Tem mɛ bɑ Simɛɔn
bwese kɛrɑ wɛ̃
19
1 Tem mɛn bɔnu yirusewɑ yɑ kuɑ Simɛɔn bwese kɛrɑgiɑ. Yudɑbɑn temɑ mu kɑ begim sikerenɛ. 2 Wuu si su wɑ̃ɑ mi, siyɑ Beri Sebɑ kɑ Sebɑ kɑ Mɔlɑdɑ, 3 kɑ Hɑsɑɑ Suɑli, kɑ Bɑlɑ kɑ Asɛmu, 4 kɑ Ɛlitolɑdi, kɑ Betuli kɑ Hɔɔmɑ, 5 kɑ Sikilɑgi, kɑ Bɛti Mɑɑkɑbɔti kɑ Hɑsɑɑ Susɑ, 6 kɑ Bɛti Lebɑɔti, kɑ Sɑrusɛni. Si kpuro su sɑ̃ɑwɑ mi wusu wɔkurɑ itɑ, gen bɑɑgere kɑ gen bɑru kpɑɑnu, 7 Aini, kɑ Rimɔɔ, kɑ Etɛɛ, kɑ Asɑni, si mɑɑ wusu nnɛ, gen bɑɑgere kɑ gen bɑru kpɑɑnu, 8 n kɑ dɑ Bɑlɑti Beriɔ ye bɑ mɑɑ sokumɔ Rɑmɑti, Nɛgɛbuɔ. Tem mɛ bɑ siɑ siɑ mi kpuro, mɛyɑ mu sɑɑ Simɛɔn bwese kɛrɑgim. 9 Yudɑbɑn tem sukumɑ bɑ Simɛɔn bwese kɛrɑ wɛ̃, domi Yudɑbɑgim mɛ, mu kpɑ̃.
Tem mɛ bɑ Sɑbulonin
bwese kɛrɑ wɛ̃
10 Sɑbulonin bwese kɛrɑ yɑ Kɑnɑnin tem bɔnu itɑse tɛtɛ di. Ben tem mɛ, mu dɑwɑ sɔ̃ɔ yɛ̃sɑn nɔm dwɑru giɑ sere Sɑridiɔ. 11 Sɑɑ mɑɑ min di mu dɑ mu nɔɔ yɔ̃rɑwɑ sɔ̃ɔ duu yeru giɑ Mɑreɑlɑɔ kɑ Dɑbesɛtiɔ sere dɑru kokɑ ye yɑ wɑ̃ɑ Yokunɛɑmun sɔ̃ɔ yɑri yeru giɑ. 12 Sɑridin berɑ giɑ mɑɑ tem mɛn nɔɔ burɑ yeru tɑ dɑwɑ sɔ̃ɔ yɑri yeru giɑ sere Kisilɔti Tɑboriɔ, n kɑ girɑri Dɑbɑrɑtiɔ kɑ Yɑfiɑɔ. 13 Min di tɑ dɑ Gitɑ Efɛɛɔ kɑ Itɑ Kɑsiniɔ n kɑ dɑ Rimɔɔwɔ sere Nɛɑ giɑ. 14 Mɑ tɑ dɑ sɔ̃ɔ yɛ̃sɑn nɔm geu giɑ sere Hɑnɑtoni giɑ n kɑ girɑri Yifutɑ Elin wɔwɑɔ. 15 Wuu si su wɑ̃ɑ tem mɛ sɔɔ, su sɑ̃ɑwɑ wusu wɔkurɑ yiru, gen bɑɑgere kɑ gen bɑru kpɑɑnu. Sin gɑsɑ, Kɑtɑti kɑ Nɑhɑlɑli kɑ Simuroni kɑ Yideɑlɑ kɑ Bɛtelehɛmu. 16 Berɑ yeni kpurowɑ yɑ kuɑ Sɑbulonin bwese kɛrɑgiɑ.
