129
1 Sɑ̃ɑ dɑɑrun womu. Ge wee.
Isirelibɑ bu geruo sɑnnu sɑnnu bu nɛɛ,
geemɑ, tɔn kɔ̃sobu bɑ rɑ n sun dɑm dɔremɔwɑ
sɑɑ bɛsɛn bweserun toren di.
2 Bɑ sun nɔni sɔ̃ɔwɑ bɛsɛn bweserun toren di.
Adɑmɑ bɑ ǹ nɑsɑrɑ wɑ bɛsɛn wɔllɔ.
3 Bɑ wukɑ bɛsɛn birusun wɔllɔ bɑ kpĩi wunɑ wunɑ.
4 Adɑmɑ Yinni Gusunɔ u sɑ̃ɑwɑ gemgii,
u ben wɛ̃ɛ kɑsukɑ.
5 Yinni Gusunɔ, ɑ de be bɑ Yerusɑlɛmu tusɑ bu sekuru wɑ,
kpɑ bu biruku yirɑ wurɑ,
6 bɑ n sɑ̃ɑ nge yɑkɑ si su rɑ kpi diru wɔllɔ.
Su rɑ gberewɑ bɑ kun su wukurɑ.
7 Wi u su gɛ̃ɛmɔ, su ku rɑ win nɔmu yibu.
Wi u mɑɑ su gurɑmɔ, su ku rɑ win nɔm koto teeru turi.
8 Be bɑ sɑrɔ mi, bu ku bu domɑru kuɑ bu nɛɛ,
Gusunɔn domɑru tɑ n kɑ bu wɑ̃ɑ.
Bu ku rɑɑ mɑɑ nɛɛ, bɑ bu domɑru kuɑ kɑ Yinni Gusunɔn yĩsiru.