Adasi Ikpa Etip Pọọlu Ogebe Ijet
Ebi Teselonaika
Ebi Ju ìkup me ama Teselonaika mîtap ufialek me lek ebi ntitiin̄ Awaji ìkup me ama ya, mije, usini ebi ntitiin̄ Awaji cha ìre ebi ìwuwuuk lek ichieek me lek ubọk iriaak Awaji ebi Ju. Îre mije ufialek cha ke Pọọlu oge ikpa iba chi ijet ebi ntitiin̄ Awaji òkup me Teselonaika.
Me emen adasi ikpa yi, Pọọlu îtumu ikọ inyan̄a lek kan̄ (2:1-6, 10, 14-16). Usini ebi ntitiin̄ Awaji cha ekiluk ugwem barabat igọọk me oka orọmijọn̄ kiban̄ (4:3-7). Usini kiban̄ mîtele ikwaan̄ ema ekirọ, mè ikweek ukpọk ubọk ikikpọ mgbọ Okaan̄-ene môkpọkbe inu (4:8-12). Usini kiban̄ si ekifieek owot ibe ke ebi ntitiin̄ Awaji ìkwukwu kpebegọọk ikaan̄ uche me inunu eyi Okaan̄-ene obokpọk inu (4:13-18).
Pọọlu ìge ikpa yi isasa itap ema efuuk me emen, mè inyi ema nteme me emen inu chi geelek ema ekariọọn̄ge, inyi ema ekeke enye, mè ekeje efo isi me emen ichechieek kiban̄.