Yisahka É Awùt Ashín pé
7
Yisahka é yhang zo yùqzô pé gi, Tola, Pu-a, Yashup eq Shimron pé bànshoq myi yuq nghut akô.2 Tola é yhang zo yùqzô pé gi, Uzi, Rehpai-a, Yeri-ela, Yamai, Ipsam eq Samu-elaq pé nghut akô; shí bang gi, yhángmòq é yhûmhtu pé mâ é zau wuî nghut bum akô. Dawiq é i-pyàt má, gyè wó zan bê é Tola é awùt ashín pé bànshoq gi, 22600 yùq nghut akô.
3 Uzi é yhang zo yùqzo gi, Izirahi-a nghut ri. Izirahi-a é yhang zo yùqzô pé gi, Mihka-elaq, Obadi-a, Yo-ela eq Ishi-a pé nghut akô. Yhángmòq ngo yuq gón gi, byù mó chyat nghut akô. 4 Yhángmòq gi, myiwe myo myo yù kômù, zodù myo myo wó akô nghut é yánmai, yhángmòq é yhûmhtu byùxik labaû má cháng jáng, gyè zan gé bê é byù 36000 yùq bo ri.
5 Yisahka up mâ é akoq pé bànshoq eq sêng é, gyè wó zan bê é yhángmòq é gu-mang wuì lé nghap é hkûn, bànshoq gi, 87000 yùq bo ri.
Ben-yamin É Awùt Ashín pé
6 Ben-yamin é yhang zo yùqzô pé sum yuq gi, Bela, Behkara eq Yedi-ela pé nghut akô.
7 Bela é yhang zo yùqzô pé gi, Ezibon, Uzi, Uzi-ela, Yerimot eq Iri pé nghut akô; yhángmòq ngo yuq gi, yhángmòq é yhûmhtu pé mâ é zau wuî nghut akô. Yhángmòq é byùxik labaû dông nghap é hkûn, gyè zan gé bê é byù 22034 yùq bo ri.
8 Behkara é yhang zo yùqzô pé gi, Zemira, Yo-ashi, Eli-ezera, Eli-onai, Omri, Yeremot, Abiya, Anahtot eq Alemet pé nghut akô. Shí bang bànshoq gi, Behkara é yhang zo yùqzô pé nghut akô. 9 Yhángmòq é byùxik labaû má gi, yhángmòq é yhûmhtu pê é zaú wui é hkyô eq gyè zan gé bê é byù 20200 yùq bo é hkyô kâ tô ri.
10 Yedi-ela é yhang zo yùqzo gi, Bilahan nghut ri. Bilahan é yhang zo yùqzô pé gi, Ye-usha, Ben-yamin, Ehut, Hkenana, Zehtan, Tarishi eq Ahishahara pé nghut akô. 11 Yedi-ela é yhang zo yùqzô pé shí bang bànshoq gi, yhûmhtu pé mâ é zau wuî chyat nghut bum akô. Gyè zan gé bê é byù gi, 17200 yùq bo ri. 12 Shupim koq bang eq Hupim koq bang gi, Ira é awùt ashín pé nghut mù, Hushim koq bang gi, Ahera é awùt ashín pé nghut akô.
Naphtali É Awùt Ashín pé
13 Naphtali é yhang zo yùqzô pé gi, Yazi-ela, Gu-ni, Yezera eq Shalum pé nghut akô; shí bang gi, myiwe Bila é awùt ashín pé nghut akô.
Manase É Awùt Ashín pé
14 Manase é yhang zo yùqzo gi, yhâng é myi-ngê Aram myhí hku é Asiri-ela nghut ri; myiwe myhí haû gi, Gile-at é yhâng wa Mahkira lé le hku ri. 15 Mahkira gi, Hupim koq bang eq Shupim koq bang mâ é myiwe yu ri; yhâng nhammó é myìng gi, Mahka gâ ri. Yhang gu góyùq é myìng gi, Zelohpehat gâ ri; yhang gi, byìzô pé za wó é nghut ri.
16 Mahkira é yhâng yhûmsîng myhí Mahka gi, yùqzo rayùq hku é nghut mù, yhang lé Peresha ga myhîng ri. Yhang gû é myìng gi, Sheresha gâ ri; Sheresha é yhang zo yùqzô nhik gi, Ulam eq Rakem nhiktâng nghut ri. 17 Ulam é yhang zo yùqzo gi, Bedan nghut ri. Shí bang gi, Manase é yhang shu, Mahkira é yhang zo Gile-at é yhang zo yùqzô pé nghut akô.
