Tsiq eeq 129
Ilsaqleiqlav nail jeq-e bhai neejiav jiav nail juq ya sunq ail dai, hal nail geeqlaoq hal daoq
1 Ilsaqleiqlav nail tsaol-aq juq-ol
niail hai ge yaoq:
"Ngal yaqnoil ail jiav-u nee mail
neejiav jiav nail juq ngaq bhai
khoeq lavq jiovq lavq dee dee-a nail ngaol.
2 Yaq noil ail jiav-u nee mail
aqyu juq ngaq bhai
khoeq lavq jiovq lavq dee dee-a nail ngaol.
Thail hai ngaol-aoq
aqyu juq ngaq bhai maq gaq lal nia ail.
3 Aqyu juq ngaq nail kaol ceevq bhai
khal deeq movq ail deeq lavq-a nail bhaq da nee
daiyal tseq-ai thaq nail khe-ai
jiav nail ngaol.
4 Thail hai ngaol-aoq
Heeqphaq Miqyail neq, tsaq nail daol nail ngaol.
Aivq neq, ngaq bhai
maq tsaq maq daol nail juq-i mail
phee thaiq-ai thaq nail neeqtsaq bhai
thaiq ceiv lavq-a nail ngaol" dai, ge yaoq.
5 Yeiqlulsaqlaiq meenq bhai
khal bhe nail juq iqsanl mail
haq sil nail lavqkhoel nee
bhi kovq ail dei-eiq.
6 Aqyu juq neq
ilkhaol khaolpoiv bhai doevq lal khi
maq eeq maq heel lal nia dai
khuq ail kov ail-a nail moeqgaq khe-ai
dul nail ngaol.
7 Moeq gaq al juq bhai teevq gaq iqsanl
maq tuv thaiq mao nail nee ovqtavq
aq jeeq iqsanl, maq jeeq mao ail.
8 "Heeqphaq Miqyail neq
nul juq bhai geeqlaoq bivq dei-eiq.
Aivq nail aqmil bhai juq khi
nv juq nul juq bhai geeqlaoq bivq naol" dai
aqjail bhai ail ceiv lal ceiv nail juq iqsanl
thaq bhi ge dei-eiq.