Sàksé Zúm Àp Nhong É Hkûn Yu Lé É Hkungga Pé
7
Mosheq gi, sàksé zúm lé ban saî shap tô é hkûn, haú lé namngón xû but mù, lhoqchyoi lhoqyúng luî, haú mâ é chûngzè bànshoq lé le, hkungga gyàp eq haú mâ é chûngzè bànshoq lé le, namngón xû but mù, lhoqchyoi lhoqyúng bê nghut ri. 2 Haú hkûn, jihpán bo nghap lhóm bang lé ùp é a-myû koq ushuq pé nghut mù, yhûmhtu pé mâ é uchyûng pé nghut é, Isira-elaq é ushuq pé gi, hkungga pé byî bum akô nghut ri. 3 Yhángmòq gi, rayùq nolo radu du eq, í yùq pông luî, a-nghop bo é lhêng racham cham kut, lhêng hkyuq cham eq no raxe í du lé, yhángmòq é chyûnghuq dông haû Yhûmsîng Garaî é hí má yu lé akô; yhángmòq gi, haú pé lé sàksé zúm hí má lé byî akô nghut ri.4 Haû Yhûmsîng Garai gi, Mosheq lé, 5 “Haú pé lé, zùphpong zúm mâ é nhông byî é múzó má chûng râ matú hàp yù àq. Haû mù, Lewiq byu pé lé, ó le ó wùn wàq é múzó má cháng luî, haú pé tsing gàm byi aq.” ga taî ri.
6 Haû mù, Mosheq gi, lhêng pé eq nolo pé lé hàp yù mù, Lewiq byu pé lé tsing gàm byi bê nghut ri. 7 Yhang gi, Gerishon é byu pé lé, yhángmòq wùn wàq é múzó má cháng luî, lhêng í cham eq nolo myî du byi mù, 8 Merari byu pé lé, yhángmòq wùn wàq é múzó má cháng luî, lhêng myî cham eq nolo shit du byî ri. Yhángmòq bànshoq bang gi, hkyangjong Arun é yhang zo Ihtama hkyô shit yu é a-ô mâ é bang nghut akô. 9 Nghut kôlhang, Mosheq gi, Kohat byu pé lé lhêng eq no a byi nghut ri. Hkâsu mù gâ le, yhángmòq gi, yhángmòq wú gôn nyi é chyoiyúng zê lé gòqsân mai wàq râ wò yu tô é bang nghut é yánmai nghut ri.
10 Haû hkungga gyàp má namngón xû but é buìnyì má, ushuq pé gi, haû àp nhông râ matú, yhángmòq é hkungga pé lé yu lé mù, hkungga gyàp hau é hí má lé byî akô nghut ri. 11 Hkâsu mù gâ le, “Ra-nyí má ushuq rayùq, hkungga gyàp àp nhông râ matú yhûmsing é hkungga lé yu lé ra râ nghut lhê.” ga haû Yhûmsîng Garai mai Mosheq lé taî tô é yánmai nghut ri.
12 Sânghî nyí má hkungga yu lé é sû gi, Yudaq up mâ é Aminadap é yhang zo Nashon nghut ri.
13 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 14 namngón jung kat pyîng tô é, rarung èq ngo che kô bo é hîng gòmhtung; 15 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 16 mara hkyut hkunggâ é matú bainám lo radu; 17 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Aminadap é yhang zo Nashon é hkungga nghut ri.
18 Í nyí nyí má hkungga yu lé é sû gi, Yisahka up mâ é ushuq, Zu-a é yhang zo Nehtanela nghut ri.
19 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 20 namngón jung kat pyîng tô é, rarung èq ngo che kô bo é hîng gòmhtung; 21 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 22 mara hkyut hkunggâ é matú bainám lo radu; 23 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Zu-a é yhang zo Nehtanela é hkungga nghut ri.
24 Súm nyí nyí má hkungga yu lé é sû gi, Zebulun up mâ é byu pê é ushuq, Helon é yhang zo Eli-ap nghut ri.
25 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 26 namngón jung kat pyîng tô é, rarung èq ngo che kô bo é hîng gòmhtung; 27 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 28 mara hkyut hkunggâ é matú bainám lo radu; 29 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Helon é yhang zo Eli-ap é hkungga nghut ri.
30 Myi nyí nyí má hkungga yu lé é sû gi, Rubin up mâ é byu pê é ushuq, Shedura é yhang zo Elizura nghut ri.
31 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 32 namngón jung kat pyîng tô é, rarung èq ngo che kô bo é hîng gòmhtung; 33 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 34 mara hkyut hkunggâ é matú bainám lo radu; 35 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Shedura é yhang zo Elizura é hkungga nghut ri.
36 Ngo nyí nyí má hkungga yu lé é sû gi, Sime-on up mâ é byu pê é ushuq, Zurishadai é yhang zo Shelumila nghut ri.
37 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 38 namngón jung kat pyîng tô é, rarung èq ngo che kô bo é hîng gòmhtung; 39 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 40 mara hkyut hkunggâ é matú bainám lo radu; 41 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Zurishadai é yhang zo Shelumila é hkungga nghut ri.
42 Hkyuq nyí nyí má hkungga yu lé é sû gi, Gat up mâ é byu pê é ushuq, Du-ela é yhang zo Eli-asap nghut ri.
43 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 44 namngón jung kat pyîng tô é, rarung èq ngo che kô bo é hîng gòmhtung; 45 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 46 mara hkyut hkunggâ é matú bainám lo radu; 47 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Du-ela é yhang zo Eli-asap é hkungga nghut ri.
