TIRE TE PƆLU
U GALATIGIBU KUA
Gɑlɑtigibɑ Pɔlu u tire te kuɑ. Gɑlɑtin tem mu kpɑ̃. Gisɔ, tem mɛyɑ bɑ sokumɔ Turuki. Pɔluwɑ u gbiɑ u wɑɑsu dɑ tem mi, Gɔrobun Kookoosu wiru 13 kɑ 14. Yen biru, Yuu gɑbɑ nɑ bɑ bu sɔ̃ɔsi tukunu sɔ̃ɔsimɔ ni nu sɑ̃ɑ Yuubɑn deemɑɑ. Niyɑ, bɑngo kobu kɑ woodɑn mɛm nɔɔbu. N deemɑ Pɔlu u rɑɑ Gɑlɑtigibu sɔ̃ɔwɑ tokereke mɑ goo sɑri wi u koo win torɑnun suuru wɑ Gusunɔn mi mɑ n kun mɔ yɛ̃ro u gɔ̃ru gɔsiɑ mɑ u Yesu nɑɑnɛ doke. Ye Pɔlu u nuɑ mɑ nɑɑnɛ dokeobu bɑ wurɑmɔ Yuubɑn sɔ̃ɔsi ni sɔɔ, yerɑ biti nùn mwɑ too, wiru 1:6 kɑ 4:20. Yen sɔ̃nɑ u tire teni yoruɑ kɑ mɔru u kɑ bu kirɔ ko Yuubɑn sɔ̃ɔsi nin sɔ̃. Domi sɔ̃ɔsi nin bweseru nu ǹ sɑ̃ɑ Gusunɔginu.
Tire ten kpunɑɑ
1. Tɔbiribu, wiru 1:1-5.
2. Lɑbɑɑri Geɑ yɑ sɑ̃ɑwɑ tiɑ, wiru 1:6-10.
3. Pɔlu u kɑ tii yinɑmɔ, wiru 1:11n di sere wiru 2:21.
4. Nɑɑnɛ dokebu kɑ Gusunɔn durom sɔ̃nɑ tɔnu u koo gem wɑ, wiru 3n di sere wiru 4.
5. Nɑɑnɛ dokeon tii mɔru, wiru 5:1n di sere wiru 6:10.
6. Kirɔ dɑ̃ɑkɑ kɑ tɔbiribu, wiru 6:11-18.