Tsiq eeq 133
Miqyail nail tsaol-aq juq neema teevq dao bhai tavq nail ganl
1 Miqyail nail tsaol-aq juq
neema teevq dao bhai tavq khi
nl nail hal nail phaq neq
kha dai hel daiq meeq nail phaq
pevq nail ngel-aiq.
2 Al hai nl nail hal nail phaq neq
Aqlonq nail uqhuq bhai hoel dav nail aqtseel
moeq deeq bhai il khal lee khi
aivq nail phailkhaoq leel khoeq bhai
il leivq lee-a nail
aqphoiq kav nail aqtseel khe-ai dul nail ngaol.
3 Heiq laq moq gaoqjaoq bhai
ga nail tsaiqbhaiq khi
Yeel ovq gaoqjaoq bhai
ga nail tsaiqbhaiq khe-ai iqsanl dul nail ngaol.
Khul khi mail dai ngal-aq
a bhai nqmaq maqluv halyeel doevq nail geeqlaoq
Heeqphaq Miqyail aivq bivq naol dai
saljial jaq-ai thaq nail ngaol.