Dikə tsaa niy məni Mardushe kwasəbə mazə Zerkəses
10
Liy hum ki na, dza mazə Zerkəses mbaʼ gəzanshi kaa mbəzli tə hiɗi ci gwanashi ta tsəhə ghən ghəshi, paʼa tə niy gura kərakə dzəy miy həleɗemer. 2 Gwanata tsa kuma mənəhu mazə tərəŋu tərəŋu na lə bərciy nza və gwaʼay, kwa zliyaa gəzə kumaa dzəkən mezhizhi ka Persə lə shi ka Medə tsasliti məndi. Kwa zliya va tsasliti məndi kumaa dzəkən dikə tsaa niy ɓanavə mazə tsa va kaa Mardushe diɓa. 3 Mardushe ndə ka zhəwifə tsa vay, ghəci niy nuw na mazə Zerkəses tə dikə tə hiɗi va. Tərəŋw niy fati ka zhəwifə gwanashi dikə ti, tərəŋu ghəshi niy ɗi kuma ci diɓa. Mbə sləni ciy, tərəŋu niy mənəhu na wəzə kaa mbəzli mbə hulfə ci, niy ɗi zhi na ti shiw, war zərkə na saa niy pəla na kaa ngəshi.