9
1 Yen biru gɔrɑdo nɔɔbuse u win kɔbɑ so. Mɑ nɑ kperɑ wɑ ye yɑ rɑɑ wɔrumɑ temɔ sɑɑ wɔllun di, bɑ ye wɔru bɔkɔ nɔru sɑriruguun kɔkɔrɔ wɛ̃. 2 Kperɑ ye, yɑ wɔru ge wukiɑ mɑ wiisu yɑrɑ nge dɔ̃ɔ bokon wiisu, mɑ sɔ̃ɔ kɑ wom tĩrɑ wɔru gen wii sin sɑɑbu. 3 Mɑ twee yi yɑrimɑ wii sin min di yi tɛriɑ temɔ, mɑ bɑ yi dɑm kɑ̃ nge niɑn bwɑ̃ɑru. 4 Bɑ yi woodɑ wɛ̃ yi ku yɑkɑsu sɑnku, ǹ kun mɛ gɑ̃ɑ bekunu, ǹ kun mɛ dɑ̃ru gɑru mɑ n kun mɔ tɔn be bɑ kun Gusunɔn yĩreru mɔ ben sirinɔ. 5 Twee yi, yi ǹ woodɑ wɑ yi kɑ tɔmbu go mɑ n kun mɔ yi bu nɔni sɔ̃ sere suru nɔɔbu. Nɔni swɑ̃ɑ ten wuriribu sɑ̃ɑwɑ nge niɑ yɑ̀ n tɔnu tobɑn wuriribu. 6 Suru nɔɔbu ye sɔɔ, tɔmbɑ koo gɔɔ kɑsu ɑdɑmɑ bɑ ǹ wɑsi. Bɑ koo gɔɔ kĩɑ ɑdɑmɑ u koo bu dukɑ suuri.
7 Twee yi, yi sɑ̃ɑwɑ nge dumi yi bɑ sɔɔru kuɑ tɑbun sɔ̃. Yin winɔ gɑ̃ɑnu wɑ̃ɑ nge furɔ wurɑgisu, mɑ yin wuswɛɛ sɑ̃ɑ nge tɔmbugii. 8 Yin sɛrum sɑ̃ɑ nge tɔn kurɔbun seri, mɑ yin donnu sɑ̃ɑ nge gbee sunɔginu. 9 Yin toronu mɑɑ sɑ̃ɑwɑ nge tɑrɑkpe sisuginu, mɑ yin kɑsɑn wurenu sɑ̃ɑ nge kɛkɛ sisugii yi dum dɑbinu gɑwe tɑbu sɔɔ. 10 Yi sinu mɔ kɑ sɔsɔnu nge niɑ, sii ni sɔɔrɑ dɑm wɑ̃ɑ yi kɑ tɔmbu nɔni sɔ̃ suru nɔɔbu. 11 Yi sunɔ mɔ yin suunu sɔɔ wi u sɑ̃ɑ wɔru bɔkɔ nɔru sɑriruguu gen gɔrɑdo wirugii. Win yĩsirɑ kɑ Heberum Abɑdoni. Kɑ Gɛrɛkim mɑɑ wiyɑ bɑ mɔ̀, Apolioni.
12 Tɛ̃, ye gbee swɑ̃ɑ gbiikirɑ doonɑ n tie gbee swɑ̃ɑnu yiru ni nu sisi.
13 Yerɑ gɔrɑdo nɔɔbɑ tiɑse u win kɔbɑ so. Mɑ nɑ nɔɔ gɑgu nuɑ sɑɑ yɑ̃ku yee wurɑgirun kɑɑnu nnɛn di te tɑ wɑ̃ɑ Gusunɔn wuswɑɑɔ. 14 Nɔɔ ge, gɑ gɔrɑdo nɔɔbɑ tiɑse wi u kɔbɑ nɛni sɔ̃ɔwɑ gɑ nɛɛ, ɑ gɔrɑdobɑ nnɛ ye yɔ̃suo be bɑ bɔkuɑ dɑɑ bɑkɑ ten mi te bɑ mɔ̀ Efɑrɑti. 15 Yerɑ bɑ gɔrɑdobɑ nnɛ ye yɔ̃su be bɑ sɔɔru sɑ̃ɑ wɔ̃ɔ gen suru win tɔ̃ɔ ten kɔbɑ yen sɔ̃ ye Gusunɔ u yii bu kɑ hɑnduniɑn bɔnu itɑsen tɔmbu go. 16 Bɑ mɑn tɑbu kowo be bɑ dumi sɔnin geeru sɔ̃ɔwɑ. Bɑ nɛɛ, bɑ sɑ̃ɑwɑ yɑko goobu (200.000.000). 17 Mɛ nɑ dumi kɑ yin mɑɑsɔbu wɑɑsinɑ nɛn kɑ̃siru sɔɔ wee. Bɑ tɑrɑkpenu doke ni nu sɔ̃ri nge dɔ̃ɔ, mɑ nu boogu sɑ̃ɑ nge burɑ, mɑ nu mɑɑ sɑ̃ɑ nge sɔ̃ɔ bisu. Dumi yin winu sɑ̃ɑ nge gbee sunɔn wiru, mɑ yin nɔɔn di dɔ̃ɔ kɑ wiisu kɑ sɔ̃ɔ bisu yɑrimɔ. 18 Hɑnduniɑn bɔnu itɑsen tɔmbu bɑ gu gɑ̃ɑ sɛ̃sɔginu itɑ yen sɑɑbu, dɔ̃ɔ, kɑ wiisu, kɑ sɔ̃ɔ bisu, ye yɑ yɑrimɔ dumi yin nɔsun di. 19 Domi dumi yin dɑm wɑ̃ɑwɑ yin nɔsɔ kɑ mɑɑ yin sinɔ. Yin sinu sɑ̃ɑwɑ nge wɛɛ, nu winu mɔ. Niyɑ yi rɑ kɑ tɔmbu nɔni sɔ̃.
20 Hɑnduniɑn tɔmbu be bɑ tie, be bɑ kun gu kɑ gɑ̃ɑ sɛ̃sɔgii ni, bɑ ǹ gɔ̃ru gɔsie, bu ye bɑ kɑ nɔmɑ kuɑn sɑ̃ɑru deri, kɑ Setɑm bwɑ̃ɑbu kɑ bũu ni bɑ kuɑ kɑ wurɑ kɑ sii geesu kɑ sii gɑndu kɑ kpenu kɑ dɑ̃ɑ, ni nu kun kpɛ̃ nu gɑri nɔ, nu ǹ mɑɑ kpɛ̃ nu yɑm wɑ, nu sere sĩ. 21 Mɛyɑ mɑɑ tɔn be, bɑ ǹ ben tɔn goberu deri kɑ ben dobo dobo, kɑ ben kɔ̃ɔ mɛnnɑbu tɑntɑnɑru sɔɔ, kɑ ben gbɛnɑ.