48 Nyhit nyí nyí má hkungga yu lé é sû gi, Ehprim koq mâ é byu pê é ushuq, Amihut é yhang zo Elishama nghut ri.
49 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 50 namngón jung kat pyîng tô é, rarung èq ngo che kô bo é hîng gòmhtung; 51 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 52 mara hkyut hkunggâ é matú bainám lo radu; 53 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Amihut é yhang zo Elishama é hkungga nghut ri.
54 Shit nyí nyí má hkungga yu lé é sû gi, Manase koq mâ é byu pê é ushuq, Pedazura é yhang zo Gamalela nghut ri.
55 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 56 namngón jung kat pyîng tô é, rarung èq ngo che kô bo é hîng gòmhtung; 57 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 58 mara hkyut hkunggâ é matú bainám lo radu; 59 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Pedazura é yhang zo Gamalela é hkungga nghut ri.
60 Gau nyí nyí má hkungga yu lé é sû gi, Ben-yamin up mâ é byu pê é ushuq, Gidoni é yhang zo Abidan nghut ri.
61 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 62 namngón jung kat pyîng tô é, rarung èq ngo che kô bo é hîng gòmhtung; 63 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 64 mara hkyut hkunggâ é matú bainám lo radu; 65 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Gidoni é yhang zo Abidan é hkungga nghut ri.
66 Raxê nyí nyí má hkungga yu lé é sû gi, Dan up mâ é byu pê é ushuq, Amishadai é yhang zo Ahiza nghut ri.
67 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 68 namngón jung kat pyîng tô é, rarung èq ngo che kô bo é hîng gòmhtung; 69 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 70 mara hkyut hkunggâ é matú bainám lo radu; 71 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Amishadai é yhang zo Ahiza é hkungga nghut ri.
72 Raxe ra-nyí nyí má hkungga yu lé é sû gi, Asheri up mâ é byu pê é ushuq, Ohkran é yhang zo Pagila nghut ri.
73 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 74 namngón jung kat pyîng tô é, rarung èq ngo che kô bo é hîng gòmhtung; 75 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 76 mara hkyut hkunggâ é matú bainám lo radu; 77 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Ohkran é yhang zo Pagila é hkungga nghut ri.
78 Raxe í nyí nyí má hkungga yu lé é sû gi, Naphtali up mâ é byu pê é ushuq, Enan é yhang zo Ahira nghut ri.
79 Yhâng é hkungga gi, sân-yúng jowò mâ é jàng má cháng luî chîn é, raxe gau rûng bo é ngùn hkoq hpyén rahkyap, raxê rùng bo é ngùn hkoq rahkyap, gùqzò hkungga dông haû hkoq í hkyap é má kat pyîng tô é, tsanlun xû nyhô tô é je nú é mún; 80 namngón jung kat pyîng tô é, rarung èq ngo che kô bo é hîng gòmhtung; 81 myi nyhé hkunggâ é matú, nohtó zo radu, saulo radu eq razàn bò bê é saulo zo radu; 82 mara hkyut hkunggâ é matú bainám lo radu; 83 zùmhkaû hkungga dông sat nhông byi râ nghut é, nolo í du, saulo ngo du, bainám lo ngo du eq razàn bò bê é saulo zo ngo du nghut ri. Haû gi, Enan é yhang zo Ahira é hkungga nghut ri.
84 Haû mù, hkungga gyàp lé namngón xû but é nyí má, haú lé àp nhông râ matú Isira-elaq ushuq pé byî é hkungga pé gi, ngùn hkoq hpyén raxe í hkyap, ngùn hkoq mó raxe í hkyap eq hîng gòmhtung raxe í hkyap nghut ri. 85 Ngùn hkoq hpyén hkyap hkangmó gi, raxe gau rûng bò mù, hkoq hkyap hkangmó gi, raxê rùng bo ri. Haû sân-yúng jowò mâ é jàng má cháng jáng, ngùn hkoq bànshoq gi, 348 rûng kô bo ri. 86 Haû sân-yúng jowò mâ é jàng má cháng jáng, namngón jung kat pyîng tô é hîng gòmhtung ragòm gi, rarung èq ngo che bo ri. Hîng gòmhtung raxe í gôm gi, raxe nyhit rûng kô bo ri. 87 Haû myi nyhé hkunggâ é matú shigu gaunyhaú bànshoq gi, nohtó zo raxe í du, saulo raxe í du eq razàn bò bê é saulo zo raxe í du nghut mù, yhángmòq é gùqzò hkungga le bo ri. Mara hkyut hkunggâ é matú gi, bainám lo raxe í du chung ri. 88 Haû zùmhkaû hkunggâ é matú shigu gaunyhaú bànshoq gi, nolo í xe myî du, saulo hkyuq xê du, bainám lo hkyuq xê du eq razàn bò bê é saulo zo hkyuq xê du nghut ri. Shí pé gi, hkungga gyàp lé xû bùt byî é htâng, haú lé àp nhông râ matú byî é hkungga pé nghut ri.
89 Mosheq gi, haû Yhûmsîng Garai eq dang nyô râ ga zùphpong zúm má wang ló é hkûn, dangshikaq târâ kat tô é sàksé dò é jeju a-myhi htoq mâ é hkerubim gyoro mai yhang lé dáng nyo é htê wó gyô ri. Haû Yhûmsîng Garai gi, haú dông mai yhang lé dáng nyo ri.