Elifɑsin gɑri
4
1 Yenibɑn biru, Elifɑsi Temɑgii u Yoobu sɔ̃ɔwɑ u nɛɛ,
2 sɑ̀ n gɑri geruɑ yi koo nun du?
Wɑrɑ u koo sere gɑri yini nɔ u n mɑɑri.
3 Wee tɔn dɑbinɑ ɑ keu sɔ̃ɔsi,
mɑ ɑ nuku sɑnkirobu dɑm kɑ̃.
4 Wunɛn gɑri yi be bɑ rɑɑ kpɑnɑmɔ dɑm kɑ̃.
Mɑ ɑ be bɑ gɔmɑ dwiiyɑ tɑ̃sisiɑ.
5 Wee tɛ̃ gɑri yi nun deemɑ, mɑ ɑ kpɑnɑmɔ.
Wee wɑhɑlɑ yɑ nun girɑri, mɑ ɑ burisinɛ.
6 N ǹ Gusunɔ sɑ̃ɑrɑ tɑ sɑ̃ɑ wunɛn dɑm?
N ǹ wunɛn yĩiyɔbu bu rɑ n wɑ̃ɑwɑ Gusunɔ win mi
yèn sɔ̃ ɑ nùn mɛm nɔɔwɑmmɛ?
7 Ǹ n mɛn nɑ, ɑ bwisikuo wunɛn wɑ̃ɑru sɔɔ,
ɑ̀ n nɔɔre bɑ tɑɑrɛ sɑrirugii goo go,
ǹ kun mɛ bɑ gemgibu mwɛɛrɑ bɑ kpeerɑsiɑ.
8 Nɛ, nɑ gɑbu wɑɑre, kɔ̃sɑn sɔmburɑ bɑ rɑ n mɔ̀,
kpɑ bɑ n weesu swĩi.
Mɛyɑ bɑ rɑ mɑɑ ye kpuron ɑre wɑ.
9 Bɑ rɑ n Gusunɔn mɔru seeye
kpɑ yu kɑ bu kɑm koosiɑ nge woo bɔkɔ.
10 Kpɑ ben kukiri bi bɑ rɑ ko nge gbee sunɔ bu nɔru ko.
Gusunɔ u rɑ ben nɔsu bɔɔkuwɑ.
11 Bɑ ko n sɑ̃ɑwɑ nge gbee sunɔ mɛro ge gɑ yɑɑ biɑ gu di,
mɑ gɑ gu, gen binu yɑrinɑ.
12 Gɑri gɛɛ mɑn nɑɑwɑ ɑsiri sɔɔ wɔ̃kuru,
mɑ nɛn swɑsu su yi nuɑ fɛrɛ fɛrɛ,
13 wɔ̃ku suunu sɔɔ, sɑɑ ye tɑ nɑnum kuɑ tɑ kpɑ,
mɑ tɔmbɑ kpĩ kpɑtɑ kpɑtɑ bɑ dosimɔ.
14 Sɑɑ yerɑ nɑ nɑndɑ,
mɑ nɛn wɑsi kpuro diirɑ.
15 Mɑ gɑ̃ɑnu mɑn sweemɑ nge woo,
mɑ nɛn wɑsi kiri seewɑ.
16 Nɑ goo wɑ wi nɑ ǹ tubɑ.
Mɑ nɑ nɔɔ gɑgu nuɑ gɑ gerumɔ tɛɛru tɛɛru gɑ mɔ̀,
17 tɔnu u koo kpĩ u n dɛɛre Gusunɔn wuswɑɑɔ?
U koo kpĩ u n dɛɛre wi u nùn tɑkɑ kuɑn nɔni sɔɔ?
18 Gusunɔ u ǹ mɑm win sɔm kowobu gɔrɑdobɑ nɑɑnɛ kue,
mɑ u torɑnu wɑɑmɔ be sɔɔ.
19 Kɑɑ sere gere tɔn be bɑ mɔmɑ kɑ tem,
be bɑ koo kpĩ bu sunku nge kɔkɔbu?
20 Tɔnu koo kpĩ u n wɑ̃ɑ bururu,
ǹ n kuɑ yokɑ kpɑ ɑ deemɑ u gu,
kpɑ goo kun mɑm gɑrɑ nge u gu.
21 Win wɑ̃ɑru tɑ kɑsirɑ.
U ǹ bwisi kpuro wɑ u kɑ gu.