Târâ Jéyáng Hkyô Eq Dangshikaq Dum Saî Tô É Hkyô
4
“Gè gè yhang, buìnyì haû gi, jé lo nyì bê nghut ri; haû gi, myi bunghkyûng su nyé gyúng râ nghut lhê. Myìt myhâng nghutbûn é eq agè ashop hkyô kut é bànshoq bang gi, hkówá su dùt byùq râ nghut lhê; jé lô râ buìnyì haû gi, yhángmòq lé nyé gyó pyám râ buìnyì nghut mù, a-myìt le, akoq le myìt gyó to râ a nghut.” ga, haû Wum-o a-tsam dìk shoq bò Sû Yhûmsîng Garai taî ri. 2 “Nghut kôlhang, Ngo lé gyùq hkúnggâ é núngmòq é matú kúm gi, lhoqgê lhoqyô byî é buìloq tso é, díngmán é buì htoq lô byi râ nghut lhê. Haú hkûn, núngmòq gi, htoq ló luî, hkup mai hpông htoq kat é, tsô yúng tô é nojûng zô pé su wó byam gó kôrâ nghut lhê. 3 Haú hkûn, núngmòq gi, agè ashop é bang lé nâng pyeq pyám kôrâ nghut lhê; haú hkyô lé Ngò kut é buìnyì má, yhángmòq gi, núngmòq é hkyîwa ô má myiwap su dùt byùq kôrâ nghut lhê.” ga, haû Wum-o a-tsam dìk shoq bò Sû Yhûmsîng Garai taî ri.4 Hau htoq agó, “Isira-elaq byù bànshoq bâng é matú, Horep bùm má Ngá é duìnhâng zoshâng Mosheq lé Ngò byî é, târâ wàng hkunmó pé, târâ pé eq sângdang pé lé myìtbun keq.
5 Wú keq; Ngò gi, Yhûmsîng Garaî é, kô lam é eq gyùq chiq hpo mó nghut é buìnyì a jé shi-má, núngmòq chyáng myìqhtoi Eliya lé nhang kat râ nghut lhê. 6 Yhang gi, mó wui é i-myìt nhiklhum lé zô wui shut, zô wui é i-myìt nhiklhum lé mó wui shut, lhing tau nhâng râ nghut lhê; haû a nghut jáng, Ngò gi, lé lô mù, myìdàm htoq shí lé dakâm luî, bànshoq lhoqhtên pyám râ nghut lhê.” ga le taî ri.