147
1 I Yinni Gusunɔ siɑro.
Domi n wɑ̃ bu Gusunɔ bɛsɛn Yinni siɑrɑ.
N mɑɑ wɑ̃ bu nùn tɔmɑ.
2 Yinni Gusunɔ u Yerusɑlɛmu seeyɑmɔ.
U Yerusɑlɛmugii be bɑ rɑɑ yoru mwɛɛrɑ mɛnnɑmɔ.
3 U be bɑ nuki sɑnkire nukuru yɛmiɑsiɑmɔ.
U ben mɛɛrɑn bosu bɔkumɔ.
4 U kperi gɑrimɔ mɑ u yin bɑɑyere yĩsiru kɛ̃mɔ.
5 Bɛsɛn Yinni u kpɑ̃, u mɑɑ dɑm mɔ.
Win bwisi kun nɔru mɔ.
6 Yinni Gusunɔ u rɑ wɔnwɔndobu nɔɔri.
Kpɑ u tɔn kɔ̃sobu surɑ sere temɔ.
7 I Yinni Gusunɔ siɑrɑbun womusu kuo.
I Gusunɔ bɛsɛn Yinni siɑro kɑ mɔrɔku.
8 U rɑ de guru wiru tu wɔllu wukiri,
kpɑ u gurɑ sɔɔru kuɑ yu kɑ nɛ tem sɔɔ,
kpɑ u yɑkɑsu kpiisiɑ guunu wɔllɔ.
9 Wiyɑ u rɑ yɑɑ sɑbenu dĩɑnu wɛ̃,
kpɑ u gunɔ binu dĩɑnu wɛ̃ sɑnɑm mɛ nu kuuki mɔ̀.
10 Win nɑɑnɛ kun wɑ̃ɑ dumin dɑm sɔɔ.
Win yĩiyɔbu kun mɑɑ wɑ̃ɑ tɔnun dukɑn dɑm sɔɔ.
11 Be bɑ nùn nɑsie kɑ be bɑ win durom yĩiyɔ, beyɑ u kĩ.
12 Yerusɑlɛmu, ɑ Yinni Gusunɔ siɑro.
Siɔni, ɑ Gusunɔ wunɛn Yinni bɛɛrɛ wɛ̃ɛyɔ.
13 Domi wiyɑ u rɑ wunɛn kɔnnɔn gɑmbon sɛ̃retii dɑm sire,
kpɑ u wunɛn tɔmbu domɑru kuɑ.
14 U rɑ de bɔri yɛndu tɑ n wɑ̃ɑ wunɛn temɔ.
Kpɑ u de ɑlikɑmɑ yɑ n yibɑ wunɛ sɔɔ.
15 U rɑ win woodɑbɑ nɔɔsie hɑnduniɑ sɔɔ.
Win gɑri yi rɑ dukɑ dewɑ fuuku fuuku.
16 U rɑ de nim kperugim mu nɛ,
kpɑ mu n buriri nge yɑ̃ɑ sɑnsu.
U rɑ de guru kpenu nu nɛ kpɑ nu n sɑ̃ɑ nge torom.
17 U rɑ n guru kpee ni kɑsi mɔ̀wɑ tiɑ tiɑ.
Wɑrɑ koo kpĩ u yɔ̃rɑ u yen wooru mɑ.
18 Ù n gɑri geruɑ, nim kperugim mɛ, mu rɑ yɑndewɑ.
Ù n mɑɑ derɑ woo gɑ mu swee, mu rɑ kokuwɑ mu doonɑ.
19 U win gɑri kɑ win woodɑbɑ kɑ win gere Yɑkɔbu wi bɑ mɔ̀ Isireli sɔ̃ɔwɑ.
20 U ǹ bweseru gɑru kue mɛ.
Ten gɑru tɑ ǹ mɑɑ win woodɑbɑ yɛ̃.
Yen sɔ̃, i Yinni Gusunɔ siɑro.