No-aq Mai Nyi Gyó Lo É A-myû Zo Wuî
10
A-ô mâ é gi, No-aq é yùqzo Shem, Ham eq Yahpet pê é awùt ashîn pé lé shap kyô é hkyô nghut lhê; haû gi, dowuî tîng é htâng má, yhángnhik wuî wó é zodù wuì nghut ri.Yahpet A-myû Wuì
2 Yahpet é yhang zo yùqzô péa gi, Gomera, Magoga, Madai, Yawan, Tubala, Meshek, Htira pé nghut akô. 3 Gomera é yhang zo yùqzô pé gi, Ashikena, Rihpat, Togarima pé nghut akô. 4 Yawan é yhang zo yùqzô pé gi, Elisha, Tarishi, Kihtim eq Dodanimb pé nghut akô. 5 (Shí bang mai zinlóng byu pé dùt lò mù, yhángmòq gi, yhángmòq é a-myû hkaû má, yhûmsing é myíng chûng luî, yhángmòq é a-myû koq má cháng mù, ó le ô é maumyî ho yu bum akô nghut ri.)
Ham A-myû Wuì
6 Ham é yhang zo yùqzô pé gi, Hkusha, Mizira-imc, Put eq Hkanan pé nghut akô. 7 Hkusha é yhang zo yùqzô pé gi, Seba, Hawila, Saphta, Rama, Sabahtahka pé nghut akô. Rama é yùqzô pé gi, Sheba eq Dedan nhiktâng nghut akô. 8 Hkusha gi, myìdàm htoq má sarhê mó dùt hî sû, Nimrot é yhâng wad nghut ri. 9 Nimrot gi, haû Yhûmsîng Garaî é hí má sho bik kung sû rayùq nghut ri; haû mù, “Nimrot su, haû Yhûmsîng Garaî é hí má sho bik kung sû.” gâ é dang lhaq taî akô nghut ri. 10 Yhâng é mîngdán mâ é sânghî wà mó pé gi, Shinae mau má jòq é Babelon, Eruk, Ahkada eq Hkaline pé nghut akô. 11 Yhang gi, haú mau mai Asuri mau má ê mù, Ninewe wà mó, Rehobot Ira wà mó, Hkala wà mó pé lé le, 12 Ninewe eq Hkala gyoro má jòq é Resen wà mó lé le xuq ri; Resen gi, wà mó góngdèng nghut ri.
13-14 Mizira-im gi, Ludim byu pé, Ana-mim byu pé, Lehabim byu pé, Nap-tuhim byu pé, Pat-rusim byu pé, Hkasiluhim byu pé (Byù myû shî mai Hpilisiti byu pé htoq lo é nghut lhê.) eq Hkaptora byu pê é îchyí îwa nghut ri.
15 Hkanan gi, yhâng é zo-mún Sidonf eq Hiti byu pé, 16 Yebusi byu pé, Amori byu pé, Girigashi byu pé, 17 Hiwi byu pé, Arihki byu pé, Sini byu pé, 18 Ariwadi byu pé, Zemari byu pé eq Hamat byu pê é îchyí îwa nghut ri.
Htâng má, Hkanan a-myû koq pé gi, byo myín ló kô é nghut mù, 19 Hkanan é maukyo gi, Sidon wà jé luî, haû mai Gerara wà shut gyó ló mù, Gaza wà lháng jé shoq nghut ri; haû mai, Sodom wà, Gomora wà, Adama wà eq Zeboyim wà shut gyó ló mù, Lasha wà lháng jé shoq nghut ri.
20 Haú bang gi, yhángmòq é a-myû eq yhángmòq é mau hkaû má nyi é, yhûmsing é myíng chûng luî, yhángmòq é a-myû koq má cháng mù, nyi é, Ham é yùqzô pé nghut lhê.
Shem A-myû Wuì
21 Yahpet é yhang mangg Shem le yùqzô pé hku ri. Shem gi, Ebera é yùqzô pé bànshoq é îchyí îwa nghut ri.
22 Shem é yhang zo yùqzô pé gi, Elam, Ashuri, Arihpaza, Luda, Aram pé nghut akô. 23 Aram é yhang zo yùqzô pé gi, Uza, Hula, Gehtera, Masha pé nghut akô. 24 Arihpaza gi, Shela lé hkuh ri; Shela gi, Ebera lé hku ri. 25 Ebera gi, yùqzo í yùq hku ri. Rayùq é myìng gi, Hpelek gâ ri; haî mù gâ le, yhâng é i-pyàt má myìdàm lé gam yu bum akô nghut ri; yhang gû é myìng gi, Yoktan gâ ri. 26 Yoktan gi, Alimodat, Shalep, Hazarimawet, Yera 27 Hadoram, Uzala, Dikla, 28 Obala, Abimela, Sheba, 29 Ohpira, Hawila eq Yobap pé lé hku ri. Shí bang bànshoq gi, Yoktan é yhang zo yùqzô pé nghut akô.
30 Yhángmòq nyi é maumyî gi, Mesha wà mai buìhtoq hkyam bum mau mâ é Sehpara wà jé shoq nghut ri. 31 Haú bang gi, yhángmòq é a-myû eq yhángmòq é mau hkaû má nyi é, yhûmsing é myíng chûng luî, yhángmòq é a-myû koq má cháng mù, nyi é, Shem é yùqzô pé nghut lhê.
32 Shí bang gi, No-aq é yùqzô pé mâ é, yhûmsing é a-myû má cháng luî, ó le ó mai nyi byo gyó lo é a-myû koq pê é hkyô nghut ri. Dowuî díng é htâng má, a-myû shí pé mai, myìdàm htoq má byù myû byo myín jam ló bê nghut ri.