YOHAN
Htang Dàm Hun Kat é Laiká
(2 John)
1
Ngò sûwún hpó gi,
tengmán hkyô má ngò chyitdàp é,
hkyin yù huî é nàng hpô-myhí eq nungzô pé lé,
dang kyô kat lhê;
ngò baú za a nghut,
haû ngá-nhûng chyáng lúng to luî,
2 ngá-nhúng eq ahtum abyùq ru joq nyî râ nghut é tengmán hkyo é yánmai,
haû tengmán hkyô lé sê é lhúnglhâng bang le,
núngmòq lé chyitdàp nyi lhê.
3 Haû Îwa Garai Gasang eq Îwâ é Yhang zo Yesuq Hkrisidùq chyáng mâ é jeju,
shogyo nhikmyin hkyô eq nguì ngón hkyô gi,
haû tengmán hkyô eq chyitdàp hkyô má,
ngá-nhúng eq rahá jòq nyì sháng gàq.
4 Haû Îwa mai ngá-nhúng lé hkunmó hkyô tô é eq rajung za,
nungzô pé ra-am gi,
haû tengmán hkyô má châng nyi é hkyô lé,
ngò wó sê é yánmai,
gyai yhang gabú nyi lhê.
5 Chyitdàp é hpô-myhí ê,
ngá-nhúng rayùq eq rayùq chyitdàp lhum sháng nghû,
ahkuî,
ngò,
nang lé dûng kat lhê;
shî gi,
sânghi mai ngá-nhúng wó gyô yù bê hkunmó lé shèq,
nang lé ngò ká byî kat é nghut lhê;
hkunmó sik ralhum a nghut.
6 Yhang hkyô tô é hkunmó eq rajung za,
ngá-nhúng châng kut é nghut jáng gi,
chyitdàp é hkyô nghut bê.
Sânghi mai núngmòq wó gyô yù bê eq rajung za,
Yhang hkyô tô é hkunmó gi,
núngmòq chyitdàp myìt bo nyì râ matú nghut lhê.
7 Hkâsu mù gâ le,
Yesuq Hkrisidùq gi,
gùngsho dông jé lé é hkyô lé a yín yu é,
mhaú zô é byù myo myo gi,
mingkan htoq má jón wún bekô nghut ri;
haû sû é byù gi,
haû mhaú zo sû eq anti-hkrisidùq dùt râ nghut lhê.
8 Núngmòq zui saí bê múzó é a-kyû lé a lhoqhpyuq é za,
gúmjùp é shigyaú chyûnghuq lé,
núngmòq wó hkam yù kó sháng gàq,
yhûmsing gùng sidìq nyì keq.
9 Hkrisidùq mhoqshit é dang lé a châng é za,
laî chyan é sû ó yùq nghut kôle,
Garai Gasang lé a wó é sû nghut ri;
haû mhoqshit é dang lé ru châng nyi é sû kúm gi,
haû Îwa lé le,
Yhang zo lé le,
wó bê sû nghut ri.
10 Mhoqshit é dang haû lé a wun é byù rayùq yùq,
núngmòq chyáng jé lé é nghut le gi,
haú yùq lé núngmòq é yhúmhkaû má hkâwâng nhâng kó;
yhang lé hkâlhom xoq yù kó.
11 Hkâsu mù gâ le,
haú yùq lé lhom xoq yu é sû gi,
yhâng é agè ashop é múzó má lòm bê sû nghut ri.
12 Ngò gi,
núngmòq lé ká byî kat râ hkyô myo myo jòq kôlhang,
laiká hkyap eq kâ jung chi lé a kâm chûng naù.
Ngá-nhûng é gabú hkyô wó gúmjùp sháng gàq,
ngò,
núngmòq chyáng tsuq za lé jé mù,
núngmòq eq myòqdong hkyúm kut nyo lhum râ lé myìt myòqbyu nyi lhê.
13 Hkyin yù huî é náng nhâ é yhang zô pé gi,
nang lé shi-kyâm kat akô nghut ri.