, bhukohela bhakaswanga ghaagho malāngululo gha malami.
Ndikusēegha kubhala sighōngo kufuma kwa Kabhumba sibhe namwe.