17
1 I ku rɑ Gusunɔ bɛsɛn Yinni yɑ̃kuru kuɑ kɑ kɛtɛ ǹ kun mɛ kɑ yɑ̃ɑru ǹ kun mɛ kɑ boo, yen gɑɑ yɑ̀ n bɑrɑru gɑru ǹ kun mɛ ɑlebu gɑɑ mɔ, domi yɑ sɑ̃ɑwɑ sese disigiru win mi.
2-3 Ì n dɑ dɑ i wɑ̃ɑ wuu si Gusunɔ bɛsɛn Yinni u bɛɛ wɛ̃ sɔɔ, sɔrɔkudo sɔ̃ɔ teeru wuu sin gɑgu sɔɔ, tɔn durɔ goo ǹ kun mɛ tɔn kurɔ goo u koo Yinni Gusunɔ tɔnu kɑm kom kuɑ u dɑ u bũnu yiirɑ u sɑ̃, kɑ mɑm sɔ̃ɔ kɑ suru kɑ kperi kpuro. Yeyɑ yɑ ko n sɑ̃ɑ kɔ̃sɑ Gusunɔn nɔni sɔɔ domi n ǹ mɛ u bɛɛ yiire i ko. 4 Sɑnɑm mɛ i nuɑ bɑ nɛɛ, goo u yen bweseru kuɑ, i ko i yen gɑri wɛ̃ɛriwɑ kɑ lɑɑkɑri. Ì n deemɑ yɛ̃ro u sese disigii te kuɑwɑ kɑ gem bɛɛ Isirelibɑn tem sɔɔ, 5 sɑɑ ye sɔɔrɑ i ko i kɑ yɛ̃ro dɑ wuun gbɑ̃rɑ kɔnnɔwɔ ǹ n tɔn durɔn nɑ, ǹ n mɑɑ tɔn kurɔn nɑ kpɑ i nùn kpenu kɑsuku i go.
6 I ku rɑ goo tɑɑrɛ wɛ̃ i go mɑ n kun mɔ tɔmbu yiru ǹ kun mɛ itɑ bɑ win seedɑ di. Tɔn turon seedɑ dibu kun turɑ. 7 Seedɑgii beyɑ bɑ koo gbi bu yɛ̃ro kpenu kɑsukum tore bu kɑ go kpɑ tɔn be bɑ tie bu sere mɑɑ swĩi. Nge mɛyɑ i ko i kɑ kɔ̃sɑ ye wunɑ bɛɛn suunu sɔɔn di.
Siribu
8 Goo ù n tɔnu go ǹ kun mɛ gɑbu bɑ̀ n sɑnnɑ ǹ kun mɛ goo ù n goo mɛɛrɑ kuɑ, mɑ i kpɑnɑ i bu siriɑ, i seewo i kɑ bu dɑ yɑm mi Gusunɔ bɛsɛn Yinni u koo tii gɔsiɑ sɔɔ. 9 I doo yɑ̃ku kowobu Lefibɑn mi kɑ siri kowobun mi kpɑ bu bɛɛ sɔ̃ nge mɛ i ko i siri bi koosinɑ. 10 I ko i kowɑ dee dee ye bɑ bɛɛ sɔ̃ɔwɑ sɑ̃ɑ yee ten min di tè Yinni Gusunɔ u tii gɔsiɑ. 11 I ko i woodɑ kɑ sɔ̃ɔsi ni bɑ bɛɛ wɛ̃ mi mɛm nɔɔwɑwɑ mɑm mɑm. I ku rɑ yen gɑɑ yinɑ. 12 Wi u tii suɑ mɑ u yinɑ u yɑ̃ku kowo wi u Gusunɔ bɛsɛn Yinnin sɔmburu mɔ̀ mi kɑ siri kowon gɑri swɑɑ dɑki, bɑ koo yɛ̃ro gowɑ. Nge mɛyɑ i ko i kɑ kɔ̃sɑ wunɑ bɛɛ Isirelibɑn suunu sɔɔn di 13 kpɑ tɔnu bɑɑwure wi u ye nuɑ u nɑndɑ kpɑ goo u ku mɑɑ tii suɑ.
Woodɑ ye bɑ yi
sinɑ bokon swĩibun sɔ̃
14 Sɑnɑm mɛ i duɑ i wɑ̃ɑ tem mɛ Gusunɔ bɛsɛn Yinni u bɛɛ wɛ̃ɛmɔ sɔɔ, mɑ i geruɑ i nɛɛ, i kĩ i n sinɑ boko mɔwɑ nge mɛ bwese ni nu bɛɛ sikerenɛ nu mɔ, 15 wi Gusunɔ bɛsɛn Yinni u gɔsɑ, wiyɑ i ko i swĩi u ko sinɑ boko. U ko n sɑ̃ɑwɑ Isireli. I ku rɑ de sɔɔ wi i#ǹ sɑ̃ɑ bwese teeru u ko bɛɛn sinɑ boko. 16 Sinɑ boko wi, u#ǹ ko u n dumi mɔ dɑbi dɑbiru. U#ǹ ko u n dɑ mɑɑ gɑbu gɔri Egibitiɔ bu dumi dweemɑ. Domi Yinni Gusunɔ u bɛɛ sɔ̃ɔwɑ u nɛɛ, u#ǹ kĩ i mɑɑ wurɑ mi. 17 Win kurɔbu bɑ#ǹ ko bɑ n dɑbi win gɔ̃ru gu ku rɑɑ kɑ gɛrɑ Gusunɔn min di. U#ǹ koo mɑɑ tii sii geesu kɑ wurɑ sweenɑ siki siki.
18 Sinɑ boko wi, ù n sinɑ gɔnɑ sinɑ u kpɑ, u koo de bu nùn woodɑ yeni yoruɑwɑ tireru sɔɔ ye yɑ ko n wɑ̃ɑ yɑ̃ku kowo Lefibɑn mi. 19 Tire te, tɑ ko n wɑ̃ɑwɑ win bɔkuɔ kpɑ u n dɑ tu gɑri tɔ̃ɔ bɑɑtere win wɑ̃ɑrun tɔ̃ru kpuro sɔɔ kpɑ u kɑ giɑ nge mɛ u koo Gusunɔ win Yinni nɑsiɑ, u win woodɑbɑ kɑ win yiirebu mɛm nɔɔwɑ. 20 Kpɑ u ku tii suɑ u n tɑmɑɑ u win Isirelisibu kerewɑ kpɑ u ku woodɑ yen gɑɑ yinɑ kpɑ wi kɑ win bibun bweserun bɑndu tu dɑkɑɑ dɑ Isirelibɑn suunu sɔɔ.