Yɑ̃ku yeru
kɑ boo sii gɑnduguu
38
1 Mɑ bɑ yɑ̃ku yee te kuɑ kɑ ɑkɑsiɑn dɑ̃ɑ. Ten goonu nnɛ ye kpuro yɑ nɛwɑ. Yɑ sɑ̃ɑ gɔm soonu nɔɔbu nɔɔbu. Ten gunum mɑɑ gɔm soonu itɑ. 2 Mɑ bɑ derɑ kɑ̃ɑnu nu yɑrɑ ten wɔllun goo gɔmkinɔ mɑ bɑ yɑ̃ku yee te kpuro sii gɑndu pote. 3 Mɑ bɑ ten dendi yɑ̃nu kpuro kuɑ kɑ sii gɑndu. Niyɑ gbɛ̃ɛ ni bɑ koo kɑ torom gurɑ, kɑ kɑɑtonu, kɑ kɑɑto donnuginu, kɑ gbɛ̃ɛ nì sɔɔ bɑ koo yɑɑ yɛm doke bu kɑ yɛ̃kɑ, kɑ dɔ̃ɔ gurɑtii. 4 Mɑ bɑ kɔkɔsɔ kuɑ kɑ sii gɑndu, bɑ ye suɑ bɑ doke yɑ̃ku yee ten kɔkɔrɔ mɑ yen nɔɔ gɑ seemɑ wɔllɔ yɑ̃ku yee ten suunu suunukɑɔ. 5 Mɑ bɑ yen goo gookɑɔ sumi doke yì sɔɔ bɑ koo dɑ̃ɑ pɔɔsi wɑsi. 6 Mɑ bɑ ɑkɑsiɑn dɑ̃ɑ pɔɔsi yiru kuɑ bɑ sii gɑndu pote. 7 Mɑ bɑ dɑ̃ɑ pɔɔsi yi wɑsi sumi yi sɔɔ beri berikɑ yi bɑ ko n dɑ kɑ yɑ̃ku yee te sue. Bɑ tu kuɑwɑ kɑ dɑ̃ɑ bɛsi mɑ tɑ wɔru mɔ.
8 Mɑ bɑ boo ge kuɑ kɑ gen sɔwɑritiɑ, ye kpuro yɑ sɑ̃ɑwɑ sii gɑndu. Bɑ nu mwɛɛrɑwɑ tɔn kurɔbun mi be bɑ rɑ sinɛ sɑ̃ɑ yee ten kɔnnɔwɔ. N deemɑ sii gɑn niyɑ nu rɑ n sɑ̃ɑ ben digi.
Kuu ten kɑrɑ
9 Bɑ kuu te kɑrɑ koosi kɑ beku dɑmginu. Yen sɔ̃ɔ yɛ̃sɑn nɔm dwɑru giɑ yen dɛ̃ɛbu bu sɑ̃ɑwɑ gɔm soonu wunɔbu (100). 10 Mɑ bɑ dɑ̃ɑ bɛsi sinumgii yɛndu suɑ yi kuɑ kɑrɑ yen dɑ̃ɑ. Mɑ bɑ yin yɔ̃rɑtii kuɑ kɑ sii gɑndu. Yen biru bɑ mɑɑ yin beku sɔretinu kuɑ kɑ sii geesu. Mɑ bɑ sii geesun dɛki kuɑ bu kɑ bekɑ ye tɑɑre. 11 Kɑrɑ yen sɔ̃ɔ yɛ̃sɑn nɔm geu giɑ, yen bekunun dɛ̃ɛbu sɑ̃ɑwɑ gɔm soonu wunɔbu (100). Mɑ bɑ nu sɔre kɑrɑ dɑ̃ɑ sɔɔ nge mɛ bɑ sɔ̃ɔ yɛ̃sɑn nɔm dwɑrugii ni kuɑ. 12 Sɔ̃ɔ duu yeru giɑ kɑrɑ yen bekunun dɛ̃ɛbu sɑ̃ɑwɑ gɔm soonu weerɑɑkuru. Mɑ bɑ nu sɔre kɑrɑ dɑ̃nu wɔkuru sɔɔ ye yɑ sɔretii mɔ nge mɛ bɑ sɔ̃ɔ yɛ̃sɑn nɔm dwɑrugii ni kuɑ. 13 Yen sɔ̃ɔ yɑri yeru giɑ mɑɑ, yen dɛ̃ɛbu bu sɑ̃ɑwɑ gɔm soonu weerɑɑkuru. 14-15 Kɑrɑ beku ni nu wɑ̃ɑ kɑrɑ yen kɔnnɔn beri berikɑɔ, nin dɛ̃ɛbu bu sɑ̃ɑwɑ gɔm soonu wɔkurɑ nɔɔbu nɔɔbu. Mɑ bɑ nu kɑrɑ dɑ̃nu kuɑ itɑ itɑ, ten bɑɑtere kɑ ten yɔ̃rɑtiɑ.
