Yinni Gusunɔ
u koo Yerusɑlɛmu yɑkiɑ
52
1 Yerusɑlɛmu, wunɛ wi Yinni Gusunɔ u tii gɔsiɑ,
ɑ dom yɑndo kpɑ wunɛn dɑm mu wurɑmɑ,
kpɑ ɑ wunɛn burɑ yɑ̃nu doke.
Domi be bɑ ǹ Yinni Gusunɔ sɑ̃ɑmɔ,
ben goo kun mɑɑ duɔ wunɛ sɔɔ.
2 A seewo ɑ tii tuɑ kpɑrɑ,
ɑ wunɛn yoo yɔni potɑ wunɛn wĩirun di,
kpɑ ɑ sinɑ wunɛn sinɑ gɔnɑ sɔɔ.
3 Yinni Gusunɔ u Yerusɑlɛmu sɔ̃ɔwɑ u nɛɛ, bɑ rɑɑ nun dɔrɑwɑ gobi sɑri. Mɛyɑ kon mɑɑ nun yɑkiɑ n kun kɑ gobi. 4 Yellu, nɛn tɔmbu bɑ dɑ Egibitiɔ bɑ sɔru di mi. Yen biru, Asirigibɑ nɑ ben temɔ bɑ bu dɑm dɔre kɑ wɔbiɑ. 5 Tɛ̃, mbɑ kon ko. Wee Bɑbilonigibɑ nɑ bɑ bu gurɑ kɑm sɔɔ, mɑ bɑ kuuki mɔ̀ bɑ nɛn yĩsiru gɑri kɑm gerusimɔ sɑɑ bɑɑyere. 6 Yen sɔ̃nɑ sɔ̃ɔ teeru, nɛn tɔmbu bɑ koo giɑ wi nɑ sɑ̃ɑ, kpɑ bu tubu mɑ nɛnɑ nɑ gerumɔ nɑ mɔ̀, nɛ wee, nɑ wee.
Yinni Gusunɔ
u koo wurɑmɑ Yerusɑlɛmuɔ
7 Annɑ ɑ wɑ nge mɛ bɑ bu dɑm koosiɑmɔ,
be, be bɑ wee guunun di bɑ lɑbɑɑri geɑ kpɑrɑmɔ.
Bɑ Siɔni bɔri yɛndu kɑ fɑɑbɑn gɑri sɔ̃ɔmɔ bɑ mɔ̀,
Gusunɔ wunɛn Yinni u bɑndu dii.
8 Wee, be bɑ rɑ gbɑ̃rɑru kɔ̃su
bɑ nɔɔgiru sue,
bɑ kuuki mɔ̀ kɑ nuku dobu.
Domi bɑ wɑ kɑ nɔni
mɑ Yinni Gusunɔ u Siɔni yɑkiɑm wee.
9 Yerusɑlɛmun bɑnsu,
ɑ kuuki koowo kɑ nuku dobu,
domi Yinni Gusunɔ u win tɔmbun nukuru yɛmiɑsiɑ.
U Yerusɑlɛmu yɑkiɑ.
10 U koo win dɑm kɑ win dɛɛrɑru
bwesenu kpuro sɔ̃ɔsi,
kpɑ bu wɑ hɑnduniɑn goonu nnɛ kpuro sɔɔ
mɑ u win tɔmbu fɑɑbɑ kuɑ.
I yɑrio Bɑbilonin di
11 Bɛɛ be i Yinni Gusunɔn sɑ̃ɑ yerun dendi yɑ̃nu sɔɔwɑ i kɑ wee,
i tii dɛɛrɑsio.
Kpɑ i se i yɑri Bɑbilonin di.
I ku gɑ̃ɑnu gɑnu bɑbɑ ni nu disi mɔ.
12 Ì n yɑriɔ, i ǹ ko i yɑri kɑ sɛndɑru
nge be bɑ kpikiru suɔ.
Domi Gusunɔ Isirelibɑn Yinni u ko n bɛɛ kɔ̃su
biruɔ kɑ wuswɑɑɔ.
Yinni Gusunɔn sɔm kowo
u wɑhɑlɑ kuɑ
13 Yinni Gusunɔ u nɛɛ,
wee nɛn sɔm kowo u koo nɑsɑrɑ wɑ.
U koo se u ko tɔn boko.
14 Nge mɛ u tɔn dɑbiru nɑndɑsiɑ
yèn sɔ̃ win wuswɑɑ yɑ kɔsɑ wɑhɑlɑn sɔ̃,
mɑ win wɑsi yi ǹ mɑɑ kɑ tɔnugii weenɛ,
15 nge mɛyɑ u koo bwese dɑbinu biti kpɛ̃ɛ,
kpɑ sinɑmbu bu kpɑnɑ bu gɑri gere win wuswɑɑɔ.
Domi yèn fɑɑgi bɑ ǹ bu kuɑre, bɑ koo ye wɑ,
kpɑ ye bɑ ǹ nɔɔre, n bu yeeri.