Ginpaatubang si Jesus kay Gobernador Pilato
(Mt 27:1-2, 11-14; Lu 23:1-5; Jn 18:28-38)
15
Agahon pa gid ku ruyon nga adlaw, nagtililipon eon man ro mga pinuno it mga saserdote, ro iba pa nga mga manogdumaea it mga Judio, ro mga maestro it Kasuguan ag ro tanan nandang kaibahan sa Sanedrin. Nagdesisyon dayon sanda kon ano ro andang obrahon kay Jesus. Pagkatapos, ginpagapos nanda imaw ag ginpaatubang kay Pilato nga gobernador. 2 Ginpangutana ni Pilato si Jesus, �Ikaw baea ro hari it mga Judio?�Nagsabat si Jesus, �Tama ro imong hambae ngaron.� 3 Abo ro ginaakusar kana ku mga pinuno it mga saserdote 4 ngani pinangutana eon man imaw ni Pilato, �Owa ka gid baea it ikasabat? Kaabo-abo t�a ro andang ginaakusar ngara kimo.� 5 Owa man gihapon magsabat si Jesus ngani hangawa gid si Pilato.
Ginsentensyahan si Jesus nga Ieansang sa Krus
(Mt 27:15-26; Lu 23:13-25; Jn 18:39-19.16)
6 Kada Pagtililipon sa Pagdumdum ku Pagtaliwan, si Pilato hay may ginabuhian nga sangka priso nga ginpili it mga tawo nga pabuhian. 7 Idto sa prisohan ku ratong oras hay may isaeang ka priso nga ro ngaean hay Barrabas. Imaw ra hay hapriso kaibahan ku mga nagrebelde anay kuntra sa gobyerno it Roma ag nakapatay imaw it tawo ku pagrebelde nanda ngato. 8 Tag ginaimbistigar ni Pilato si Jesus, nagtilipon ro mga tawo ag nagpangabay kay Pilato nga magpaguwa it sambilog nga priso pareho ku anang ginahimo kada dag-on. 9 Nagpangutana si Pilato kanda, �Gusto baea ninyo nga pabuhian ko ro �Hari it mga Judio�?� 10 Ginpangutana ron ni Pilato ay sayod nana nga ginpaatubang kana ku mga pinuno it mga saserdote si Jesus dahil nahisa sanda kay Jesus. 11 Ro mga pinuno it mga saserdote ma�t-a hay ginsuesuean ro mga tawo nga si Barrabas ro pabuhian imbis nga si Jesus. 12 Nangutana eon man si Pilato, �Hay alinon ko raya ngara nga ginatawag ninyo nga �Hari it mga Judio�?� 13 Nagsabat ro mga tawo, �Ieansang imaw sa krus!� 14 Pinangutana eon man sanda ni Pilato, �Ham-an? Ano ro anang saea?�
Pero mas kapin nga nagsininggit pa gid ro mga tawo, �Ieansang imaw sa krus!� 15 Agod nga matuman na ro gusto ku mga tawo, ginpabuhian dayon ni Pilato si Barrabas pero ana nga ginpalatigo si Jesus. Ana dayon nga gintugyan si Jesus sa anang mga soldado agod ieansang sa krus.
Si Jesus hay Gin-intrimis it mga Soldado
(Mt 27:27-31; Jn 19:2-3)
16 Gindaea dayon si Jesus ku mga soldado sa andang baraks nga kon siin hay may daeayunan ro gobernador. Ginpatipon dayon nanda ro andang mga kaibahan sa bilog batalyon.a 17 Anda dayon imaw nga ginbutangan it puea nga kapab. Nagbuoe dayon sanda it baeagon nga siiton ag gin-obra nanda rato nga korona ag anda dayon nga gintungtung sa ay Jesus nga ueo. 18 Anda man imaw nga gin-intrimis. Naghambae sanda, �Mabuhay ro hari it mga Judio!� 19 Anda pa gid imaw nga ginbinunaean it kahoy sa ueo, ginpinil-an ag gineuhod-euhuran. 20 Pagkatapos nanda it pag-intrimis kay Jesus hay anda nga ginpaeos ratong puea nga kapa kana ag ginsuksokan imaw it uman ku anang dating eambong. Gindaea dayon nanda imaw sa liwan it syudad agod ieansang sa krus.