16 Bɑ kɑrɑ yen bekunu kpuro kuɑwɑ kɑ wɛ̃ɛ dɑmgii. 17 Kɑrɑ dɑ̃ɑ nin yɔ̃rɑtii, sii gɑndɑ bɑ kɑ yi kuɑ. Yen sɔretii ni nu wɑ̃ɑ dɑ̃ɑ ye sɔɔ, kɑ sii dɛki yi, ye kpuro yɑ sɑ̃ɑwɑ sii geesu. Mɑ bɑ dɑ̃ɑ nin wɔllɔ sii geesu pote. Dɑ̃ɑ ni kpuro nu sɔrenɛwɑ kɑ sii dɛki yi. 18 Bɑ kɑrɑ kɔnnɔ gen beku kɛnutii te kuɑwɑ kɑ wɛ̃ɛ dɑmgii mɑ bɑ tu burɑru kuɑ kɑ wɛ̃ɛ wunɔmgii kɑ yi bɑ wɔ̃kuɑ kɑ burɑ kɑ mɑɑ gɑɑdurɑ. Ten yɑsum sɑ̃ɑwɑ gɔm soonu yɛndu, ten gunum mɑɑ gɔm soonu nɔɔbu nge mɛ kuu ten beku teerɑ yɑsum nɛ. 19 Dɑ̃ɑ bɛsi sinumgii nnɛ sɔɔrɑ bɑ beku kɑre te sɔre, mɑ bɑ yin yɔ̃rɑtii kuɑ kɑ sii gɑndu. Bɑ yin wii wɔllɔ sii geesu pote nge furɔ. Mɑ bɑ yin sɔretinu kɑ sere yin sii dɛki yi kuɑ kɑ sii geesu. 20 Kuu bekurugii te, kɑ kɑrɑ yen gɑbɑtiɑn kurum kpuro yɑ sɑ̃ɑwɑ sii gɑndu.
Sii si kuu bekurugii te, tɑ di
21 Mɔwisi u Lefibɑ sɔ̃ɔwɑ bu sisun dooru ko si kuu bekurugii te, tɑ di, tè sɔɔ bɑ koo Yinni Gusunɔn woodɑn kpɑkoro te doke. Itɑmɑɑ, Aroni yɑ̃ku kowon biiwɑ u sɑ̃ɑ ben wirugii. 22 Bɛsɑlɛli, Urin bii, Hurin debubu, Yudɑn bweseru sɔɔ, u kuu ten sɔmburu kuɑ kpuro te Yinni Gusunɔ u Mɔwisi sɔ̃ɔwɑ u ko. 23 Oholiɑbu, Ahisɑmɑkin bii, Dɑnun bweseru sɔɔ, wiyɑ u Bɛsɑlɛli somi u kɑ sɔmbu te kuɑ. Wiyɑ u gɑ̃ɑ dɑbinu kuɑ kuɑ. U sɔmɑn kpunɑɑbɑ kuɑ, u kpee gobiginu dɑ̃kɑ, mɑ u bekunu burɑru kuɑ kɑ wɛ̃ɛ wunɔmgii kɑ yi bɑ wɔ̃kuɑ kɑ burɑ kɑ mɑɑ gɑɑdurɑ.
24 Wurɑ ye Isirelibɑ bɑ wɛ̃ bɑ kɑ kuu bekurugii te, kɑ ten dendi yɑ̃nu kpuro kuɑ yɑ sɑ̃ɑwɑ kilo nɛnɛ kɑ wɑtɑ kɑ wɔkurɑ nɔɔbu kɑ yirun (875) sɑkɑ. Bɑ ye yĩirɑwɑ kɑ ben sɑ̃ɑ yerun sɑkɑku.
25 Sii gee si Isirelibɑ bɑ mɑɑ wɛ̃ sɑnɑm mɛ bɑ bu gɑrimɔ, su kuɑwɑ kilo nɔrɔbun subɑ itɑ kɑ wɔkurɑ nɔɔbu kɑ yirun (3.017) sɑkɑ. Bɑ su yĩirɑwɑ kɑ ben sɑ̃ɑ yerun sɑkɑku. 26 Tɔn be bɑ sii gee si wɛ̃, ben geerɑ sɑ̃ɑwɑ tɔnu nɔrɔbun subɑ nɑtɑ kɑ itɑ, kɑ nɛɛrɑ wunɔbu kɑ weerɑɑkuru (603.550). N deemɑ be bɑ wɔ̃ɔ yɛndu turɑ, kɑ be bɑ kere mɛ, berɑ bɑ gɑrɑ. Ben bɑɑwure u wɛ̃wɑ gɑrɑmu nɔɔbu. 27 Sii geesun kilo nɔrɔbun subɑ itɑwɑ (3.000) bɑ kɑ kuu bekurugii te kɑ ten beku kɑre ten dɑ̃ɑ bɛsin yɔ̃rɑtii wunɔbu (100) kuɑ. Yen bɑɑyere, kilo tɛnɑ. 28 Mɑ bɑ mɑɑ kɑ sii geesun kilo wɔkurɑ nɔɔbu kɑ itɑ ye yɑ tie sɔretii ni, kɑ dɑ̃ɑ bɛsi yin furɔsu, kɑ sii dɛki yi kuɑ.
29 Sii gɑn ni Isirelibɑ bɑ mɑɑ mɛnnɑ, nu kuɑwɑ kilo nɔrɔbun subɑ yiru kɑ wunɑɑ teeru kɑ nnɛ (2.124). 30 Sii gɑn niyɑ bɑ kɑ kuu ten kɔnnɔn dɑ̃ɑ bɛsi sinumgiin yɔ̃rɑtii kuɑ kɑ yɑ̃ku yee te, kɑ ten kɔkɔsɔ ye, kɑ ten dendi yɑ̃nu. 31 Kɑ niyɑ bɑ mɑɑ kuu ten kɑrɑ dɑ̃nun yɔ̃rɑtii, kɑ yen kɔnnɔn pɔɔsin yɔ̃rɑtii kɑ sere kuu te, kɑ kɑrɑ yen gɑbɑtiɑn kurum kpuro kuɑ.