Ada carita sujati uli Cakepan Sucine unduk Hyang Yesus lekad.

Di negara Yahudi, ada anak muani madan “Yusuf.” Yusuf ento anak ane darma. Yusuf suba masemaya bakal nganten ngajak Maria, anak ane bajang genten.

Tandina, Yusuf napetang Maria tunangan iane suba beling. Krana ia anak darma, ia tusing nyak nyelekin Maria kapinin anake liu. Nah, ditu lantas ia meled ngalain Maria, sewireh Maria ento sube beling.

Kacerita jani, Yusuf sedek sirep. Risedek Yusuf sirep, laut ia ngipi maen pesen uli Sang Hyang Tunggal kene baose, “Eda ja cai jejeh nyuwang Maria anggon kurenan caine, sawireh belingan Maria ento uli Roh Sang Hyang Tunggal. Ia lakar nglekadang pianak muani, lan cai lakar ngadanin anak cerike ento 'Yesus.'”

Nah, ditu lantas Yusuf bangun uli sirepne, ia lantas nyuang Maria kadadiang kurenan. Nanging ia tusing ja sirep ngajak Maria cara anake makurenan, kanti anake cerik ento lekad.

Nah kacerita jani, Maria nglekadang pianak muani. Nah ditu anak cerike ento kaadanin “Yesus,” artine "Sang Hyang Tunggal ngrahayuang." Krana Ida jagi ngrahayuang anake ane nyungsung Ida uli dosan-dosanyane.