118
1 I Yinni Gusunɔ siɑro, u sɑ̃ɑwɑ tɔn geo.
Win kĩru tɑ rɑ n wɑ̃ɑwɑ sere kɑ bɑɑdommɑɔ.
2 Bɛɛ Isirelibɑ kpuro, i wuro i nɛɛ,
Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.
3 Bɛɛ yɑ̃ku kowobu Aronin bweseru, i wuro i nɛɛ,
Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.
4 Bɛɛ be i Yinni Gusunɔ nɑsie, i wuro i nɛɛ,
Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.
5 Nɛn nuku sɑnkirɑnu sɔɔ, nɑ Yinni Gusunɔ somiru kɑnɑ.
U nɛn kɑnɑru nuɑ, mɑ u mɑn yɑrɑ.
6 Yinni Gusunɔ u sɑ̃ɑ nɛgii, nɑ ǹ gɑ̃ɑnu gɑnun bɛrum mɔ.
Mbɑ tɔnu u koo kpĩ u mɑn kuɑ.
7 Yinni Gusunɔwɑ u sɑ̃ɑ nɛn fɑɑbɑ kowo.
Yen sɔ̃nɑ ko nɑ n yɛ̃ɛrimɔ nɑ̀ n nɛn yibɛrɛbɑn biru wɑ.
8 A Yinni Gusunɔ nɑɑnɛ koowo ye kɑɑ kɑ tɔnu nɑɑnɛ ko.
9 A Yinni Gusunɔ nɑɑnɛ koowo ye kɑɑ kɑ dɑmgibu nɑɑnɛ ko.
10 Bwese dɑbinu nu mɑn tɑrusi,
mɑ nɑ nu yɑrinɑsiɑ kɑ Yinni Gusunɔn dɑm.
11 Nu mɑn wukiriwɑ mɑm mɑm,
mɑ nɑ nu yɑrinɑsiɑ kɑ Yinni Gusunɔn yĩsiru.
12 Nu mɑn mɔnsimɑ nge tĩi.
Adɑmɑ nɑ nu yɑrinɑsiɑ kɑ Yinni Gusunɔn dɑm
mɑ nu gbisukɑ nge sɑ̃ki yi yi dɔ̃ɔ mwɑɑrɑ.
13 Nu rɑɑ mɑn bɔriɑmɔ nu kɑ mɑn surɑ,
ɑdɑmɑ Yinni Gusunɔ u mɑn somiru nɑ.
14 Yinni Gusunɔwɑ u sɑ̃ɑ nɛn dɑm.
Wiyɑ ko nɑ n dɑ siɑre. Wiyɑ u mɑn fɑɑbɑ kuɑ.
15 Nɑsɑrɑn kuuki yi nɔɔrɑmɔ gemgibun yɛnusɔ.
Yinni Gusunɔn dɑm mu sɔ̃ɔsirɑ.
16 U win nɔm geu sue, gɑ win dɑm sɔ̃ɔsimɔ.
17 Nɑ ǹ mɑɑ gbimɔ, ko nɑ n wɑ̃ɑwɑ,
kpɑ n win sɔmɑ ye u kuɑn gɑri kpɑrɑ.
18 Yinni Gusunɔ u mɑn sɛɛyɑsiɑ.
Adɑmɑ u ǹ mɑn gɔɔ nɔmu bɛrie.
19 I mɑn gem kɔnnɔsu kɛniɔ,
kpɑ n du n Yinni Gusunɔ siɑrɑ.
20 Win kɔnnɔ ge wee. Min diyɑ gemgibu bɑ rɑ du.
21 Yinni Gusunɔ, nɑ nun siɑrɑ, domi ɑ nɛn kɑnɑru mwɑ,
mɑ ɑ mɑn fɑɑbɑ kuɑ.
22 Wee kpee te bɑnɔbu bɑ yinɑ, terɑ tɑ kuɑ gɑni gɔmburun dɑm.
23 Yinni Gusunɔwɑ u ye kuɑ mɑ n kuɑ mɑɑmɑɑki bɛsɛn nɔni sɔɔ.
24 Yinni Gusunɔwɑ u tɔ̃ɔ te kuɑ.
Su nuku dobun kuuki ko.
25 Yinni Gusunɔ, ɑ sun somiɔ, kpɑ ɑ sun kuurɑsiɑ.
26 Wi u sisi kɑ wunɛn yĩsiru u sɑ̃ɑwɑ domɑrugii.
Sɑ ko nùn siɑrɑ Yinni Gusunɔn sɑ̃ɑ yerɔ.
27 Gusunɔ u sɑ̃ɑwɑ Yinni. Wiyɑ u sun yɑm bururɑsie.
I yɑ̃ku yɑɑ bɔkuo. I kɑ ye doo sere yɑ̃ku yerun kɑ̃ɑnɔ.
28 Gusunɔ, ɑ sɑ̃ɑwɑ nɛn Yinni.
Kon nun siɑrɑ. Kon nun wɔlle suɑ.
29 I Yinni Gusunɔ siɑro, u sɑ̃ɑ tɔn geo.
Win kĩru tɑ rɑ n wɑ̃ɑwɑ sere kɑ bɑɑdommɑɔ.