Ikpa Etip Pọọlu Ogebe Ijet
Ebi Galesia
Ike owuwa ebi ekarege ebi Ju ekibọkọ ata etip kè Karais itap, usini ebi Ju ìchechieek me lek kè Karais ekekitumu ibe, ire ebi kpere ebi Ju kpekisun̄ si Ikan kè Mosis, ke kpebekọt ikana ata ebi eyi Karais.
Ikan eyi etumube ikọ ofolek me emen ikpa yi ìre ifefieek afi, eyi òrọrọ inyi ebi Ju esibi esese me lek ebi ekarege ebi Ju. Mije keya ke Pọọlu oge ikpa yi isasa ida nlilọ ijejeen̄ ya ito, mè itumu ibe ke otutuuk oniin̄ òkukup eyi ene obosa ikana ogwu ata irọrọ me isi Awaji ìre ichechieek me lek kè Karais gaalek, ke ìkayaka ìkup me uyọt ibe ene iyaka isi inin̄ usun̄ inyi Ikan kè Mosis. Sa me ikeyi ke ebi eyi Karais esa isibi me irak Ikan kè Mosis melek orọmijọn̄ ebi Ju òje melek Ikan ya.