WOMU SI BA GUSUNƆ KUA
WOMUSUN BƆNU GBIIKAA
1
1 Wi u sɑ̃ɑ doo nɔɔrugii,
wiyɑ u ku rɑ tɔn kɔ̃sobun gɑri nɔ.
Wiyɑ u ku rɑ durumgibu swĩi.
Wiyɑ u ku rɑ n wɑ̃ɑ kɑ be bɑ Gusunɔ ɑtɑfiiru mɔ̀.
2 Wiyɑ u rɑ n nuku dobu mɔ̀ Gusunɔn gɑri sɔɔ sɔ̃ɔ sɔɔ.
Wiyɑ u rɑ n Gusunɔn gɑri bwisikumɔ wɔ̃kuru.
Wiyɑ u rɑ n Gusunɔn gɑri kĩ sɑɑ kpuro.
3 U sɑ̃ɑ nge dɑ̃ɑ te tɑ yɔ̃ dɑɑrɔ.
Ten wurusu rɑ n bekusu sɑ̃ɑwɑ sɑɑ kpuro.
Tɑ rɑ mɑwɑ ten mɑrubun sɑɑ sɔɔ.
Tɔnu wi u sɑ̃ɑ nge mɛ,
ye u seewɑ u wɔri kpuro, yɑ rɑ koorewɑ.
4 Adɑmɑ tɔn kɔ̃so kun doo nɔɔru wɑsi.
U ǹ sɑ̃ɑ nge dɑ̃ɑ te.
Yɑkɑ gbebusɑ u kɑ weenɛ si woo gɑ rɑ yɑrinɑsie.
5 U ǹ gem wɑsi Gusunɔ ù n nùn siri.
U ǹ mɑɑ kpɛ̃ u n wɑ̃ɑ gemgibun wuurɔ.
6 Domi win swɑɑ dɔɔwɑ kɑm koo yerɔ.
Adɑmɑ Yinni Gusunɔwɑ u gemgibu swɑɑ gbiiye.