Wenten cerita sujati saking Cakepan Sucine indik manusane nglanggar titah Sang Hyang Tunggal.

Risampune manusane kagenahang ring tamane Eden, irika wenten lelipi ngrauhin manusane. Lelipine punika wantah baburon sane ririh pisan, ririhin kapin baburon sane lianan. Irika raris lelipi punika ngomong kapinin anake istri sane ring tamane punika, “Sayewaktike Sang Hyang Tunggal nombang ragane ngajeng saluwirin woh-wohan sane wenten driki?”

Raris anake istri puniki nyaurin I lelipi, “Saluwirin wohan sane wenten ring tamane puniki, dados tiang ngajeng. Nanging wohan ane wenten ring tengah-tengah tamane puniki, indik wohan pengetahuan jele kalawanin melah, Sang Hyang Tunggal masabda nenten dados tiang ngajeng. Yaning tiang ngajeng, pedas tiang lakar mati. Da ja tiang ngajeng, ngusud tiang tusingja dadi."

Raris I lelipi ngutsahayang mangda anake istri punika ngalap lan ngajeng wohane punika. Irika I lelipi ngomong kene, “Yaning ragane ngajeng wohan sane ditengah-tengah tamane punika, ragane tusingja lakar mati. Nanging yaning ragane ngajeng wohane punika, Sang Hyang Tunggal uning wantah ragane pateh sakadi Sang Hyang Tunggal, uning indik jele kalawanin melah.”

Irika raris anake istri punika ngalap wohan sane kalarang punika, tur ngajeng lan kaedum ngajak rabin ipune sane sareng drika. Ritatkala ipun makadua ngajeng wohane punika, irika raris ipun sadar wantah deweknyane malalung. Raris ipun nyait don-donan nganggon semat kadadiang penganggo, kaanggon nekepin awaknyane.

Nah keto pengawitne manusane nglanggar titah Sang Hyang Tunggal. Saking irika manusane madosa ring Sang Hyang Tunggal.