Gusunɔn durom bɑkɑm
55
1 Yinni Gusunɔ u nɛɛ,
bɛɛ be nim nɔru gɑ mɔ̀, i nɑ i nim nɔ.
Bɑɑ bɛɛ be i ǹ gobi mɔ, i nɑ i mwɑ i di.
I nɑ i tɑm kɑ bom mwɑ i nɔ n kun kɑ gobi.
2 Mbɑn sɔ̃nɑ i bɛɛn gobi dimɔ
ye yɑ ǹ ɑrufɑɑni mɔ sɔɔ.
Mbɑn sɔ̃nɑ i bɛɛn sɔmburun ɑre dimɔ
ye yɑ ǹ bɛɛ debumɔ sɔɔ.
I mɑn swɑɑ dɑkio
kpɑ i wɑ i di ye yɑ geɑ sɑ̃ɑ,
kpɑ bɛɛn bwɛ̃rɑ yu yɛmiɑ dĩɑ duronun sɔ̃.
3 I swɑɑ dɑkimɑ, i nɑ nɛn mi,
kpɑ i wɑ i n wɑ̃ɑ.
Kon kɑ bɛɛ ɑrukɑwɑni bɔke
ye yɑ kun kpeemɔ,
n kɑ bɛɛ durom sɔ̃ɔsi sere kɑ bɑɑdommɑɔ,
mɛ̀n nɔɔ mwɛɛru nɑ Dɑfidi kuɑ.
4 Wee, nɑ nùn kuɑ nɛn seedɑgii
bwese tukunun mi.
Nɑ nùn kuɑ nin sinɑ boko.
5 Nɛ, Gusunɔ wunɛn Yinnin sɔ̃,
kɑɑ bwese tukunu sokusiɑ,
kpɑ nu duki nɑ wunɛn mi,
bɑɑ mɛ nu ǹ dɑɑ nun yɛ̃.
Domi nɛ, Isirelibɑn Yinni Dɛɛrowɑ nɑ nun bɛɛrɛ wɛ̃ɛmɔ.
6 Ǹ n mɛn nɑ, i Yinni Gusunɔ kɑsuo tɛ̃
sɑɑ ye u wɑ̃ɑ bɛɛn bɔkuɔ.
I nùn sokuo sɑnɑm mɛ u wɑ̃ɑ bɛɛn turuku.
7 Kpɑ durumgii u win dɑɑ kɔsi,
toro u mɑɑ win bwisiku kɔ̃sunu deri,
kpɑ u gɔsirɑ u wurɑmɑ Yinni Gusunɔn mi.
U koo nùn wɔnwɔndu kuɑ,
wi, wi u ku rɑ suuru kpɑnɛ.
8 Yinni Gusunɔ u nɛɛ,
nɛn bwisikunu kun sɑ̃ɑ nge bɛɛn bwisikunu.
Bɛɛn kookoosu su ǹ mɑɑ sɑ̃ɑ nge nɛgisu.
9 Nge mɛ wɔllɑ kɑ tem tomɑ,
nge mɛyɑ mɑɑ nɛn bwisikunu
kɑ nɛn kookoosu kɑ bɛɛgisu tondinɛ.
10 Nge mɛ gurɑ kɑ guru kpenu rɑ tem dwiiyɑsie,
kpɑ dĩɑnu nu se nu mɑɑ gbee wuko bweseru wɛ̃,
kɑ ye u koo di,
11 nge mɛyɑ nɛn gɑri yi nɑ geruɑ,
yi ku rɑ kɑm wɔri yi kun nɛn kĩru kue,
kpɑ yi nɛn himbɑ yibiɑ.
12 Kɑ gem, i ko yɑri yorun di kɑ nuku dobu,
kpɑ bu bɛɛ kpɑrɑ ɑlɑfiɑ sɔɔ.
Guunu kɑ gungunu nu koo yɛ̃ɛri bɛɛn wuswɑɑɔ,
kpɑ dɑ̃ɑ ni nu wɑ̃ɑ yɑkɑsɔ nu tɑki ko.
13 Mi sɑ̃ki rɑ kpi, dɑ̃ɑ ye bɑ mɔ̀ sipɛrɛ,
kɑ dɑ̃ɑ kiki nubu durorugisɑ su koo kpi mi,
kpɑ ye kpuro yu ko yĩreru
te tɑ nɛn yiiko sɔ̃ɔsimɔ sere kɑ bɑɑdommɑɔ.BƆNU ITASE