YOHANUN KÃSIRU
TE TA YESU KIRISI SƆ̃ƆSI
1
Tire tenin ɑsɑnsi
1 Tire teni sɔɔ bɑ gɑ̃ɑ ni yoruɑ ni Yesu Kirisi u terɑsiɑ. Gusunɔwɑ u nùn gɑ̃ɑ ni wɛ̃ u kɑ win sɔm kowobu sɔ̃ɔsi ye yɑ koo koorɑ ǹ n sosi. Nɛ Yohɑnu, nɛ wi nɑ sɑ̃ɑ Kirisin yoo, u mɑn ye sɔ̃ɔsi, sɑɑ win gɔrɑdon min di wi u mɑn gɔriɑ. 2 Nɑ ye kpuron seedɑ di ye nɑ kɑ nɔni wɑ. Nɑ Gusunɔn gɑri nɔɔsiɑ kɑ seedɑ ye Yesu Kirisi u di. 3 Doo nɔɔrugiiwɑ wi u Gusunɔn gɑri yinin gɑri gɑrimɔ, doo nɔɔrugibɑ mɑɑ be bɑ yi swɑɑ dɑki, mɑ bɑ nɛni ye bɑ yoruɑ sɔɔ. Domi yen sɑɑ yɑ turuku koomɑ.
Yesun yigbɛnu nɔɔbɑ yirun
tɔbiribu
4-5 Nɛ Yohɑnu, nɑ bɛɛ Yesun yigbɛnu nɔɔbɑ yiru tɔburɑ Asin tem sɔɔ.
Gusunɔ Yinni wi u wɑ̃ɑ, wi u rɑɑ wɑ̃ɑ, wi u mɑɑ sisi, kɑ hundebɑ nɔɔbɑ yiru be bɑ wɑ̃ɑ Gusunɔn sinɑ kitɑrun wuswɑɑɔ, kɑ mɑɑ Yesu Kirisi wi u sɑ̃ɑ seedɑ dio nɑɑnɛgii wi bɑ gbiɑ bɑ seeyɑ gɔrin di, wi u mɑɑ sɑ̃ɑ sinɑ boko, bu bɛɛ durom kuɑ kpɑ bu bɛɛ ɑlɑfiɑ wɛ̃.
Yesu u sun kĩ. Kɑ win yɛmɑ u sun yɑkiɑ bɛsɛn torɑnun di. 6 Mɑ u sun mɛnnɑ u kuɑ bɛsɛn sunɔ, u sun kuɑ win Bɑɑbɑ Gusunɔn yɑ̃ku kowobu. Wiyɑ u sinɑndu kɑ yiiko mɔ sere kɑ bɑɑdommɑɔ. Ami.
7 Wee, u sisi guru winu sɔɔ. Bɑɑwure u koo nùn wɑ, bɑɑ be bɑ nùn sɔkɑn tii. Hɑnduniɑn bwesenu kpuro nu koo gɔɔ wuri ko win sɔ̃. Mɛyɑ n ko n sɑ̃ɑ. Ami.
8 Gusunɔ Yinni Dɑm kpurogii, wi u wɑ̃ɑ, wi u rɑɑ wɑ̃ɑ, wi u mɑɑ sisi, u nɛɛ, wiyɑ gɑ̃ɑnu kpuro toruɑ, u koo mɑɑ ni wiru go.
Yohɑnu u Kirisi wɑ kɑ̃siru sɔɔ
9 Nɛnɑ Yohɑnu bɛɛgii, nɛ wi nɑ mɑɑ bɔnu mɔ kɑ bɛɛ nɔni swɑ̃ɑru sɔɔ kɑ Gusunɔn bɑndu sɔɔ kɑ tɛmɑnɑbu sɔɔ yèn sɔ̃ sɑ gbinnɛ kɑ Yesu. Bɑ kɑ mɑn nɑ tem bure teni sɔɔ te bɑ mɔ̀ Pɑtumɔsi Gusunɔn gɑrin sɔ̃ kɑ Yesun seedɑn sɔ̃. 10 Yinnin tɔ̃ru sɔɔ Hunde Dɛɛro derɑ nɑ kɑ̃sɑ, mɑ nɑ nɔɔ dɑmguu nuɑ nɛn biruɔ nge kɑ̃ɑkɑ̃ɑgi 11 gɑ nɛɛ, n yoruo tireru sɔɔ ye nɑ wɑɑmɔ, kpɑ n tire te mɔrisiɑ Yesun yigbɛnu nɔɔbɑ yirun mi, Efesuɔ, kɑ Simiiniɔ, kɑ Pɛɛgɑmuɔ, kɑ Tiɑtirɑɔ, kɑ Sɑɑduɔ, kɑ Filɑdɛɛfiɔ, kɑ Lodiseɔ.
12 Ye nɑ sĩirɑ n kɑ wɑ wi u kɑ mɑn gɑri mɔ̀, yerɑ nɑ dɑbu wurɑginu nɔɔbɑ yiru wɑ. 13 Mɑ nɑ goo wɑ nge tɔnun bii u yɔ̃ dɑbu nin suunu sɔɔ. U yɑberu sebuɑ tɑ wɑ̃ɑ sere win nɑɑ kɔɔnɔ mɑ u kpɑki wurɑgiɑ sɛ̃ke win gɑ̃ɑsɔ. 14 Win wiru kɑ win seri buririwɑ nge wɛ̃su ǹ kun mɛ nge gunsu mɑ win nɔni sɑ̃ɑ nge dɔ̃ɔ yɑrɑ. 15 Win nɑɑsu bɑllimɔwɑ nge sii gɑn te bɑ yɑniɑ bɑ teɑ, mɑ win nɔɔ gɑ sɑ̃ɑ nge surun bɑkɑru. 16 Mɑ u kperi nɔɔbɑ yiru nɛni win nɔm geuɔ, mɑ tɑkobi nɔɔ durorɑ ye bɑ dɛ̃ɛrɑ biru kɑ wuswɑɑ yɑ yɑrimɔ win nɔɔn di, mɑ win wuswɑɑ bɑllimɔ nge sɔ̃ɔ wii wɔllun sɔ̃ɔ. 17 Ye nɑ nùn wɑ, nɑ wɔrumɑ win nɑɑsɔ nge goru. Mɑ u mɑn win nɔm geu sɔndi u nɛɛ, n ku bɛrum ko, wiyɑ u sɑ̃ɑ gbiikoo kɑ dɑ̃ɑko. 18 Wiyɑ u sɑ̃ɑ wɑso, u rɑɑ gu ɑdɑmɑ tɛ̃ u ko n wɑ̃ɑwɑ kɑ bɑɑdommɑɔ. U yiiko mɔ gɔɔn wɔllɔ kɑ gɔribun wɑ̃ɑ yerɔ. 19 Ǹ n mɛn nɑ, n yoruo ye nɑ wɑ, kɑ ye yɑ koorɑmɔ tɛ̃, kɑ ye yɑ koo koorɑ ɑmɛn biru. 20 Kperi nɔɔbɑ yiru ye nɑ wɑ nɛn nɔm geuɔ kɑ dɑbu wurɑginu nɔɔbɑ yiru ye kpuron tubusiɑnun ɑsɑnsi wee. Kperi nɔɔbɑ yiru ye, yɑ sɑ̃ɑwɑ Yesun yigbɛnu nɔɔbɑ yiru yen gɔrɑdobɑ. Dɑbu wurɑginu nɔɔbɑ yiru ye mɑɑ, yɑ sɑ̃ɑwɑ yigbɛ nin tii.