Ada cerita sujati uli Cakepan Sucine unduk Sang Hyang Tunggal ngardi manusa luh lan muani.

Sang Hyang Tunggal ngardi langit lan gumine nganggon sabdan Idane. Selanturne Sang Hyang Tunggal ngardi manusa manut teken gambar praragan Idane. Manusane ento, karupa nganggon tanah buk, laut Sang Hyang Tunggal ngupin song cunguh manusane ento apanga dadi idup. Nah ditu manusa pertama ane kaciptayang Ida muani ane kaadanin "Adam."

Lau Sang Hyang Tunggal ngardi taman ane melah pesan. Di tamane ento liu ada papunyanan ane buahne ngemeledin keneh. Keto pada Sang Hyang Tunggal gardi dadua pepunyanan di tengah-tengah tamane ento. Ane besik punyan kehidupan, yan ia ngenaar uli buah-buahan papunyananne ento, ia bakal idup selamen-lamenne. Ane buin besike punyan pengetahuan, tusing ada len unduk pengetahuan jele kalawanan melah.

Nah ditu manusane kaejang Ida apanga ia ngutsaha miara tamane ento. Ditu lantas Sang Hyang Tunggal masabda teken manusane, "Makejang buah-buahan ane ada di tamane ene, dadi cai naar, sakewala buah-buahan ane ada di tengah tamane ene, unduk pengetahuan jele kalawanan melah da cai naar buahne. Yan cai naar buahne ento, pasti cai lakar mati." Keto Sang Hyang Tunggal masabda, yan manusane ngelanggar titah Sang Hyang Tunggal ia lakar pasti mati.

Nah kaceritayang jani, Sang Hyang Tunggal masabda, “Tusing melah anake muani ene padidiane." Laut manusane ngadanin beburone ento, sakewala tusing ada ane cocok teken ibane. Ditu lantas Sang Hyang Tunggal ngae manusane apang pules leplep. Disubane manusane ento pules leplep, Sang Hyang Tunggal ngambil tulang igan manusane ento kadadiang anak istri. Ditu lantas anake muani ento bangun uli sirepne, laut ngomong, “Bih, ne suba anake ane paling cocok teken dewek cange krana ia kajemak uli tulang tiange.”

Nah ditu lantas makadua manussane ento idup di tamane. Lan ia tusing mapenganggo sakewala tusing ja lek.