127
1 Sɑ̃ɑ dɑɑrun womu ge Sɑlomɔɔ u kuɑ. Ge wee.
Yinni Gusunɔ ù kun diru bɑnimɔ,
be bɑ tu bɑnimɔ sɔmburu kɑmɑ bɑ mɔ̀.
Yinni Gusunɔ ù kun wuu kɔ̃su,
be bɑ gu kɔ̃su bɑ dom serɑwɑ kɑm.
2 Kɑm sɔɔrɑ kɑɑ wɑhɑlɑ ko ɑ kɑ wunɛn dĩɑnu wɑ ɑ di.
Kɑɑ se buru buru yellu kpɑ ɑ kpunɑ sere wɔ̃ku suunu sɔmburun sɔ̃.
Adɑmɑ wi Gusunɔ u kĩ,
u rɑ nùn dĩɑnu wɛ̃wɑ bɑɑ yɛ̃ro ù n dò.
3 Wee, bibu bɑ sɑ̃ɑwɑ tubi ye yɑ wee Gusunɔn min di.
Bɑ sɑ̃ɑwɑ soseru te tɑ wee Gusunɔn min di.
4 Bii be bɑ mɑrɑ ɑluwɑɑsiru sɔɔ,
bɑ sɑ̃ɑwɑ nge sɛ̃ɛnu tɑbu durɔ dɑmgiin nɔmɑɔ.
5 Doo nɔɔrugiiwɑ wi u bu wɑ n dɑbi.
U sɑ̃ɑwɑ nge wìn sɛ̃ɛ bwɑ̃ɑrɑ sɛ̃ɛnu yibɑ.
U ǹ sekuru wɑsi sɑnɑm mɛ u koo kɑ win yibɛrɛbɑ yinnɑ wuun gbɑ̃rɑrun kɔnnɔwɔ.