Adasi Ikpa Etip Pọọlu Ogebe Ijet
Ebi Kọrint
Pọọlu ìkup me Efesọs ige ikpa etip yi ijet ebi ntitiin̄ Awaji òkup mè Kọrint, òrere ama ebi Rom esabe irọ ama ibot me agan̄ Akaya.
Me mgbọ ya, Kọrint ìre ikpele ama me lek mbit, mè orọmijọn̄, mè ijo ugwem barabat mè irariaak owuwa yọk.
Pọọlu ìge ikpa yi isa iteme ema nteme ofolek icheche lek, mè ugwem barabat òkukup me emen ntitiin̄ Awaji, mè inyi si ema nteme ofolek ugwem òje oyet, mè ido-nwa, mè itọtọ ikọ eyi ejit ene okitọ inyi ene, mè ubọk irọ-inu me emen uwu ntitiin̄ Awaji, mè uche echi Ekwukwu Mbuban okiche inyi ene, mè ijojomo me mkpa eyi òkukup inyi ebi eyi Karais.