Gusunɔ u dɑm mɔ gɑ̃ɑnu kpuron wɔllɔ
25
1 Bilidɑ Suɑgii u Yoobu wisɑ u nɛɛ,
2 Gusunɔn dɑm mu nɑsiɑru turɑ.
U rɑ de bɔri yɛndu tɑ n wɑ̃ɑ sere wɔllun sɔɔ sɔɔwɔ.
3 Win tɑbu durɔbu bɑ ǹ geeru mɔ.
U rɑ de win yɑm bururɑm mu sɔ̃ɔsirɑ tɔmbu kpuron mi.
4 Tɔnu kun kpɛ̃ u n gem mɔ Gusunɔn wuswɑɑɔ.
Wi bɑ mɑrɑ gesi, u ǹ kpɛ̃ u n dɛɛre Gusunɔn wuswɑɑɔ.
5 Domi bɑɑ suru u ǹ dɛɛre win wuswɑɑɔ.
Mɛyɑ mɑɑ kperi kun buriri win wuswɑɑɔ,
6 kɑɑ sere gere tɔnu wi u sɑ̃ɑ nge kɔkɔbu?