Yoobu nɛɛ, win wɔro koo nùn nɑɑwɑ
19
1 Yoobu u seewɑ u win bɔrɔbɑ sɔ̃ɔwɑ u nɛɛ,
2 sere sɑɑ yerɑ̀ i ko i n wɑ̃ɑ i n mɑn nuki sɑnkumɔ,
kpɑ i n mɑn tɔ̃yɑ mɔ̀ kɑ bɛɛn gɑri sɑɑrinu.
3 Wee yen nɔn dɑbinɑ mi,
i kɑsu i mɑn wɔmɛ.
I ǹ sekuru mɔwɑ i kɑ mɑn burisinɑmɔ mɛsum?
4 Nɑ̀ n torɑn nɑ kɑ gem, nɛn gɑriyɑ.
5 I tɑmɑɑ i mɑn dɛɛrɑm kerewɑ,
kpɑ i mɑn nɛn durum sɔ̃ɔsi?
6 I de i n yɛ̃ mɑ Gusunɔwɑ u kɑ mɑn mɔ̀.
Mɑ u mɑn suremɔ win yinɑ sɔɔ.
7 Wee, nɑ nɔɔgiru suɑ nɑ nɛɛ,
win kookoo si, su ǹ wɑ̃.
Adɑmɑ goo sɑri wi u mɑn wisɑ.
Nɑ gbɑ̃rɑmɔ bu mɑn fɑɑbɑ ko,
ɑdɑmɑ nɑ ǹ fɑɑbɑ wɑ.
8 Gusunɔ u nɛn swɛɛ kpuro kɛnuɑ bɑɑmɑ.
Mɑ u derɑ yɑm wɔ̃kurɑ yi wukiri sere nɑ ǹ kpɛ̃ n gɑm dɑ.
9 U nɛn wirun furɔ wukɑ
u nɛn bɛɛrɛ wunɑ.
10 U mɑn kɔsukɑ bɑɑmɑ kpuro.
Mɑ u nɛn yĩiyɔbu wunɑ nge dɑ̃ɑ te bɑ wukɑ.
11 U kɑ mɑn mɔru bɑrɑ.
Mɑ u mɑn kuɑ nge win yibɛrɛ.
12 Win tɑbu kowobu bɑ nɔɔ tiɑ kuɑ mɑ bɑ seewɑ bɑ mɑn wɔrim wee.
Bɑ swɑɑ yɑbɑ sere bɑ kɑ mɑn girɑri.
Mɑ bɑ nɑ bɑ ben sɑnsɑni girɑ bɑ kɑ mɑn sikerenɛ.
13 U derɑ nɛn mɛro bisibu bɑ mɑn deri,
mɑ nɛn bɔrɔbɑ bɑ yɑrinɑ.
14 Nɛn berusebu bɑ mɑn biru kisi,
mɑ nɛn kĩnɑsibu bɑ mɑn duɑri.
15 Wee nɛn sɔbu kɑ nɛn sɔm kowobu bɑ mɑn mɛɛrɑ nge sɔɔ wi bɑ ǹ yɛ̃.
16 Nɑ̀ n nɛn sɔm kowo sokɑ, u ku rɑ wure.
Nɑ̀ n nùn suuru kɑnɑmɔ,
u rɑ n mɑn ɑtɑfiiru sɑ̃ɑwɑ.
17 Nɛn kurɔ u ku rɑ nɛn nuburu kɑ̃.
Mɛyɑ mɑɑ nɛn bibu bɑ mɑn gɛmɑ.
18 Kɑ mɑm bibɔ kpuro bɑ mɑn gɛmɑwɑ.
Nɑ̀ n gɑri geruɑ, bɑ rɑ mɑn wɔmɛwɑ.
19 Be nɑ rɑ kɑ gerunɛn tii bɑ mɑn tusɑ.
Be nɑ mɑɑ kĩ bɑ mɑn seesi.
20 Nɛn wɑsin yɑɑ yɑ nɛn kukunu mɑni.
Wee wɛ̃siɑru tɔnɑwɑ tɑ mɑn tie.
21 Nɛn bɔrɔbɑ, i nɛn wɔnwɔndu wɑɑwo.
Domi Yinni Gusunɔwɑ u mɑn sɛɛyɑsiɑmɔ.
22 Mbɑn sɔ̃nɑ i mɑn nɑɑ swĩi nge mɛ Gusunɔn tii u mɑn nɑɑ swĩi.
Nɔni swɑ̃ɑ te i derɑ nɑ wɑ, tɑ ǹ bɛɛ turɑ?
23 Nɑ kĩ bu nɛn gɑri yore tireru sɔɔ.
24 Kpɑ bu mɑɑ yi yore kperu sɔɔ kɑ sisu
yi n wɑ̃ɑ mi, sere kɑ bɑɑdommɑɔ.
25 Adɑmɑ nɑ yɛ̃ mɑ nɛn yɑkio u wɑsi
wi u koo rɑ se u kɑ mɑn yinɑ.
26 Nɛn wɑsi yì n kɔ̃sɑ yi kpɑ,
sɑɑ ye sɔɔrɑ kon Gusunɔ wɑ.
27 Wiyɑ ko nɑ n mɛɛrɑ.
Nɛn tiin nɔniyɑ yi koo nùn wɑ, n ǹ mɔ googii.
Nɛn gɔ̃ru gɑ tɛmɑnɑbu kpɑnɑmɔ yèn sɔ̃ n tɛɛmɔ.
28 Sɑɑ ye sɔɔ, i ko gere i nɛɛ,
mbɑn sɔ̃nɑ i mɑn nɑɑ gire.
Domi nɛn gem mu koo sɔ̃ɔsirɑ.
29 Adɑmɑ i n yɛ̃ mɑ Gusunɔ u koo bɛɛ siri.
Yen sɔ̃, i win tɑkobi nɑsio.
Domi yen sɛɛyɑsiɑbu sɛ̃.