Sinɑm be Isirelibɑ bɑ kɑmiɑ
12
1 Mɔwisin wɑɑti sɔɔ Isirelibɑ bɑ sinɑm be bɑ wɑ̃ɑ Yuudɛnin sɔ̃ɔ yɑri yeru giɑ kɑmiɑ. Mɑ bɑ berɑ min tem mwɛɛrɑ mɛ mu wɑ̃ɑ Yuudɛnin wɔwɑ kpuro sɔɔ sɑɑ dɑɑ te bɑ mɔ̀ Aɑnɔɔn di sere n kɑ girɑri guu te bɑ mɔ̀ Hɛɛmɔɔwɔ. 2-3 Sinɑm ben turon yĩsirɑ Sihoni. U sɑ̃ɑwɑ Amɔrebɑn sunɔ. Win wuuwɑ Hɛsiboni. Wiyɑ u mɔ kpuro sɑɑ Aroɛɛn di ye yɑ wɑ̃ɑ dɑɑ te bɑ mɔ̀ Aɑnɔɔn goorɔ sɔ̃ɔ yɛ̃sɑn nɔm dwɑru giɑ, sere n kɑ girɑri guu te bɑ mɔ̀ Pisigɑɔ, sɑɑ min di sere Bɛti Yesimɔtiɔ nim wɔ̃ku bɔruguun sɔ̃ɔ yɑri yeru giɑ, sɑɑ mɑɑ min di, n kɑ dɑ dɑɑ te bɑ mɔ̀ Yɑbɔkuɔ Amɔnibɑn tem nɔɔ burɑ yerɔ, kɑ Gɑlɑdin tem bee tiɑ sere dɑɑ bure te bɑ mɔ̀ Genɛsɑrɛtiɔ. 4 Turowɑ mɑɑ Ogu, wi u sɑ̃ɑ Bɑsɑnin sunɔ. Wiyɑ u tie Refɑn bweseru sɔɔ. U wɑ̃ɑwɑ Asitɑrɔtuɔ, kɑ Edɛɛɔ. 5 Wiyɑ u Bɑsɑnin tem kpuro mɔ sɑɑ guu te bɑ mɔ̀ Hɛɛmɔɔn di sere kɑ Sɑlikɑɔ kɑ mi Gesuribɑn tem kɑ Mɑɑkɑgibun tem nɔɔ gɑ yɔ̃rɑ, kɑ Gɑlɑdin tem bee tiɑ mi Sihoni, Hɛsibonin sunɔn tem nɔɔ gɑ yɔ̃rɑ. 6 Tem mɛn tɔmbu kpurowɑ Mɔwisi, Yinni Gusunɔn sɔm kowo kɑ Isirelibɑ bɑ go. Mɑ Mɔwisi u tem mɛ Rubɛnin bwese kɛrɑ kɑ Gɑdin bwese kɛrɑ kɑ Mɑnɑsen bwese kɛrɑn sukum bɔnu kuɑ.
7 Yosue kɑ win tɔmbu Isirelibɑ bɑ sinɑm be bɑ wɑ̃ɑ Yuudɛnin sɔ̃ɔ duu yeru giɑ kɑmiɑ. Sinɑm ben temɑ mu wɑ̃ɑ sɑɑ Bɑɑli Gɑdin di Libɑnin guunun wɔwɑ sɔɔ, sɔ̃ɔ yɛ̃sɑn nɔm geuɔ, sere guu tèn mi gɑ̃ɑnu ku rɑ kpi te tɑ wɑ̃ɑ Seirin bɔkuɔ, sɔ̃ɔ yɛ̃sɑn nɔm dwɑru giɑ. Tem mɛyɑ Yosue u Isirelibɑn bwese kɛri bɔnu kuɑ. 8 Mɛyɑ mu wɑ̃ɑ guunun berɑ giɑ kɑ sere Sefɑlɑn berɑn bɑtumɑɔ kɑ Yuudɛnin wɔwɑɔ kɑ min guunɔ kɑ sɔ̃ɔ yɛ̃sɑn nɔm dwɑru giɑ mi gɑ̃ɑnu ku rɑ kpi. Hɛtibɑrɑ bɑ wɑ̃ɑ tem mi, kɑ Amɔrebɑ kɑ Kɑnɑnibɑ kɑ Feresibɑ kɑ Hefibɑ kɑ sere mɑɑ Yebusibɑ. 9 Sinɑm be bɑ mɑɑ kɑmiɑ mi, ben wusu wee, siyɑ Yeriko kɑ Ayi ye yɑ wɑ̃ɑ Betɛlin bɔkuɔ 10 kɑ Yerusɑlɛmu kɑ Heboroni, 11 kɑ Yɑɑmuti kɑ Lɑkisi, 12 kɑ Egoloni kɑ Gesɛɛ, 13 kɑ Debiri kɑ Gedɛɛ, 14 kɑ Hɔɔmɑ kɑ Arɑdi 15 kɑ Libinɑ kɑ Adulɑmu 16 kɑ Mɑkedɑ kɑ Betɛli, 17 kɑ Tɑpuɑ kɑ Hefɛɛ, 18 kɑ Afɛki kɑ Lɑsɑroni, 19 kɑ Mɑdoni kɑ Hɑsori 20 kɑ Simuroni Mɛroni kɑ Akusɑfu 21 kɑ Tɑnɑki kɑ Mɛgido, 22 kɑ Kedɛsi kɑ Yokunɛɑmu ye yɑ wɑ̃ɑ guu te bɑ mɔ̀ Kɑɑmɛliɔ, 23 kɑ Dori ye yɑ wɑ̃ɑ Dorin guunun berɑ giɑ, kɑ Goyimu ye yɑ wɑ̃ɑ Giligɑlin bɔkuɔ, 24 kɑ Tirisɑ. Sinɑm be kpuro bɑ sɑ̃ɑwɑ tɛnɑ kɑ tiɑ.