Zo Wuî Eq Mó Wui É Hkyô
6
Zoshâng wuì ê, haû Yhûmsîng má, núngmòq é mó wui é jì-no gyo keq; hkâsu mù gâ le, haû gi, kut gíng é hkyô nghut ri. 2 “Náng é înu îwa lé hkúngga hpautap aq. 3 Haû jáng, nàng, nyì ngón yùqyò mù, myìdàm htoq má náng é chyungxe hing nyì râ nghut lhê.”a gâ é dang gi, htûm tô é danghtum lom é sânghî lhum hkunmó nghut ri.4 Îwâ pé ê, núngmòq é zo wuî lé nhikjum a lhoqyô é za, haû Yhûmsing é mhoq kyo hkyô eq mhoqshit lhoqpun hkyô dông yhángmòq lé baú kô nyì keq.
Jùn Pé Eq Jùnsing Pê É Hkyô
5 Jùn pé ê, núngmòq gi, Hkrisidùq é jì-no gyô é su, gyùq hkúnggâ é eq lhumzuî é myìt mai, núngmòq é myìdàm htoq mâ é jùnsing pê é jì-no gyo keq. 6 Núngmòq gi, yhángmòq é hí má za, myòqdong ho é dông kut é a nghut é za, Hkrisidùq é jùn pé su, Garai Gasang ô nau é hkyô lé, núngmòq é i-myìt ûnghkaû mai châng kut nyî keq. 7 Byù lé za dójaú é dông a nghut é za, haû Yhûmsîng lé dójaú nyi é dông le, shirông myìt èq dójaú nyî keq. 8 Hkâsu mù gâ le, jùn nghut nghut, lùthkyô wó sû nghut nghut, ge é hkyô kut nyi é nghut jáng, haû Yhûmsîng gi, yùq hkangmó lé shigyaú râ nghut é lé, núngmòq sê nyi lhê.
9 Jùnsîng pé ê, núngmòq le, núngmòq é jùn pé lé haû eq rajung za kut byî nyì keq. Yhángmòq lé hkâ-kyuq zo kó; núngmòq sê é eq rajung za, yhángmòq eq núngmòq é Yhûmsîng hpó gi, mauhkûng htoq má nyi é nghut luî, Yhang gi, myòqdong hkyin é hkyô a bo é sû nghut lhê.
Garai Gasâng É Gyèhking
10 Ló htâng má, taí nau é hkyô gi, haû Yhûmsîng eq Yhâng é hpungwup a-tsam mó má wum-o bo nyì keq. 11 Haû nàt Tsádán hpó haq htung é hpàqchyî pé lé, núngmòq wó he-ngìk pyám kó sháng gàq, haû Garai Gasâng é gyèhking bànshoq lé wùt to keq. 12 Hkâsu mù gâ le, ngá-nhúng gi, gùngsho eq sui lé htuqhtîng é bang a nghut é za, haû ùphkâng bang, ahkáng ayá wó bang, mauchut tuq dùt é mingkan shi é a-tsam pé eq mauhkûng htoq tsáng myhâng mâ é agè ashop é byò eq sêng é wum-o pé lé, htuqhtîng é bang ru nghut lhê. 13 Haû mù luî, Garai Gasâng é gyèhking bànshoq lé wùt to keq; haú hkûn shèq, núngmòq gi, agè ashop hkyô jé é buìnyì má, yhûmsîng jowò má wó yàp gîng to mù, hkyô hkat hkangmó lé ban kut jáng, wó yàp gingtîng nyì kôrâ nghut lhê. 14 Haû mù, núngmòq é hpyidum má tengmán hkyô hpyihit hit mù, díngmán hkyô wànggò long lé gò luî, 15 núngmòq é hkyî má gi, haû nguì ngón yùqyò hkyô byî é gabú danglù hkô râ rì rì kut to mù, ging ging yàp nyì keq. 16 Hau htoq agó, haû agè ashop su é myiduq é myoshi lhúnglháng lé wó sat ung pyám râ matú, lùmjíng hkyô nghu é gòlong lé chung to keq. 17 Hkyi yù hkyô shâmtoq mùq lé tsûng to luî, Garai Gasâng é mungdang nghut é, haû So é shâm lé wun chûng keq. 18 Ahkyíng hkangmó má, kyûdung dang eq dûng tôngbán é dang ajung jûng èq, haû Sô má kyûdûng nyì luî, machyâ nyì uchyang, sân-yúng bang bànshoq é matú, hkâ-nhám le, xoq xoq kyûdung byî nyì keq.
19 Haû gabú danglu é yánmai, shâmtoq tui hut huî é lagyo rayùq ngò nghut nyì kôlhang, haû gabú danglù nghut é zaú tô é hkyô lé, a gyùq a wàm wó taî kyo luî, 20 ngò taí râ dùt é lé, a gyùq a wàm wó taî sân kyo shoq, ngá nhut hpóng hkangmó, ngò taí râ mungdang pé lé byi sháng gàq, ngá é matú le, kyû bo dung byî nyì keq.
Shi-kyám Dang
21 Haû Yhûmsîng má, chyitdàp é gu-mang eq lhumzuî é duìnhâng zoshâng nghut sû, Tuhkiku gi, núngmòq lé jung hkangmó taî kyo râ nghut luî, ngò hkâsu nghut nyi é hkyô eq haî kut nyi é hkyô lé, núngmòq wó sé kôrâ nghut lhê. 22 Ngá-mòq hkâsu nghut nyi é hkyô lé, núngmòq wó sé râ eq, yhang, núngmòq lé myìt wum wó byi râ matú za myìt myòqbyù luî, yhang lé, ngò, núngmòq chyáng nhang kat é nghut lhê.
23 Îwa Garai Gasang eq Yhûmsîng Yesuq Hkrisidùq chyáng mâ é lùmjíng hkyô má bo é chyitdàp myìt eq nguì ngón hkyô gi, haû gu-mang wui chyáng ru joq nyî sháng gàq ô! 24 A dàt htûm é chyitdàp myìt mai, ngá-nhûng é Yhûmsîng Yesuq Hkrisidùq lé chyitdàp é lhúnglhâng bâng chyáng, Garaî jeju gi, ru joq nyî sháng gàq ô!