98
1 I Yinni Gusunɔ wom kpɔɔ kuo,
domi u sɔm mɑɑmɑɑkiginu kuɑ.
Win dɑm sɑɑbu u nɑsɑrɑ wɑ.
2 Yinni Gusunɔ u tɔmbu win fɑɑbɑn gɑri tubusiɑ.
U sɔ̃ɔsi mɑ u sɑ̃ɑ gemgii.
3 U win durom kɑ win bɔrɔkiniru yɑɑyɑ Isirelibɑn sɔ̃.
Hɑnduniɑn goonu nnɛ kpuro sɔɔ bɑ win fɑɑbɑ ye wɑ.
4 Bɛɛ hɑnduniɑgibu kpuro, i nɔɔgiru suo kɑ nuku dobu.
I nuku dobun kuuki koowo i kɑ nùn siɑrɑ i nùn tɔmɑ kɑ womusu.
5 I nùn womusu kuo kɑ mɔrɔkunu.
I nùn tɔmɔ kɑ gɔ̃ɔgenu.
6 I nùn womusu kuo kɑ kɔbi kɑ guunu.
I tɑki koowo wi, sinɑ bokon wuswɑɑɔ kɑ nuku dobu.
7 Nim wɔ̃ku kɑ ye yɑ wɑ̃ɑ ge sɔɔ, yu nɔɔgiru suo.
Tem kɑ ye yɑ wɑ̃ɑ mɛ sɔɔ, yu womu koowo.
8 Dɑɑ bɑkɑnu nu tɑki koowo.
Guunu nu nuku dobun kuuki koowo
sɑnnu sɑnnu Yinni Gusunɔn wuswɑɑɔ.
9 Domi u wee u hɑnduniɑgibu siri.
U koo bu siriwɑ gem sɔɔ.