Ada carita sujati uli Cakepan Sucine unduk manusane nglanggar titah Sang Hyang Tunggal.

Disubane manusane kaejang di taman Eden, ditu ada lelipi neken manusane. Lelipine ento tuah beburon ane ririh sajaan, ririhin teken beburon ane lenan. Ditu lantas lelipine ento ngomong teken anak luh ane di tamane ento. "Sujatine Sang Hyang Tunggal nombaang ragane ngenaar buah-buahan ane ada dini?"

Laut anak luh ento yautin ilelipi, "makejang buah ane ada di tamane ene dadi tiang naar. Nanging buah ane ada di tengah-tengah tamane ento, buah unduk pengetahuan jele kalawan melah, Sang Hyang Tunggal mesabda tusing dadi tiang ngenaar. Yan tiang naar, tiang bakal mati. De je tiang naar, ngusud dogen tiang tusing dadi."

Laut i lelipi ngutsaha apange anak luh ento ngalap lan naar buah ento. Laut i lelipi ngomong kene, "yan cai ngenaar buah ane di tengah-tengah tamane ene, cai tusingje lakar mati. Sakewale yan cai ngenaar buahe ento SangHyang Tunggal nawang tuah cai patu cara Sang Hyang Tunggal nawang unduk jele kalawanin melah."

Ditu lantas anake luh ento ngalap buah ane kalarang lan naar lau kadum ngajak kurenan iane ane bareng ditu. Dugas ia ajak dadue ngenar buahe ento, ditu lantas ia sadar tuah awakne melalung. Laut ia nyait don donan nganggon semat kadadiang penganggo, kaanggon nekepin awanne.

nah keto pangawitne jelemane ngelanggar titah Sang Hyang Tunggal. uli tugas ento manusane madosa ring Sang Hyang Tunggal.