18 Yhâng nhammó Hamolehket gi, Ishot, Abi-ezara eq Mahala pé lé hku ri. 19 Shemida é yhang zo yùqzô pé gi, Ahi-an, Shehkem, Lihki eq Ani-am pé nghut akô.
Ehprim É Awùt Ashín pé
20 Ehprim é yhang zo gi, Shuhtela, Shuhtela é yhang zo gi, Beret, Beret é yhang zo gi, Tahat, Tahat é yhang zo gi, Ele-ada, Ele-ada é yhang zo gi, Tahat, 21 Tahat é yhang zo gi, Zabat, Zabat é yhang zo gi, Shuhtela nghut ri. Hau htoq agó, Ehprim é yhang zo Ezera eq Ele-at nhiktâng gi, haú mau má hku é Gahta up bâng é shigu gaunyhaû pé lé lú chyup yû byi kô é yánmai, sat pyâm é huî akô nghut ri. 22 Yhángnhik é yhâng wa Ehprim gi, yháng nhiktang é matú buìnyì myáng myáng iyon yôn é nghut mù, yhâng é gu-mang wuì gi, yhang lé nhik lé tîng byî akô nghut ri. 23 Hau htâng, yhang gi, yhâng é yhûmsîng myhí eq dum zum é nghut mù, yhâng é yhûmsîng myhí gi, zogûng dùt luî, yùqzo hkû byî ri; yhang gi, yhâng é yhûm má ihkyùp hui zô é yánmai, yùqzo haú lé Beri-a ga myìng myhíng byî ri; 24 yhâng é byìzo gi, Shera gâ ri; yhang gi, a-ô ahtoq Bet Horon eq Uzen Shera wà lé xuq é nghut ri.
25 Yhanga zo gi, Rehpa, Rehpa é yhang zo gi, Reshep, Reshep é yhang zo gi, Tela, Tela é yhang zo gi, Tahan, 26 Tahan é yhang zo gi, Ladan, Ladan é yhang zo gi, Amihut, Amihut é yhang zo gi, Elishama, 27 Elishama é yhang zo gi, Nun, Nun é yhang zo gi, Yoshuq nghut ri.
28 Yhángmòq é maumyî eq nyì jowò pé gi, Behtela eq hau é awui ayàm mâ é wà pé, buìhtoq hkyam shut Naran, buìwàng hkyam shut Gezera eq hau é wà pé, Shehkem eq hau é wà pé mai, Aya eq hau é wà pé jé shoq, 29 Manase maukyo mâ é Bet Shan, Tanak, Megido, Dora eq, haú pê é wà pé nghut ri. Isira-elaq é yhang zo Yosep é awùt ashín pé gi, wà haú pé má nyi akô nghut ri.
Asheri É Awùt Ashín pé
30 Asheri é yhang zo yùqzô pé gi, Imna, Ishiwi, Ishiwi eq Beri-a pé nghut akô; yhángmòq é nhammó gi, Sera nghut ri.
31 Beri-a é yhang zo yùqzô nhik gi, Hebera eq Malihkela nghut akô. Malihkela gi, Biriza-it é yhâng wa nghut ri.
32 Hebera gi, Yaplet, Shomera, Hohtam eq yhángmòq é nhammó Shu-a lé hku ri.
33 Yaplet é yhang zo yùqzô pé gi, Pasak, Bimhala eq Ashiwat pé nghut akô. Shí bang gi, Yaplet é yhang zo yùqzô pé nghut akô.
34 Shomera é yhang zo yùqzô pé gi, Ahi, Roga, Hubab eq Aram pé nghut akô.
35 Yhang gu Helemc é yhang zo yùqzô pé gi, Zohpa, Imna, Shelesha eq Amala pé nghut akô.
36 Zohpa é yhang zo yùqzô pé gi, Su-a, Harinehpera, Shu-ala, Beri, Imra, 37 Bezera, Hot, Shama, Shilisha, Yihtiran eq Bera pé nghut akô.
38 Yehtera é yhang zo yùqzô pé gi, Yehpuna, Pisipa eq Ara pé nghut akô. 39 Ula é yhang zo yùqzô pé gi, Ara, Hani-ela eq Rizi-a pé nghut akô.
40 Shí bang bànshoq gi, Asheri é awùt ashín pé nghut luî, yhûmhtu hkangmó mâ é ushuq pé nghut mù, a-tsam je bò luî, a gyùq a wam é sârhe pé nghut mù, je kûng é zau wuî nghut bum akô. Yhángmòq é byùxik labaû má cháng luî, jihpán gùq tô é, gyè zan gé bê é byù bànshoq gi, 26000 yùq nghut ri.