Asirin sinɑ boko u koo
Egibitigibu kɑ Etiopigibu
yoru mwɛɛri
20
1 Wɔ̃ɔ gè sɔɔ Sɑɑgoni Asirin sinɑ boko u derɑ win tɑbu sunɔ Tɑɑtɑni u Asidɔdu wɔri u ye mwɑ, 2 yen wɔ̃ɔ ge sɔɔrɑ Yinni Gusunɔ u Esɑi Amɔtin bii gɑri yini sɔ̃ɔwɑ u nɛɛ, ɑ sɑɑki ye poto ye ɑ pɔrɑ sɛ̃ke mi, kpɑ ɑ wunɛn bɑrɑnu potɑ ɑ sĩ nɑɑ dirisu. Mɑ u kuɑ mɛ. U yɔ̃rɑ bɑsi mɑ u sĩɑ kɑ nɑɑ dirisu, n kɑ kuɑ wɔ̃ɔ itɑ.
Yerɑ Yinni Gusunɔ u nɛɛ, 3 wee nɛn sɔm kowo Esɑi u yɔ̃rɑ bɑsi mɑ u kɑ nɑɑ dirisu sĩɑ n kɑ kuɑ wɔ̃ɔ itɑ. Yeni yɑ sɑ̃ɑwɑ yĩreru te tɑ sɔ̃ɔsimɔ ye yɑ koo Egibitigibu kɑ Etiopigibu deemɑ. 4 Asirin sinɑ boko u koo Egibitigibu kɑ Etiopigibun ɑluwɑɑsibɑ kɑ ben durɔ tɔkɔnu yoru mwɛɛri kpɑ bu yɔ̃rɑ bɑsi bɑ n sĩimɔ kɑ nɑɑ dirisu, kpɑ yu ko seku bɑkɑru Egibitiɔ. 5-6 Sɑɑ ye sɔɔrɑ sɔ̃ɔ duu yerun tɔmbu be bɑ rɑɑ ben nɑɑnɛ doke Etiopi sɔɔ kɑ be bɑ tii sue Egibitigibun somirun sɔ̃, bɑ koo bɛrum soorɑ, kpɑ bu burisinɑ.
Bɑ koo gere bu nɛɛ, be wee bɑ wɔrumɑ be sɑ rɑɑ nɑɑnɛ sɑ̃ɑ bu sun fɑɑbɑ ko, kpɑ bu sun wɔrɑ Asirin sinɑ bokon nɔmun di. Tɛ̃ ɑmɔnɑ sɑ ko ko su kɑ yɑri.