Ada carita sujati uli Cakepan Sucine unduk I kail lan I Abel.

disubane Adam lan Hawa ento kausir uli taman Eden, ia ngelah pianak dadua, ane madan "Kain" lan "Abel." Geginan iane makedua tusing ada len, I kain ento dadi petani, lan I Abel dadi pengangon.

Tandina Kain, ngaturang aturan iane aparo merupa palawija di ayun Sang Hyang Tunggale. Keto masi Abel ento ngaturang aturan ane merupa panak kambing ane sulung lan ngaturang aparo ane paling luih di ayun Sang Hyang Tunggal. Sid aturan Abele Sang Hyang Tunggal kenak. Nanging sid aturan Kain, Sang Hyang Tunggal nenten kenak. ento mawinan kain punika mamedih.

Laut Sang Hyang tunggal mesabda sid I kain kene, “Wih cai Kain, nguda semun caine buram? Yening cai malaksana sane beneh, pasti cai katerima. Sakewale yan cai tetep malaksana sane jaat, dosa bakal nguasen cai. Lawanje dosane ento!”

nah enggalan carita, laut lain ento ngajak adin iane luas ka tegale. disubane neked di tegale ento, saget i kain ento nyagurin adin iane i abel kanto mati.

Disubane Abel ento mati laut masabda Sang Hyang Tunggal kene, “Wih cai Kain, dijeke adin caine?”

Laut Kain matur kene, Titiang nenten uning. Titiang boyaja pengempun adin titiange.”

Laut Sang Hyang Tunggal mesabda kene, “Nguda cai malaksana ane jaat? Getih adin caine mura di tanahe. To satmaka bukti cai malaksana ane jaat.” Ditu lantas Sang Hyang Tunggal mastu I Kain kene, “Sujatine tanahe ene tusing ja bakal ngemaang cai asil sane sapatutne. Cai bakal ngumbang kemu mai."

Ditu lantas Kain matur sid Sang Hyang Tungga. “Sujatine ukuman titiange punika kalintang abot. Kenten pada yening wenten anak sane kacunduk sareng titiang sinah titiang jagi kapademang.”

Laut Sang Hyang Tunggal mesabda: “Sujatine tusing ada anak ane bakal ngamatiang cai. Yan ada anak sane bakal ngamatiang cai, Nira bakal males kantos ping pitung keti."

Laut Sang Hyang tunggal ngicen tanda sid I kain apange anake ane matemu ngajak Kain, tusing ada ane bani ngematiang. Laut I Kain magedi uli tongose ento luas nganginang ngejohang dewek uli sang Hyang Tunggal.