125
1 Sɑ̃ɑ dɑɑrun womu. Ge wee.
Be bɑ Yinni Gusunɔ nɑɑnɛ sɑ̃ɑ,
bɑ rɑ n yɔ̃wɑ dim dim nge Siɔnin guuru.
Tɑ ku rɑ bɑ̃ɑri. Tɑ ko n yɔ̃wɑ sere kɑ bɑɑdommɑɔ.
2 Nge mɛ guunu kɑ Yerusɑlɛmu sikerenɛ,
nge mɛyɑ Gusunɔ u kɑ win tɔmbu sikerenɛ sɑɑ tɛ̃n di sere kɑ bɑɑdommɑɔ.
3 Tɔn kɔ̃so kun bɑndu dimɔ gemgibun temɔ.
Domi ù n tu di, ben tii bɑ koo kɔ̃sɑ ko.
4 Yinni Gusunɔ, ɑ be bɑ geɑ mɔ̀ geɑ sɔ̃ɔsio.
A bèn gɔ̃ru gɑ dɛɛre durom kuo.
5 Adɑmɑ be bɑ swɑɑ mwɑɑmɔ ye yɑ ǹ dɛnde
ɑ bu yɑrinɑsio kɑ kɔ̃sɑn kowobu sɑnnu.
Yinni Gusunɔ, ɑ de bɔri yɛndɑ n wɑ̃ɑ Isireliɔ.