Tem mɛ bɑ Isɑkɑrin
bwese kɛrɑ wɛ̃
17 Isɑkɑrin bwese kɛrɑ yɑ mɑɑ Kɑnɑnin tem mɛn bɔnu nnɛse tɛtɛ di. 18 Wuu si su wɑ̃ɑ ye sɔɔ, siyɑ Yisirɛɛli kɑ Kesulɔtu kɑ Sunɛmu, 19 kɑ Hɑfɑrɑimu, kɑ Siɔni, kɑ Anɑsɑrɑti, 20 kɑ Rɑbiti, kɑ Kisioni, kɑ Abɛsi, 21 kɑ Remɛti, kɑ Eni Gɑnimu, kɑ Eni Hɑdɑ, kɑ Bɛti Pɑsɛsi. 22 Mɑ tem mɛn nɔɔ burɑ yeru tɑ mɑɑ dɑ Tɑboriɔ kɑ Sɑkɑsimɑɔ kɑ Bɛti Semɛsiɔ n kɑ girɑri dɑɑ te bɑ mɔ̀ Yuudɛniɔ. Wusu wɔkurɑ nɔɔbu kɑ tiɑ su sɑ̃ɑ, gen bɑɑgere kɑ gen bɑru kpɑɑnu. 23 Berɑ ye kpurowɑ yɑ kuɑ Isɑkɑrin bwese kɛrɑgiɑ ye bɑ wɑ bɔnu sɔɔ.
Tem mɛ bɑ Asɛɛn bwese kɛrɑ
wɛ̃
24 Asɛɛn bwese kɛrɑ yɑ mɑɑ Kɑnɑnin tem mɛn bɔnu nɔɔbuse tɛtɛ di. 25 Wuu si su wɑ̃ɑ mi, siyɑ Hɛlikɑti, kɑ Hɑli, kɑ Betɛni, kɑ Akusɑfu, 26 kɑ Alɑmɛlɛki, kɑ Amɛɑdi, kɑ Mikɑli. Tem mɛn sɔ̃ɔ duu yeru giɑ, mɛn nɔɔ burɑ yeru tɑ wɑ̃ɑwɑ sɑɑ Kɑɑmɛlin guurun di n kɑ girɑri dɑɑ te bɑ mɔ̀ Sikori Libinɑtiɔ. 27 Sɔ̃ɔ yɑri yeru giɑ mɑɑ, tɑ dɑwɑ sɑɑ Bɛti Dɑgonin di n kɑ Sɑbulonin bwese kɛrɑn tem girɑri sere wɔwɑɔ ye bɑ mɔ̀ Yifutɑ Eliɔ, mɑ tɑ dɑ sɔ̃ɔ yɛ̃sɑn nɔm geu giɑ Bɛti Emɛkiɔ kɑ Nɛyɛliɔ, kɑ Kɑbuluɔ, 28 kɑ Abudoniɔ kɑ Rehɔbuɔ kɑ Hɑmɔɔwɔ kɑ Kɑnɑɔ. Mɑ tɑ yɔ̃rɑ wuu bɔkɔ ge bɑ mɔ̀ Sidoniɔ. 29 Min di tɑ mɑɑ dɑ Rɑmɑ giɑ kɑ sere Tiriɔ, wuu ge bɑ gbɑ̃rɑru koosi, sere n kɑ girɑri Hosɑɔ mɑ tɑ yɔ̃rɑ nim wɔ̃ku ge bɑ mɔ̀ Mɛditerɑnɛɔ, Akisibun berɑɔ. 30 Wuu siniwɑ su mɑɑ wɑ̃ɑ tem mɛ sɔɔ. Siyɑ Umɑ kɑ Afɛki kɑ Rehɔbu. Wuu si su wɑ̃ɑ tem mɛ kpuro sɔɔ, su sɑ̃ɑwɑ yɛndɑ yiru, gen bɑɑgere kɑ gen bɑru kpɑɑnu. 31 Berɑ ye kpurowɑ yɑ kuɑ Asɛɛn bwese kɛrɑgiɑ ye bɑ wɑ bɔnu sɔɔ.
