Ada carita sujati uli Cakepan Sucine unduk Sang Hyang Tunggal ngardi malaikat.

Witne tuah Sang Hyang Tunggal. Sang Hyang Tunggal olas asih, suci lan mahakuasa. Ida tuah Sang Hyang Aji ane ngae gumine ene. Ida tuah Sang Hyang Sabda. Keto masi, Ida tuah Roh Sang Hyang Tunggal.

Sang Hyang Tunggal ngardi malekat-malekat setondene Ida nyiptayang gumi lan isinnyane. Malaikat-malaikat ane kakardi olih Sang Hyang Tunggal ento tuah roh ane luih sajan, melenan teken atma. Geginan malekat-malekate ento tuah nyembah SangHyang Tunggal. Malekat-malekat ane kakardi Ida, kaliwat liu sajan kanti tusing nyidang ben metek. Lan makejang malekat-malekat ento tuah luih.

Nah kacerita jani, uli malekate ane liu ento, ada abesik ane nungkasin Sang Hyang Tunggal. Malekate ento ngalain tegak luih di swargan. Ia ngajak malekat-malekat ane lenan apang nungkasing Sang Hyang Tunggal. Malekat ane nungkasi Sang Hyang Tunggal ane simalu ento kaadanin "ratun buta kala" lan pengikut-pengikutne dadi musuh Sang Hyang Tunggal. Keto masi, ratun buta kalane ajak pengikut-pengikutne setate mobabin imanusa apanga manusane tusing nyembah Sang Hyang tunggal. Uli unduke ento, Sang Hyang Tunggal bakal ngukum ratun buta kala ajak pengikut-pengikutne di kawah apine selamin-laminne.