Tsiq eeq 136
Geeq laoq eeq nail daoqsel
1 Heeqphaq Miqyail neq, meeq nail ngel-i mail
aivq bhai tsiq eeq bhel.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
2 Miqyail juq nail kovtavq bhai
eeq jaiq nail gaq pevq nail
Heeqphaq Miqyail bhai tsiq eeq yaoq.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
3 Uv thaiq nail juq nail kovtavq bhai
eeq jaiq nail gaq pevq nail
Heeqphaq Miqyail bhai tsiq eeq yaoq.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
4 Aivq teevq gaq taivq-ail
noeq-u maq dov nail ganl nl nia nail ngel-i mail
aivq bhai tsiq eeq yaoq.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
5 Aivq nail neenoeq neekha nee
nqtavq bhai teivq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
6 Aivq neq, iqyaq iqma nail kovtavq bhai
miltsaq bhi ivq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
7 Aivq neq, nqtavq bhai aqbhaq bhi jiav-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
8 Nl ma bhai teivq-a nail neq
n-gaol bhai bhi uv thaiq nail khi mail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
9 Bhala khi mail aqgil juq bhai teivq-a nail neq
nqkiv bhai bhi uv thaiq nail khi mail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
10 Aivq neq, Iljiltuv tsaol-aq nail uqbhao yaq
bhi sil gil-a nail ngel-i mail
aivq bhai tsiq eeq yaoq.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
11 Aivq Ilsaqleiqlav nail jeq-e jaq-a bhai
Iljiltuv milkhaoq nee mail
hevq dov bhiq-a nail ngel-i mail
aivq bhai tsiq eeq yaoq.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
12 Aivq nail gaq kav nail aqlavq
khi mail bhaqaoq eeq nail lavq neev-i mail
aqyu juq bhai hevq dov bhiq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
13 Aivq neq, iqyaq iqma aqnel bhai
nvq pav bhi pav ail-a nail ngel-i mail
aivq bhai tsiq eeq yaoq.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
14 Aivq neq, aivq nail tsaol-aq juq bhai
iqyaq iqma gaoltsi nee
hevq dol-aivq bhiq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
15 Aivq neq, heeqphaq Phaqlaol khi mail
Phaqlaol nail genl dev nail munl munl ma juq bhai
ulcuvq-i mail bhi deq pheeq heivq gil-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
16 Aivq nail tsaol-aq juq bhai
haqtsoiq haqyal nee
gailkhaol hevq jel bhiq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
17 Aivq neq, bhaqaoq eeq nail heeqphaq juq bhai
gaq lai-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
18 Aivq neq, aqmil dov nail heeqphaq juq bhai
heivq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
19 Al nail lavqkhoel bhai
Aqmaolliv tsaol-aq juq nail
heeqphaq Silhonq iqsanl aol nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
20 Bhaqsanq milkhaoq khe
heeqphaq Aolgav bhai iqsanl aol nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
21 Aivq neq, heeqphaq al juq nail mil khaoq
aivq nail tsaol-aq juq bhai
jaiq bhoil bhi pevq lal nail dai khi bivq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
22 Milkhaoq al juq
aivq nail yaqkav pevq nail
Ilsaqleiqlav jeq-e jaq-a juq bhai
bivq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
23 Nv juq gaq bhaq-u phao
aivq nv juq bhai maq khaonq ha lavq ail.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
24 Aivq neq, nv juq bhai neejiav jiav nail juq nail
aqlavq lavqkhoel nee bhi jel-ail lavq-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
25 Aivq neq, aqdoevq khal doevq nail
yaoq phaq yaoq-ao nee bhai
bhi jaq bhi daol-a nail ngaol.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
26 Nqtavq kovtavq bha jaol nail Miqyail bhai
tsiq eeq yaoq dei-eiq.
Aivq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.