Yinni Gusunɔ
u win nɔɔ mwɛɛru sire
24
1 Yinni Gusunɔ u Mɔwisi sɔ̃ɔwɑ u nɛɛ, i yɔɔmɑ Sinɑin guuru mini, nɛn mi, wunɛ kɑ Aroni kɑ Nɑdɑbu kɑ Abihu kɑ Isirelibɑn guro gurobu wɑtɑ kɑ wɔkuru, kpɑ i mɑn kpunɑ sɑrun di. 2 Wunɛ Mɔwisi, kɑɑ mɑn susimɑ wunɛ turo. Be bɑ kɑ nun yɔɔmɑ bu yɔ̃ro mi bɑ wɑ̃ɑ mi. Tɔn be bɑ mɑɑ tie, bu ku rɑɑ yɔɔmɑ mini.
3 Mɑ Mɔwisi u dɑ u tɔn be Yinni Gusunɔn gɑri kɑ win woodɑbɑ kpuro sɔ̃ɔwɑ. Mɑ be kpuro bɑ wurɑ kɑ gɔ̃ru teu bɑ nɛɛ, sɑ ko ko ye Yinni Gusunɔ u geruɑ kpuro.
4 Mɔwisi u Yinni Gusunɔn gɑri yi kpuro yoruɑ mɑ u seewɑ buru buru u yɑ̃ku yeru bɑnɑ guu ten nuurɔ. U mɑɑ kpenu wɔkurɑ yiru girɑ nge mɛ Isirelibɑn bwese kɛrin geerɑ nɛ. 5 Mɑ u Isirelibɑn ɑluwɑɑsibɑ gɑbu gɔrɑ bu kɑ Yinni Gusunɔ yɑ̃ku dɔ̃ɔ mwɑɑrɑruginu kuɑ kpɑ bu nɑɑ kinɛnu go bu kɑ siɑrɑbun yɑ̃kunu ko. 6 Mɔwisi u yɑɑ yɛm mɛn bɔnu suɑ u doke gbɛ̃ɑ sɔɔ. Mɑ u sukum mɛ n tie yɛ̃kɑ yɑ̃ku yee ten wɔllɔ. 7 Mɑ u woodɑn tire te suɑ u tu gɑrɑ tɔn ben wuswɑɑɔ. Mɑ bɑ nɛɛ, sɑ ko Yinni Gusunɔ mɛm nɔɔwɑ kpɑ su ko kpuro ye u geruɑ.
8 Mɑ Mɔwisi u yɛm mɛ suɑ u yɛ̃kɑ tɔn ben wɔllɔ u nɛɛ, yɛm mɛ wee, mɛ mu Yinni Gusunɔn nɔɔ mwɛɛru siremɔ te u bɛɛ kuɑ sɑnɑm mɛ u bɛɛ woodɑ yenibɑ kpuro wɛ̃.
9 Mɑ Mɔwisi kɑ Aroni kɑ Nɑdɑbu kɑ Abihu kɑ Isirelibɑn guro gurobu wɑtɑ kɑ wɔku te, bɑ guu te yɔɔwɑ. 10 Mɑ bɑ Gusunɔ, be Isirelibɑn Yinni wi wɑ. N sɑ̃ɑre nge u yɔ̃ turɑru gɑrun wɔllɔ te bɑ kuɑ kɑ kpee boogu ni nu bɑɑlimɔ weenɛ. Nu dɛɛrewɑ nge wɔllu te tɑ kun guru wiru mɔ. 11 Gusunɔ u ǹ Isirelibɑn guro guro be kɔ̃sɑ gɑɑ kue. Bɑ nùn wɑ mɑ bɑ di bɑ nɔrɑ.
Mɔwisi u yɔɔwɑ Sinɑin guurɔ
12 Yinni Gusunɔ u Mɔwisi sɔ̃ɔwɑ u nɛɛ, ɑ yɔɔmɑ ɑ yɔ̃rɑ guuru mini. Kon nun kpee bɛsi wɛ̃ mì sɔɔ nɑ woodɑ kpuro yoruɑ, tɔn be kɑ ben bibun bweseru bɑ n kɑ ye mɛɛrimɔ bɑɑdommɑ.
13 Mɑ Mɔwisi u seewɑ kɑ win bɔ̃ɔ Yosue. Adɑmɑ u sere guu te yɔ, 14 u guro guro be sɔ̃ɔwɑ u nɛɛ, i yɔ̃ro mini, i sun mɑ sere su kɑ wurɑmɑ bɛɛn mi. Wee Aroni kɑ Huri bɑ wɑ̃ɑ kɑ bɛɛ. Bɛɛn goo ù n gɑri giri gɛɛ mɔ, u nɑ ben mi. 15 Yen biru u yɔɔwɑ guu ten wɔllɔ, mɑ guru wii wurorɑ tu wukiri. 16-17 Yerɑ Yinni Gusunɔn yiikon girimɑ yɑ sɔ̃ɔsirɑ mi. Isirelibɑ bɑ ye wɑ, yɑ sɑ̃ɑ nge dɔ̃ɔ boko. Mɑ guru wii wuro te, tɑ Sinɑin guu te wukiri sere sɔ̃ɔ nɔɔbɑ tiɑ. Sɔ̃ɔ nɔɔbɑ yiruse Yinni Gusunɔ u Mɔwisi sokɑ sɑɑ guru wii wuro ten min di. 18 Yerɑ Mɔwisi u duɑ guru wii ten sɔɔwɔ mɑ u yɔɔwɑ guu ten wɔllɔ. Miyɑ u wɑ̃ɑ sɔ̃ɔ sɔɔ weeru kɑ wɔ̃kuru weeru.YINNI GUSUNƆN KUU BEKURUGIRUN KPUNAA