YOHANUN KÃSIRU
TE TA YESU KIRISI SƆ̃ƆSI
Yohɑnu u win kɑ̃si teni yoruɑwɑ sɑnɑm mɛ bɑ Yesugibu nɔni sɔ̃ɔmɔ ben nɑɑnɛ dokebun sɔ̃. Yerɑ u bu yoruɑ u kɑ bu dɑm kɛ̃ ben nɔni swɑ̃ɑru sɔɔ. Tire ten gɑri dɑbinu nu sɑ̃ɑwɑ yĩrenu ni nu tubum sɛ̃.
Tire teni, tɑ sɑ̃ɑwɑ Bibelin tire dɑ̃ɑkiru. Tɑ sun sɔ̃ɔsimɔ nge mɛ hɑnduniɑ yɑ koo kɑ wiru goorɑ kɑ nge mɛ Yesu u ko n sɑ̃ɑ sɑnɑm mɛ u koo wurɑmɑ.
Tɑ mɑɑ sun sɔ̃ɔmɔ nge mɛ Yesu u sɑ̃ɑ. U sɑ̃ɑwɑ wi u rɑɑ wɑ̃ɑ, mɛyɑ u wɑ̃ɑ gisɔ, u ko n mɑɑ wɑ̃ɑwɑ sere kɑ bɑɑdommɑɔ. U sɑ̃ɑwɑ gɑ̃ɑnu kpuron tore kɑ nin wii gowo. U mɑɑ sɑ̃ɑ sinɑmbun sunɔ kɑ yinnibun Yinni. U mɑɑ sɑ̃ɑ win yigbɛrun wirugii. U sɑ̃ɑwɑ nge gbee sunɔ ge gɑ yɑrɑ Yudɑn bweserun di. U sɑ̃ɑwɑ yɑ̃ku kowo tɔnwero, mɑ u mɑɑ sɑ̃ɑ nge yɑ̃ɑ kinɛ kpɛndu te bɑ kɑ yɑ̃kuru kuɑ.
Tire ten gɑri mɛro yɑ sɑ̃ɑwɑ, Gusunɔ u koo Setɑm tɑbu di mɑm mɑm sɑɑ Yesu Kirisin min di. Mɛyɑ u koo be bɑ nùn nɑɑnɛ sɑ̃ɑ doo nɔɔru wɛ̃ ù n wɔn kpɑɑru kɑ tem kpɑm swĩi.
Tire ten kpunɑɑ
1. Tɔbiribu, wiru 1:1-8.
2. Tire ni bɑ Yesun yigbɛnu nɔɔbɑ yiru yoruɑ, wiru 1:9n di sere wiru 3:22.
3. Ye yɑ koo koorɑ siɑ, wiru 4:1n di sere wiru 22:5.
4. Yesun wurɑmɑru, wiru 22:6-21.