Tem mɛ bɑ Nɛfitɑlin
bwese kɛrɑ wɛ̃
32 Nɛfitɑlin bwese kɛrɑ yɑ mɑɑ Kɑnɑnin tem bɔnu nɔɔbɑ tiɑse tɛtɛ di. 33 Sɔ̃ɔ yɛ̃sɑn nɔm dwɑru giɑ, mɛn nɔɔ burɑ yeru tɑ wɑ̃ɑwɑ Helɛfun di sere Sɑnɑnimun dɑ̃ɑ sɔ̃ɔwɔ n kɑ girɑri Adɑmi Nɛkɛbuɔ kɑ Yɑbunɛɛliɔ kɑ Lɑkumuɔ, mɑ tɑ yɔ̃rɑ Yuudɛniɔ. 34 Sɔ̃ɔ duu yeru giɑ mɑɑ, tem mɛ, mu nɔɔ yɔ̃rɑwɑ Asinɔtu Tɑboriɔ kɑ Hukɔkuɔ n dɑ n Sɑbulonin bwese kɛrɑn tem bɛwɑ sɔ̃ɔ yɛ̃sɑn nɔm dwɑru giɑ n kɑ girɑri Asɛɛn bwese kɛrɑn temɔ sɔ̃ɔ duu yeru giɑ. Sɔ̃ɔ yɑri yeru giɑ dɑɑ te bɑ mɔ̀ Yuudɛni tɑ kuɑ mɛn nɔɔ burɑ yeru. 35 Ben tem mɛ sɔɔ, wuu si su gbɑ̃rɑru mɔ wee, Sidimu kɑ Seri kɑ Hɑmɑti kɑ Rɑkɑti kɑ Kinɛrɛti, 36 kɑ Adɑmɑ kɑ Rɑmɑ kɑ Hɑsori 37 kɑ Kedɛsi kɑ Edɛɛ kɑ Eni Hɑsori, 38 kɑ Yireoni kɑ Migidɑli Eli, kɑ Horɛmu, kɑ Bɛti Anɑti kɑ Bɛti Semɛsi. Wuu si kpuro su sɑ̃ɑwɑ yɛndu tiɑ sɑri, gen bɑɑgere kɑ gen bɑru kpɑɑnu. 39 Berɑ ye kpurowɑ yɑ kuɑ Nɛfitɑlin bwese kɛrɑgiɑ ye bɑ wɑ bɔnu sɔɔ.
Tem mɛ bɑ Dɑnun
bwese kɛrɑ wɛ̃
40 Dɑnun bwese kɛrɑ yɑ mɑɑ Kɑnɑnin tem mɛn bɔnu nɔɔbɑ yiruse tɛtɛ di. 41 Wuu si su mɑɑ wɑ̃ɑ ben tem mɛ sɔɔ, siyɑ Soreɑ kɑ Ɛsitɑoli kɑ Yiri Semɛsi, 42 kɑ Sɑlɑbini, kɑ Ayɑloni kɑ Yitilɑ, 43 kɑ Eloni kɑ Tinnɑtɑ, kɑ Ekoroni, 44 kɑ Ɛliteke, kɑ Gibetoni kɑ Bɑlɑti, 45 kɑ Yehudi, kɑ Bɛnɛ Berɑki, kɑ Gɑti Rimɔɔ, 46 kɑ Yɑɑkonin dɑɑru kɑ Rɑkoni, kɑ Yɑfon berɑ. 47 Sɑnɑm mɛ Dɑnubɑ bɑ wɑ yibɛrɛbɑ bɑ kpɑm ben tem mwɛɛrimɔ, yerɑ be, bɑ mɑɑ dɑ bɑ Lesɛmu wɔri bɑ yen tɔmbu kpuro go. Mɑ bɑ yɑnde sinɑ mi, yɑ kuɑ ben wuu. Yerɑ bɑ ye ben sikɑdon yĩsiru kɑ̃ te bɑ mɔ̀ Dɑnu. 48 Wuu si su wɑ̃ɑ mi kpuro su kuɑwɑ begisu kɑ sin bɑru kpɑɑnu.
49 Sɑnɑm mɛ Isirelibɑ bɑ tem mɛ bɔnu kuɑ bɑ kpɑ, yen biruwɑ bɑ Yosue Nunin bii wigim wɛ̃. 50 Wiyɑ bɑ wuu ge bɑ mɔ̀ Tinnɑti Serɑki wɛ̃ ye u bikiɑ nge mɛ Yinni Gusunɔ u geruɑ. Wuu gerɑ gɑ wɑ̃ɑ Efɑrɑimun guunun berɑ giɑ. Mɑ u gu bɑnɑ sɔnwɑ u sinɑ mi.
51 Yɑ̃ku kowo Eleɑsɑɑ kɑ Yosue Nunin bii kɑ sere mɑɑ Isirelibɑn bwese kɛrin wirugibɑ bɑ Kɑnɑnin tem mɛ kpuro bɔnu kuɑ kɑ tɛtɛ Siloɔ Yinni Gusunɔn sɑ̃ɑ yerun kɔnnɔwɔ. Mɑ bɑ bwese kɛrɑ bɑɑyere wɛ̃ bɔnu ye yɑ tɛtɛ di. Mɛsumɑ bɑ kɑ tem mɛ bɔnu kuɑ.