Gineansang si Jesus sa Krus
(Mt 27:32-44; Lu 23:26-43; Jn 19:17-27)
21 Tag nagapanaw sanda, may hasubeang sanda nga sangka tawo nga bag-ong abot halin sa uma. Rato hay si Simon nga tagaCirene nga ama nanday Alexander ag Rufusc. Ginpilit imaw it mga soldado nga pas-anon ro krus ni Jesus. 22 Gindaea dayon it mga soldado si Jesus sa lugar nga ginatawag nga Golgota. Ro kahueugan ku ngaean it ruyon nga lugar hay �Lugar it Bungod.� 23 Tag idto eon sanda hay ginapainom kunta nanda si Jesus it bino nga may halo nga mirae pero owa imaw kato mag-inom. 24 Gineansang dayon nanda si Jesus sa krus. Pagkatapos hay nagpagabot-gabot sanda kon ano sa anang suksuk ro hiadto sa kanyo. 25 Alas nuybe it agahon kat gineansang nanda imaw sa krus. 26 May ginbutang man nga karatula sa may ibabaw ku anang ueo. Ro nakasueat rikato hay ro ginaakusar kana nga �Ro Hari it mga Judio.� 27 May daywang ka manakaw nga gineansang man kadungan ni Jesus. Ro krus ku isaea hay sa ay Jesus nga waea ag ro ana ku sambilog hay sa ay Jesus nga tuo. 28 f
29 Ro mga nagaagi hay nag-insulto kay Jesus. Naglingo-lingo sanda ku andang ueo ag sinanda kana, �Sinimo gid, gub-on mo ro Templo it Dyos ag patindugon mo man dayon sa sueod it tatlong adlaw. 30 Euwasa ro imong kaugalingon! Panaog rikaron sa krus!�
31 Gin-inintrimis man imaw ku mga pinuno it mga saserdote ag ku mga maestro it Kasuguan. Naghinambae sanda, �Gineuwas nana ro iba, pero indi nana maeuwas ro anang kaugalingon. 32 Maneueuwas baea kuno ra nga ginpromisa it Dyos. Nano man nga haria it Israel ra! Dapat manaog imaw sa krus makaron agod kon makita naton hay basi eon lang mapati kita kana.g�
Makaruyon man ro pag-insulto kay Jesus ku mga manakaw nga gin-eansang kaibahan nana.
Namatay si Jesus
(Mt 27:45-56; Lu 23:44-49; Jn 19:28-30)
33 Tag alas dose eon hay nagdueom ro bilog nanda nga nasyonh hasta it alas tres it hapon. 34 Pagkaalas tres hay nagsinggit si Jesus, �Eloi, Eloi, lama sabachthani?� (nga ro kahueugan hay �Dyos ko, Dyos ko ham-an it ginpabay-an mo ako?�) 35 Pagkabati kara ku ibang nagatilindog idto, sinanda, �Pamatii tuo ninyo, nagapatabang imaw kay Elias.� 36 May nagbuoe it dali-dali it espongha ag ana rato nga gintum-oy sa maaslom nga bino ag ginhigot sa punta it matsa tigbaw ag ginpaduot sa ba-ba ni Jesus agod makasupsup imaw. Naghambae tag tawo, �Anay! Tan-awon ta abi kon maabot matuod si Elias agod tae-taeon imaw sa krus.� 37 Suminggit it mabaskog si Jesus ag nabugtuan dayon imaw it ginhawa.
38 Idto sa Templo hay gulpi eang nga nagisi ro madamoe nga kurtinai halin sa ibabaw paidaeom.
39 Ro kapitan it mga suldado nga nagatindog sa atubang it krus hay nakasaksi kon paalin nabugtuan it ginhawa si Jesus. Naghambae imaw, �Matuod gid-a nga Unga it Dyos ro tawo ngara!�
40 Idto sa maeayo-eayo hay may mga bayi nga nagapinamantaw. Kaibahan ku mga bayi ngato hay sanday Maria Magdalena, Salome, ag Maria nga nanay ku magmanghod nga si Joses ag si Santiago nga Putot. 41 Ro tatlong ka bayi ngato hay nagsueunod kay Jesus tag idto pa imaw sa Galilea ag nagbinulig man ra sanda kana. Abo man nga mga bayi nga nagsunod kana sa Jerusalem nga idto man sa may krus.
Gineubong si Jesus
(Mt 27:57-61; Lu 23:50-56; Jn 19:38-42)
42 Disperas eon rato ku Adlaw it Inogpahuway ag rato man ro andang adlaw sa pagpahaom para sa Adlaw it Inogpahuway. Dahil haponj eon gid, 43 gin-isog ni Jose nga tagaArimatea ro anang buot ag nag-agto imaw kay Pilato ag ginhinyo nga itao kana ro eawas ni Jesus. Si Jose ngara hay sambilog sa mga taeahaon nga myembro it Sanedrin ag nagapaabot gid ku oras nga magahari eon gid ro Dyos sa anang mga pinasahi nga sinakpank. 44 Nangawa si Pilato pagkasayod nana nga patay eon si Jesus. Ginpatawag nana ro kapitan ku anang mga suldado ag ginpangutana kon patay eon matuod si Jesus. 45 Pagkabati ni Pilato ku sugid it kapitan nga patay eon si Jesus, hay ginsugtan nana si Jose nga bue-on ro patay nga eawas ni Jesus. 46 Nagbakae si Jose it maeahaeon nga tela ag nag-adto imaw sa gineansangan kay Jesus. Gintae-tae nana sa krus ro eawas ni Jesus ag ginputos rato ku ratong tela. Ginbutang nana dayon rato sa sangka eueubngan nga ginsinsil sa dalipi. Pagkatapos hay ana dayon nga ginpaligiran it bato ro pwertahan it eueubngan agod sadhan rato. 47 Idto man sanday Maria Magdalena ag Maria nga nanay ni Jose nga nagtinan-aw kon siin ro eawas ni Jesus ginbutang.