Tsiq eeq 87
Yeiqlulsaqlaiq meenq bhai tsiq eeq nail daoqsel
1 Heeqphaq Miqyail neq, aivq nail meenq
meeq nail haol nail gaoqjaoq bha
cov-ai thaq nail ngaol.
2 Aivq neq, Yeiqlulsaqlaiq meenq bhai
Ilsaqleiqlav milkhaoq-ai jiav nail
meenq yaoq meenq yaoq-ao nee maq tsil
gaiq-a nail ngaol.
3 Miqyail nail meenq-ol, naol neq
seiqleiq khaoqsail eeq lal nail ngaol dai
yu ge nail ngaol.
4 Miqyail ge nail:
"Ngaq bhai heeq nia nail
milkhaoq juq nail aqmil oil-u phao
Iljiltuv milkhaoq khi mail
Bhaq bhul loq milkhaoq iqsanl
ngal gevq bhoel nail ngaol.
Pil lil piv mil khaoq
Dulluv mil khaoq
Khulsav milkhaoq khe tsaol-aq juq iqsanl
Yeiqlulsaqlaiq meenq yaq juq nail
aqmil bhai ngal gevq bhoel bhiq naol" dai
ge nail ngaol.
5 Yu Yeiqlulsaqlaiq meenq bhai
niail hai ge nail ngaol:
"Jeq-e jaq-a iqsanl mail
meenq al meenq bhai doevq lee khi
eeq dee heel dee dee nail Miqyail neq
meenq al meenq bhai bhi ivq nail ngaol" dai
ge nail ngaol.
6 Heeqphaq Miqyail neq
jeq-e jaq-a iqsanl bhai
aqmil gevq bhoel nail ngaol.
Aqyu juq iqsanl bhai
Yeiqlulsaqlaiq meenq yaq dai
gevq bhoel nail ngaol.
7 Aqyu juq iqsanl mail bhoe loe nioi nioi ail
"Yeiqlulsaqlaiq meenq neq
ngadao juq iqsanl-i mail
ya nail geeqlaoq il dol leevq duq
pevq nail ngaol" dai, daoqsel gul nail ngaol.