4
1 Sɑɑ ye sɔɔ, tɔn kurɔbu nɔɔbɑ yiru bɑ koo durɔ turo sɔ̃ bu nɛɛ,
sɑ ko bɛsɛn tii diisiɑ kpɑ su tii sebusiɑ.
A gesi sun sekuru wunɔ
kpɑ ɑ de sɑ n wunɛn yĩsiru sɔɔwɑ.
Yerusɑlɛmu yɑ koo wurɑmɑ
nge yellu
2 Ye Yinni Gusunɔ u koo kpiisiɑ sɑɑ ye sɔɔ, yɑ ko n sɑ̃ɑwɑ bɛɛrɛ kɑ girimɑ Isireli be bɑ tien sɔ̃. Kpɑ tem mɛ, mu dĩɑ geenu mɑ nu n sɑ̃ɑ ben nuku dobu. 3 Be, be Yinni Gusunɔ u gɔsɑ mi, u ben yĩsɑ yoruɑ bɑ n kɑ wɑ̃ɑ Yerusɑlɛmuɔ, bɑ koo bu sokuwɑ tɔn dɛɛrobu. 4 Yinni Gusunɔ u koo Yerusɑlɛmun tɔn kurɔbu disi wɔkɑ, kpɑ u wuu gen tii dɛɛrɑsiɑ, u gu siri kɑ win dɑm bɑkɑm tɔn be bɑ rɑɑ gon sɔ̃. 5 Yen biru u koo de dɔ̃ɔ wii bɑkɑru tu Siɔnin guuru kpuro kɑ mɛnnɔ yenu wukiri sɔ̃ɔ sɔɔ, kpɑ dɔ̃ɔ yɑrɑ yɑ n wɑ̃ɑ wɔ̃kuru guu ten wɔllɔ, kpɑ win yiikon girimɑ yu wuu ge wukiri, 6 kpɑ yɑ n sɑ̃ɑ nge kuru te tɑ ko n bu sɑɑru sɑ̃ɑwɛ yɑm susurun sɑɑ, kɑ mɑɑ kuku yeru woo bɔkɔ kɑ gurɑn sɔ̃.